Adnan Oktar A9 TV; 30 iyul 2015

Allahın zikr olunmadığı bölgədə, şəhərdə, ölkədə bərəkət gedir. Nə gəlir? Aclıq, iqtisadi böhran. Nə gəlir? Terror. İki təhlükə. Yunanistanda Allah zikr edilirmi? Edilmir. Digər ölkələrdə zikr edilirmi? Məsələn, ABŞ-da zikr edilmir. Nə baş verir? Aclıq meydana gəlir. Ucsuz-bucaqsız torpaq sahəsi var, amma aclıq hər tərəfi bürüyür. Arxasınca terror, qorxu meydana gəlir.

Darvinizm və materializm özü ilə birlikdə Marksist, Leninist, terrorist zehniyyəti də gətirər.

Kommunist olmaq cinayət deyil, terrorist, anarxist, azğın olsan, cinayətdir. Yoxsa fikir səviyyəsində qalsa kommunist ol, başqa fikirlərdən ol, bizi maraqlandırmaz. Ateist də ola bilərsən, kommunist də ola bilərsən, amma zorakılıq və dəhşəti tətbiq edərsənsə, qarşı gələrik. İcazə vermərik.

Kommunizm bərbad sistemdir. Allahsız, Kitabsız, mənəviyyatı olmayan, ruhsuz, çox çirkin və mərhəmətsiz sistemdir. Stalinist, terrorist, kommunist anlayış, cinayətin, qanın, iztirabın, əzabın, zövqsüzlüyün, pisliyin, rəzilliyin, azğınlığın geniş yayıldığı sistemdir.

İstər homoseksual olsun, istər oğru olsun, istərsə də qatil olsun, bir insanın digər insanı öldürmə haqqı yoxdur. Qanun, hüquq var. Problemlər qanun və hüquqla həll edilər.

Yaxın Şərqdəki bütün terror qrupları İngiltərə dərin dövlətinin yönləndirməsi ilə hərəkət edir, heç biri öz imkanları ilə hərəkət edə bilməz.

Qanun, hüququn məqsədi, daim gözəl və faydalı insanlar meydana gətirmək, insanları tərbiyə etməkdir. Hüquq insanların zərərlərini əngəlləyən bir nemətdir. Faydasını da gördük. Artıq Fazıl Say insanlara yaraşmayan sözlər və cümlələr işlətmir. Daha da nəzakətli və yığcam danışır. Deməli, hüququn faydası olub.

Hərəkətə gətirən danışıqlara istiqamətlənən qanun maddələri artırıla bilər.

Terroristi asmaqla deyil, onun düşüncəsini dəyişməklə, fikri izahatla nəticə əldə etmək olar.

Avropa PKK terroristlərini guya şirin uşaqlar elan etdi. "Aktivistdir onlar" deyir. Sanki belə mülayim uşaqlardan bəhs edir. Çox səhvdir.

PKK/YPG-yə qarşı ən gözəl, ən təsirli mübarizə beynini elmlə vurmaq, yəni anti-darvinist, anti-materialist təhsil verməkdir. Terrorun bitməsi üçün terrorist yetişməsinin qarşısının alınması lazımdır. Əsas məsələ bataqlığı qurutmaqdır. Terrorist, darvinist, materialist təhsillə yetişir. Əgər bu bataqlığı qurutsaq məsələni kökündən həll etmiş olarıq.

Əvvəl Darvinist, materialist yetişdirirsən, belə yetişəndə də sonunda kommunist olurlar. Kommunist olduqda, Leninist olur. Leninist olduqda da, terrorist olar onsuz da, başqa cür olmaz. Bu Leninizmin tərzidir.

Bir terrorist sel kimi qan axıtdığında cəmiyyətə xidmət etdiyini düşünər. Ona görə bir hadisə törətmək üçün bəhanə axtarar.

Marksist, Leninist dərsi alan bir adam, əhf düşüncələri mənimsədiyi üçün əsla terrorist məntiqindən əl çəkməz. Onlar təhdid edilərək, öldürülərək, şorba içirilərək, ananızın yanına dönün deyilərək maneə törədilə bilməzlər. MİLLƏTİMİZİN, BİZİM ƏSƏRLƏRİMİZİN ÇIXIŞ YOLU MAARİFLƏNDİRİLMƏK, BİR-BİRİLƏRİNİ MƏLUMATLANDIRMAQDIR. Qurulacaq ən ağıllı sistem bu kimi görünür.

Əgər Darvinist təbliğata qarşı heç bir cavab reaksiyası vermirsənsə bu doğru deyil. Belə olan halda terror qapısı sonuna qədər açılar. Terrorun qapısını darmadağın etmək üçün Darvinizmə hücum etmək lazımdır. Bu vəbanı mütləq qurudacaq və dayandıracağıq.

PKK ilə mübarizə məsələsində; "düşmənimin düşməni dostumdur" siyasəti yürüdülməlidir. Yəni hər nə bahasına olsa da, dövlət bu siyasəti yürütməlidir.

İslam Birliyi, Allaha sevgi deməkdir. Allaha sevginin adıdır. İslam Birliyi istənmədiyi müddətcə bəla yağmağa davam edər və heç kəs bu bəlanı dayandıra bilməz. Ta ki Mehdi (ə.s)-ın zühuruna qədər.

Sünni, Şiə, Vəhhabi - bunların hamısı bir-birinə bərabərdirlər, eynidirlər. Hamısı qardaşdırlar. Mübarizəyə girişmək düşüncəsizlikdir. İslam Birliyi üçün səy göstərin. Bütün müsəlmanları birləşdirməyə çalışın, bunun təbliğatını aparın, izah edin.

Müsəlmanlar zavallıdırlar. Bir-birləriylə boğuşmaları çox ağılsız hərəkətdir. Onsuz da hamı sizi əzib keçmişdir. Onsuz da sürünmüsünüz. Onsuz da pərişan olmusunuz. Bir-birinizi əzib keçməyə nə gərək var? Bunlar necə də ağılsız hərəkətlərdir. Hara baxsaq zavallıları görürük. İraqa, Əfqanistana baxıb zavallıları görürük, Yəmənə baxıb zavallıları görürük. Nə gərək var? Birləşin qardaş olun. Gözəl, təvazökar, zəngin, sağlam, xoş yaşayın.

Silahı yerə qoymaq PKK-nın əsla qəbul etməyəcəyi şeydir. Əvvəla bu marksist, kommunist, stalinist prinsiplərə ziddir. Onlar kommunist, stalinist olaraq yetişdirilmişdirlər. Stalinizm ilə silah iç-içədir. Niyə yerə qoysun ki? Sənin xahişinə görə yerə qoyar heç? Təhsil ilə olar bu; darvinist- materialist təhsilə son versən, yaradılışdan, Allahın varlığından, birliyindən danışsan olar.

Allah bizi robot olaraq da yarada bilərdi; amma onu tam mənasıyla bəyənmir. Sərbəst şəkildə düşünə bildiyi üçün insanı daha çox bəyənir. Çünki zalımlıq da edə bilir, yaxşılıq da. Amma mələk zalımlıq edə bilmir; yəni belə bir gücü yoxdur.

PKK-nın qanun və hüquqla yox edilməsi bütün müsəlmanlar üçün fərzdir. PKK ilə mübarizə aparılmaması haramdır.

“Həll prosesi” deyilən şey; PKK-nın orada bir dövlət qurması, Abdullah Öcalanın oraya prezident vəzifəsinə keçməsi, bölgənin Türkiyədən alınması və orada stalinist, kommunist, yırtıcı, qırmızı bir rejimin hakim edilməsidir. Proses dedikdə məhz bunu nəzərdə tuturlar.

Allah ən böyük sevgini şəhidlik kimi qəbul edir. Allahın ən bəyəndiyi şey budur. Lakin, əlbəttə ki, ən məqbul şəhidlik forması Allah yolunda cihad edərkən, yəni feli cihad edərkən şəhid olmaqdır. Çünki açıq-aydın şəkildə döyüşə gedir, öldürülə biləcəyini bilir, orada şəhid olur. Allah yolunda qorxmadan cihada çıxmaq; ən məqbul olan budur.

Xahiş edirəm şəhid cənazələrində ağlamağı aradan qaldıraq. Qurana uyğun deyil, adətimizə uyğun deyil, İslam əxlaqında belə şey yoxdur. Bu çox qədim dövrlərdə Şumerlərdə görülən bir adətdir. Cənnətə gedənin arxasınca ağlamaq olmaz.