Adnan Oktar A9 TV; 27 dekabr 2014

Əli qolu bağlı, polislərin arasında aparılan bir insanın üzərinə hücum etmək, ağzını burnunu əzmək olduqca ayıb, çirkin və aciz olan bir hərəkətdir. Həbsxanada adam döymək, polis bölməsində adam döymək, qandallı adamı döymək, bu kimi hərəkətlər dəliqanlılıq deyil. Tam əksidir.

Türkiyə üçün ən böyük təhlükə qatillərə amnistiya tətbiq edilməsidir. Belə olması Türkiyənin rəsmi surətdə məhv olması deməkdir. Əgər bir insan Mehmetciyi, polisləri qətlə yetirən kimsələri bağışlasa, deməli, o dünyanın ən alçaq, ən pis xarakterli adamıdır.

Cənub-Şərq bölgəsində ən vacib, ən əhəmiyyətli şeylərdən biri mühafizəçilərə sahib çıxmaqdır. Mühafizəçilərə polis statusu verilsin. Şəhərdə də silah gəzdirmələrinə imkan verilsin. Sayları artırılsın.

Həm keşikçi qardaşlarımızın polis heyətinə salınması, həm də keşikçi sayının artırılması çox vacibdir. Cənub-Şərq bölgəsi problemi köklü surətdə bu yolla həll olar. Birinci sevgi, ikinci şəfqət, üçüncü keşikçi sayının artırılmasıdır. Başqa bir şey yoxdur.

Türkiyəni bölməyə təşəbbüs edərlərsə, buna ilk növbədə türk polisi qarşılıq verər. Türk polisinin polis vəzifəsinə hansı səbəbə görə gəldiyini bilirsənmi? Ölmək üçün gəlir. Polislik; vətən üçün, millət üçün, bayraq üçün, Allah üçün ölməyə qərar verən peşənin adıdır.

Əsgər niyə əsgər olur? Allah üçün, vətən üçün, bayraq üçün ölməyə hazır olduğu üçün əsgər olur. Bu vəzifənin xüsusiyyəti budur. Polis vətənin satıldığını hiss edərsə, satanlara dünyanı dar edər. Qaçıb gizlənməyə dəlik axtararlar. Yəni: "Kaş ki, yaşamayaydım" deyərlər. Bunu deyim ki; polis onu qanunla, hüquqla məhv edər. Ən birinci polis və əsgər.

Heç kim Türkiyənin bölünməsinə izin verməz. Abdullah Öcalanı da heç kim azadlığa çıxarmaz. Buna heç bir türk polisi izin verməz. Bizim bütün polislərimiz millətçidir. Vətən, millət, bayraq deyilən kimi, hamısının gözü dönər. Hamısı Allah üçün, vətən üçün, bayraq üçün ölümü gözə alar.

Əsgərin gözü çox qaradır. O Allah, Kitab, vətən, bayraq, millət, dövlət üçün yaşayır. Əsgərin həyatda başqa bir məqsədi yoxdur. Əgər əsgər vətənin bölünəcəyini anlasa, onu heç kim tutub saxlaya bilməz. Jandarmanı da heç kim tutub saxlaya bilməz, polisi də heç kim tutub saxlaya bilməz. Kim alçaqlıq, xainlik edibsə qanunla və hüquqla onu sürükləyib meydana çıxarar.

Dövlət, keşikçiləri polislərin arasına alsın. Saylarını da iki dəfə artıraq. Onlar Cənub-Şərqi Anadolunun bəzəyidir. Canlarını Allah, millət, vətən üçün ortaya qoyurlar. Dövlət bu gözəl insanlara var gücü ilə, ciddi şəkildə sahib çıxmalıdır.

Əsgərlərin və polislərin qorxutmaq üçün silah ehtiyatı çox olmalıdır. Uzunmüddətli qarşıdurma olmamalıdır. O silahdan xəbər tutsa, onsuz da ora kimsə gələ bilməz. Köhnəlmiş silahlardan istifadə etsən, adam da gələr.

Hökumət kənd qoruyucularının həm sayını çoxaltsın, həm də onlara polislərə tanıdığı haqları versin. Kənd qoruyucuları hər kənddə, hər yerdə olsun. Kənd qoruyuculuğunun ləğv edilməsi olduqca təhlükəli olar. Əksinə canlandırılmalıdır.

Polis, əsgər və keşikçi maaşı; bizim maaşlarımızı azaltsınlar, onların maaşını artırsınlar. Çünki onlar vətən üçün canlarını ortaya qoyurlar. Biz şəhərlərdə otururuq, lakin onlar vətən üçün, millət üçün qızğın qarşıdurmalara girirlər. Maaşlarının yüksəlməsi, polis, əsgər və keşikçilərimizin haqqıdır.

Polisi, maraqlanacağı həqiqi əleyhdarlara istiqamətləndirmək lazımdır. Polisin, vətənin dostlarına, millətin dostlarına deyil. Çünki Axırzamandayıq. Peyğmbərimiz (s.ə.v) Axırzamanla əlaqədar olan hədisində belə buyurur: "Axırzamanda doğru olan xain, xain olan da doğru kimi tanınar". Polisləri haqlı, doğru olanların, yaxşıların üzərinə deyil, xainlərin üzərinə istiqamətləndirmək lazımdır.

Polisin lazımsız şeylərlə deyil, lazımlı olan şeylərlə məşğul olacağı hala gətirilməsi lazımdır. Polisin diqqətini lazımsız, boş və faydasız şeylərə yönəltmək lazım deyil. Polisin diqqətini dağıtmaq olmaz. Polisin diqqəti birbaşa küfrün və qəddarların üzərində olsun.

Vətəndaş polisi, dövləti hər cəhətdən dəstəkləməlidir. Dövlətlə millət birlikdə hərəkət etməlidir. Beləcə müvəffəqiyyət əldə etmək olar, inşaAllah.

Polisimizin istirahəti üçün bitib-tükənməyən imkanlar vardır. Lazım olsa bütün iş yerlərini, evlərimizi dincəlmələri üçün polisimizin üzünə açarıq.

Polisi yuxusuz qoymaq düzgün olmaz. Polis vəzifəsini yerinə yetirər, gedib yatar, bu vaxt silahlı qüvvə onu əvəz edər. Polis niyə küçələrdə yatsın, hər yerdə otellər var. Polisimizin üzünə otellər hətta lazım olsa evlər açılar. İstirahət etməsi təmin edilər. Yorğun, əldən düşmüş bir polis üçün yeni hücumlarda təhlükəli vəziyyət yaranar.

Allah polisimizi namərdlərin tələsindən, gülləsindən qorusun. Onları nurlu zirehlə qorusun. Allah vətən, millət düşmənlərini mələkləri ilə pərişan etsin.

Qeyri-qanuni kommunist qiyamı olsa polisin kifayət qədər olmadığı yerdə lazım olsa jandarma, əsgər, komanda ortaya çıxar.

Dövlət, millət, əsgər, polis―hamısı birlik olacaq.

Polisə molotov kokteyli atsan polis məcbur qalıb özünü müdafiə edər. Fikirlə əldə edəcəyini kobudcasına, təzyiqlə əldə edə bilməzsən.

Ağaca sevgim var deyərək gənc polisi komaya salır. Bir çox insanı yaralayıblar. Ağaclara sevginin olması gözəldir, amma əvvəl insana olan sevgidən başlamaq lazımdır. Ağaca görə insan öldürməzlər. İnsan hər şeydən əzizdir.

Polisə daş atmaq cinayətə təşəbbüs göstərməkdir. Eləcə də, molotof kokteyli atmaq da öldürməyə cəhd etməkdir. Polisimizi tam qoruyan, həyatlarını sığortalayan qanunlar olmalıdır. Polisin əzilməsinə icazə verilməməlidir.