Adnan Oktar A9 TV; 16 fevral 2015

Biz müsəlman öldürmərik. Müsəlmana əl uzatmaq olmaz, cahildirsə öyrədərsən. Sevgiylə, şəfqətlə yaxınlaşarsan. Mənə Qurandan bir hökm göstərsinlər, harada müsəlman öldürmək yazılmışdır?. Heç bir alim buna fətva verə bilməz, bir müsəlman belə bir şeyə fətva verə bilməz. Heç vaxt izin vermərik.

Kafirlər və münafiqlər müsəlmanlarla mübarizə aparacaq. Əziyyət verəcəklər, böhtan atacaqlar, oyun oynayacaqlar, problem çıxaracaqlar, əleyhinə xəbər hazırlayacaqlar. Allah, bu əziyyətlərinə "fikir vermə" deyir. "Fikir vermə" nə deməkdir? Fərz deməkdir. Təsirə məruz qalmamaq fərzdir, əgər fikir versə, onda harama girər. Belə ədəbsizlərin qurduğu oyunlara fikir verməmək, diqqətə almamaq, əhəmiyyət verməmək fərzdir.

Din, dünyanın bütün gözəlliklərini özündə toplayan bir sistemdir. Dində sevinc var, nəşə var, əyləncə var, musiqi var. Xanımlar rahatlıqla gəzər, istəsə dekolte geyinər, istəsə başını örtər, heç kim heç kimə qarışmaz. İstəyən qəhqəhə çəkib gülər, istəyən döymə elətdirər, istəyən də parik taxar. Din belə şeylərə qarışmaz. Din bizim vicdanlı, dürüst, ağıllı, halala, harama diqqət yetirən kimsələr olmağımızı istəyir. Din sevincin, nəşənin digər adıdır.

Peyğəmbər özündən Qurandan kənar halallar, haramlar çıxara bilməz. Bu mövzuda açıq Quran ayələri vardır.

Qatı dinçilər müsəlmanların üstünə elə ağır yük yüklədilər ki, elə bil, müsəlmanları dəliyə döndərdilər. Sağa dönə bilmir, sola dönə bilmir, gülməsi qadağandır, qadınların danışması qadağandır. Allah sənin gülməyini istəyir, şən olmağını istəyir. Niyə boş- boşuna özünə əzab verirsən? Özlərindən qadağalar qoyurlar. Gül, istədiyin kimi gül, istədiyin kimi gəz, evinin divarından portret də as, heykəl də qoy, gənc qızlar istədikləri kimi makyaj etsinlər, baxımlı olsunlar. Gənc oğlanlar rəqs etsin, əylənsin. Qurana görə bunların hamısı halaldır.

Xurafatçıların, qatı dinçilərin uydurma xurafatları atılsa, geriyə yalnız saf, xalis, əsil İslam dini qalar.

Peyğəmbərimiz (s.ə.v) haramları Qurandan öyrənirdi. Quranda bildirilənlərdən başqa haram, halal olmaz. Hz. Aişə anamızdan belə bir şey soruşurlar; "Rəsulullah (s.ə.v)-in sünnəti nədir?", O da; “Qurandır” deyir. İş çıxarmayın. Quranda bildirilənlərdən başqa haram, halal olmaz.

İslam hər yerə hakimdir. Əyləncə mərasimində də Allah barəsində danışarsan, toyda da. Əyləncə mərasimində Allah barəsində danışmaq olmaz kimi bir şey yoxdur. Bu dinsizliyi rəvac edəcək şəkildə yaymağa çalışan bir məntiqin əsəridir. Çünki, insanlar musiqiyə və əyləncəyə maraq göstərir. "Musiqi, əyləncə olduqda Allah barəsində heç danışmayın, susun" deyirlər. Dinsizlik məhz bunun nəticəsində yaranır.

Sən Qurana tabe olursansa, musiqiyə haram deyə bilməzsən, şəklə, heykələ, gülməyə, əylənməyə haram deyə bilməzsən, amma qatı dinçi ənənəvi sistem içindəsənsə musiqi haramdır, şəkil haramdır, heykəl haramdır.

Mehdi (ə.s)-ın dini asanlaşdırması demək; Quranda olmayan haramları aradan qaldırması deməkdir. Məsələn, musiqi haramdırmı? Deyil. Quranda belə bir ayə yoxdur. Musiqinin haram olduğunu iddia edənlərə musiqinin halal olduğunu söyləyəcək.

Din olmadan insan havalanar. Həyat dəhşətli olar.

Quranda tələb olunan şeylər çox azdır. Namaz çox qısa şəkildə izah olunmuşdur, oruc qısa şəkildə izah olunmuşdur, zəkat qısa şəkildə izah olunmuşdur. Mərhəmətli olun, şəfqətli olun, yalan danışmayın, dürüst olun. Yaxşı niyyətli olun, bir-birinizi sevin. Allahı çox sevin. Bir-birinizə kömək edin, mal-dövlət yığma hərisliyiniz olmasın; mal-dövlət Allahındır. Çox qısadır. Bunlardan başqa həmişə kafirlərin törətdikləri pis əməllər, küfr əhlinin, azğınların, dəlalət əhlinin ədəbsizlikləri və bunlara verilən cavablar vardır.

Qatı dinçilər "İslam məzar dinidir" deyir. Torpağın altında yaşayarsan, qaranlıqda yaşayarsan. "Bunlarınkında aydınlıq var, işıq var, musiqi var, şəkil var" deyir. Həyat var, rəqs var, belə din olmaz deyir. Din qətran altında yaşanılar, işgəncə altında yaşanılar deyir. Qanın, iltihabın içində yaşayarsan, din buna deyilir deyir. Bəzi səfehlər də buna inanır. Bilmədən şeytana təslim olurlar. Bu hiyləni aradan qaldırırıq və qaldıracağıq da.

Xurafatçı zehniyyətə görə din; məzar dini, ölümün yaşandığı, qaranlığın yaşandığı bir dindir. Dinsizlikdə isə musiqi var, şəkil var, əyləncə var, rəqs var, həyat var. Dində isə nə musiqi, nə həyat, nə də əyləncə var. Diri-diri məzara qoyulmuş. Hər şey haram, hər şey qadağandır. Həyat yoxdur! Sanki qətranın altında qalmış bir insanın yaşaması kimi.

Gələn peyğəmbərlər və mehdilər daim halalların sayını artırmış, haramların sayını isə azaltmışdırlar. Amma müşriklər də daim haramların sayını artırmış, halalların sayını azaltmışdırlar. Halbuki haqq dində halallar çoxdur.

Din nemətdir, insanların böyük bir hissəsi dini bəla hesab edir, haşa. Halbuki din dünyanın bəzəyi, həyatın sevinci, ağlın nuru, qəlbin rahatlığıdır, bərəkətdir.

Biz nələrin halal olduğunu Quranda axtara bilmərik. Quranda haramlar axtarılar. Çünki haramların sayı çox azdır. Bir şeyin haram olduğuna dair Qurandan hökm-dəlil gətirildiyi vaxt məsələ həll olar. Amma Quranda haram olduğuna dair bir hökm yoxdursa, uydurmalarla, xurafatlarla qadağa qoymaq olmaz.

Musiqi halaldır, şəkil halaldır, əyləncə halaldır, heykəl halaldır. Yəni halalların həddi-hüdudu yoxdur. Haramlar Quranda müxtəsər, qısa şəkildə ifadə edilmişdir. Haramlar çox azdır. Allah: "Bunlardan savayı yerdə qalanları sizə halal etdim'' deyir. Sən haradan öz-özünə haramlar çıxarırsan?

Əylənərkən Allahı düşünmək olmaz deyə bir inanca sahibdirlər. Məsələn, toya, diskotekaya getdiyində, yaxud radioda bir musiqi çalınırsa, Allahı unutmasının lazım olduğuna inanır. Bu çox böyük səhvdir.

Məktəblərdə darvinist təhsil verərək; "Allah yoxdur" deyirsən. "Elmi baxımdan yoxdur, amma istəyirsənsə, ürəyin istəyirsə inan" deyirsən. Bunun saxta bir elm olduğundan xəbərsiz olan gənclər də: "Mən elmi həqiqəti müdafiə edərəm" deyir və beləliklə də, dinsiz olurlar. Bu qorxunc bir şeydir. Mütləq darvinizmin elmi cavabı verilməlidir.

Hər əxlaqsızlıq, hər zülm, hər cinayət Allahdan qorxmayan kəslərin törətdiyi hadisələrdir. Kommunistlər, darvinistlər, materialistlər, yəni Allaha inanmayanlar Allahdan qorxmaz. Onların arasından çıxar. Məsələn, xurafatçılar da Allahdan qorxmadıqları üçün əxlaqsızlıq edirlər.

İki cür şirk var. Birincisi açıq-aydın görünən şirkdir. Məsələn, büt düzəldib, açıq şəkildə ona sitayiş edir. Bu açıq-aydın görünən şirk olur. Bir də gizli şirk vardır. Bu isə qüvvətin Allahda deyil, başqalarında olduğuna inanmaqdır. Məsələn, insanda ayrı bir qüvvə olduğuna inanmaq. Halbuki, hər insanı danışdıran, hər insana bir şeylər dedirdən və etdirən Allahdır.

Allahdan qorxmayan hər kəs əxlaqsızlıq edəcək deyə bir şey də yoxdur. Amma əxlaqsızlar daim Allahdan qorxmayan insanların arasından çıxmışdır. Bu çox əhəmiyyətlidir. Allahdan qorxan onsuz da edə bilməz, mümkün deyil. Hər bir təcavüz hadisəsini, hər bir əxlaqsız hadisəni daim Allahdan qorxmayan insanların arasından çıxan kimsələr törətmişdir. Bunu bilməlidirlər.

Yəhudilər Axırzamanda İsraildə toplanacaqlar. Bu Tövratda da bildirilir. "Sizi dünyanın hər yerindən toplayacağım" deyir. Bu zaman gəlib çatmışdır. Deməli, Moşiyahın dövründəyik. Mehdinin, Moşiyahın dövründəyik. Həqiqətən də yəhudilər hər yerdən axın-axın İsrailə gəlir.

Şeytan müvəffəqiyyətli bir müsəlmanı devirmək istəyər. Faydalı bir şey edirsə, təsirsiz hala gəlməsini istəyər. Məsələn, kitab yazırsa, yazmasını istəməz. Təbliğ edirsə, etməsini istəməz. Xeyirli bir şey danışırsa, danışmasını istəməz.