Adnan Oktar A9 TV; 23 noyabr 2014

Biz Mehdi (ə.s)-ı niyə sevirik? Allah üçün sevirik. Allahın təcəllisi olaraq sevirik. İsa Məsihi niyə sevirik? Allahın təcəllisi olaraq sevirik. Əlbəttə ki, ət-sümük olaraq sevmirik.

Allah dəhşət mühiti, qan, hadisələr meydana gətirir, mehdiyyəti qəbul etdirir. Çünki, insanlar bir şeyi könüllü surətdə qəbul etmədikdə, Allah da “Cabbar”, “Qəhhar” adıyla zorla qəbul etdirər. Zorakılıq və dəhşət mehdiyyətin zühur əlamətidir. Mehdi (ə.s) bu dəhşəti, qanı dayandıracaq şəxsdir.

Yəcuc və Məcuc Axırzamanda dünyanı bir-birinə qatacaq. Mehdi (ə.s) hz. Zülqərneyn kimi bir sədd çəkib, firavanlıq, əmin-amanlıq və dincliyin hakim olduğu bir mühit yaradacaq.

Risalə-i Nur çox mükəmməl kitabdır. Risalə-i Nur mütləq hər gün oxunmalıdır. Hər yerdə ortalarda olsun. Qurandan, Risalə-i Nurdan, Tövrat və İncilin haqq olan hissələrindən istifadə etmək lazımdır.

Müsəlmanların birləşməsi üçün Mehdi (ə.s) lazımdır. Heç kim sünni bir alimin ətrafında birləşməz. Heç kim şiə və ya vəhhabi bir alimin ətrafında birləşməz; amma İmam Mehdi (ə.s) ətrafında birləşər. Birləşə bilsəydilər yüz ildən bəri birləşərdilər.

Allah Moşiyahın zühur etməsini istəyir. Mehdi (ə.s)-ın zühur etməsini istəyir. Bu Tövratda çox əhəmiyyətli bir məqam olaraq qeyd olunur. Hədislərdə çox əhəmiyyətli bir məqam olaraq qeyd olunur. Allah dünyanı hal-hazırda Moşiyah-Mehdi (ə.s)-a görə dizayn edir.

Əgər din əhəmiyyətli görünməzsə, Moşiyah əhəmiyyətli görünməzsə, Allah da nə demək istədiyini insanlara zorakılıq göstərərək başa salar. Amma insanlar Allahın dediyini səmimi surətdə başa düşərlərsə, Allaha etibar edərlərsə, Moşiyahına, yəni Mehdisinə etibar edərlərsə xoşbəxtlik və dinclik hakim olar.

Moşiyahın, Mehdi (ə.s)-ın zühurunu bütün İslam aləmi, bütün yəhudilər qəbul edəcəklər. Xristianlar da qəbul edəcək və fövqəladə sülh və qardaşlıq mühiti hakim olacaq. Amma Allahla olan əlaqə çox əhəmiyyətlidir. İnsanlar Allahla olan əlaqələrini kəsdikdə, dünya yaşanmalı yer olmaz.

Mehdi (ə.s)-a üç dəfə beyət ediləcək. Birincisi İstanbulda, ikincisi Məkkədə, üçüncüsü Qüdsi Şərifdə ediləcək. Qüdsdəki beyətdə Mehdi (ə.s) İsa Məsihi çağıracaq. "Can təhlükəsizliyin təmin ediləcək. Çıx ortaya" deyəcək. Ondan sonra İsa Məsih (ə.s) öz tələbələrindən ibarət bir heyətlə təbəssüm edərək gələcək.

Bədiüzzaman Səid Nursinin nəşr olunmayan bir məktubu vardır, orada; "Dindar isəvilər siyasəti boynuna götürər" deyir. Dünya siyasətini boynuna götürər. "Mehdi (ə.s) da təbliğat vəzifəsini yerinə yetirər" deyir.

Şirk insanı məhv edər. Cinayətə də yol açar, adam öldürməyə də, öz canına qıymağa da, yandırmağa da, dağıtmağa da səbəb ola bilər. Amma şirkdən xilas olsa, nurlu bir adam olar. Məhz bunu da imam Mehdi (ə.s) təmin edəcək inşaAllah.

Sanki bütün millətləri İsrailə qarşı bir nifrət ruhu bürüdü. Axırzamanda yəhudilərə qarşı bir nifrət yayılacağı Tövratda ifadə edilir. Məhz onlar Tövrata yaxınlaşsa və Moşiyaha olan sevgiləri artsa, Allah da onları həmin bəladan xilas edər. Yoxsa o bəla daha da artacaq.

Bu qədər geniş miqyaslı bir kütlənin, milyardlarla insanın Allahın varlığını inkar etməsi, insanlar təsadüfən yaradıldı deməsi, dünya tarixində heç vaxt görünməmişdir. Çox kiçik imansız birliklər, çox kiçik inkarçı birliklər olmuşdur, böyük kütlələr isə daim Allaha inanmışdır. Belə bir şey ilk dəfə olur. Belə bir fəlakət heç görülməmişdir. Əvvəlcə, bu fəlakətin Mehdi (ə.s)-ın, Allahın “Hadi” adının təcəllisi ilə ortadan qalxacağını görəcəyik.

Mehdi (ə.s) vəsiləsiylə Allahı inkar edən darvinizm bəlası aradan qalxacaq, İslam dini yaşanacaq, bir müddət sonra isə qiyamət qopacaq.

Xüsusi yolla meydana gətirilən böyük bir yoxsulluq lobbisi var. Bu yoxsulluq lobbisini, yoxsulluğu meydana gətirən sistemi Mehdi (ə.s) aradan qaldırır. O zaman dünya avtomatik şəkildə, öz-özünə zəngin olur. Amma axırıncı dəfə zəngin olur.

“Yoxsulluq lobbisi” dəccaliyyətin nəzarəti altındadır. Dəccal xüsusilə insanları əzmək üçün bu sistemdən istifadə edir. Kəndlini əzər, işçini əzər. Xüsusi bir sistemdir. Əzab çəkdirər, cinayət işləyər, qan tökər. Dəccaliyyət və şeytaniyyət bu əzab sayəsində qidalanar. Mehdiyyət də axan qanı dayandırar, əzabı dayandırar, yoxsulluq problemini həll edər.

Yəhudilər Axırzamanda İsraildə toplanacaqlar. Bu Tövratda da bildirilir. "Sizi dünyanın hər yerindən toplayacağım" deyir. Bu zaman gəlib çatmışdır. Deməli, Moşiyahın dövründəyik. Mehdinin, Moşiyahın dövründəyik. Həqiqətən də yəhudilər hər yerdən axın-axın İsrailə gəlir.

İslamın hakimiyyəti, artıq enerji sərf edərək həll olacaq bir məsələ deyil, Allah bunu təmin edir. Tövratda keçir; "Allah ilə əlaqəsi olan 12 adam olsa, Allah dini dünyaya hakim edər" deyir. Elə çox adama ehtiyac yoxdur.

Axırzamanın Bəni-İsraili (İsrail soyu) Mehdi (ə.s) və tələbələridir. Tövratda Bəni-İsrail deyə baxdığımızda ağılımıza ilk gələcək olan Moşiyah Mehdi və tələbələridir. Həqiqi Bəni-İsrail onlardır.