Adnan Oktar A9 TV; 2 fevral 2015 v

Milliyyətçi Hərəkət Partiyası vətən, millət, bayraq, dövlət sevgisi, millət sevgisi və diqqətli olmaq deməkdir, qəflətə və dəlalətə qarşı ayıq-sayıq olmaq deməkdir. Vətənin, millətin mənfəətini çox diqqətlə qorumaq deməkdir. Ciddi və ətraflı bir şəkildə araşdırmaq deməkdir. Buna görə belə müvəffəqiyyətli bir hərəkatı məclisdən uzaqlaşdırmaq düzgün deyil.

MHP-nin aktiv bir gəncliyi var. Yetişdirilmiş, siyasi və ideoloji cəhətdən təhsil almış bir gəncliyi var. Amma Ədalət və İnkişaf Partiyasının belə bir gəncliyi yoxdur. Bunu Ədalət və İnkişaf Partiyası da etməlidir. Milliyyətçi, vətənpərvər, vətənə, bayrağa, millətə, dövlətə zərər verməyə çalışanlara qarşı kükrəyən bir gənclik yetişdirməlidirlər. Bu vacibdir.

Gənclik daha qərarlı olmalıdır. İdealist gənclik bu istiqamətdən daha yaxşıdır. Öyrədilmiş, təchizatlı, qərarlı, ciddi, çəkindirici bir ünsürdür. İdealistlər kükrəyəndə bir çox yer titrəyir. Bu titrəmə hiss edilir.

Milliyyətçi gənclər, Alperenlər, əgər alınarsa Səadət partiyasının gəncləri də bir araya gəlsinlər. Qərarlı duruş sərgilənən bir platforma meydana gətirsinlər qanuna, hüquqa uyğun şəkildə. Ədalət və İnkişaf Partiyası, CHP partiyasının gəncləri də buna qoşulsun. Bölünməyə qarşı fövqəladə bir dayanıqlılıq və müqavimət göstərən bir açıqlama verilsin.

Türkiyənin sahibləri çox güclüdür. Vətənpərvər gənclik Türkiyənin sahibidir, BBP-lilər Türkiyənin sahibidir, Səadət Partiyasının dindar gəncliyi, CHP-nin fəal, diribaş gəncliyi, Ədalət və İnkişaf Partiyasının dindar gəncliyi, hamısı Türkiyənin sahibidir. Buna görə heç kim Türkiyəyə oyun oynaya bilməz.

Rəhmətlik Başbuğun gəncliyə verdiyi ruh, fəlsəfə, dövlət kitablarında oxudulmalı olan, dövlətin rəsmi siyasəti olmalı bir ruhdur. Gəncliyin də bu şəkildə yetişdirilməsi lazımdır. Bunu etmirlər. Bu çox dəhşətli bir şeydir.

Millətçi gəncliyin yaxşı xüsusiyyəti, çox dəliqanlı, cəsur olmasıdır. Əslində bütün türk gəncliyinin bu mənada dəliqanlı olması lazımdır. Qorxaq bir gənc ola bilməz. Vətəndən söhbət getdikdə qız da, oğlan da dəliqanlı olmalıdır.

MHP koalisiya üçün təkcə bir ön şərt irəli sürsün; PKK-nın darmadağın edilməsi şərtini. MHP qəhrəman olar. Belə olduqda AKP də xilas olar, MHP də xilas olar. Daxili İşlər Nazirliyini MHP-yə versinlər.

AKP çox müasir, qadın haqlarına hörmətlə yanaşan, başı açıq dekolte geyinən xanımları da sevən, hicablı xanımları da sevən, hamısına hörmətlə yanaşan, musiqiyə, rəsmə, əyləncəyə açıq, liberal ruhlu bir partiya görünüşündə ortaya çıxmalıdır. Olduqca liberal, olduqca azad, olduqca demokratik bir partiya. Belə ki, MHP də bu imici verməlidir, bu sadalananları tətbiq etməlidir. Buna zəmanət verildikdən sonra PKK tamamilə darmadağın edilməlidir.

MHP təkcə bir nazirliyi tələb etməlidir, Daxili İşlər Nazirliyini, bu qədər. Başqa heç bir ön şərti, qırmızı xətti olmasın. Tam səlahiyyətlə Daxili İşlər Nazirliyini tələb etsin. Bordo beretliləri və jandarmanı da fəaliyyətə keçirsin, qanuni yollarla dünyanı PKK-ya dar etsin.

Ən ağlabatan şey AKP-MHP koalisiyasının yaradılmasıdır. CHP-AKP koalisiyasından bir şey çıxmaz. Mənim qənaətimə görə həm CHP, həm də AKP zəifləyər. İkisi də kiçilərlər. Ağıllı bir şey olmaz.

MHP-AKP koalisiyasına Amerika dərin dövləti, İngiltərə dərin dövləti qarşı çıxar. Bütün bunları gözə alaraq bu koalisiyanı yaratmalıdırlar. Bu, ABŞ-ın “Böyük Orta Şərq” layihəsini təməlindən yox edəcək bir koalisiyadır.

AKP-MHP hakimiyyətə gəlsin, hökumət yaratsınlar, Daxili İşlər Nazirliyini MHP-yə versinlər. Sağlam birini də daxili işlər naziri vəzifəsinə gətirsinlər. PKK hüquqi yollarla kökündən yox edilsin. Ən mühüm məsələ budur.

MHP həmişə müstəqil bir güc kimi mövcud olmalıdır. İdealistlər, mücahidlər fərqli bir qüvvə kimi millətin zəmanətidir.

Bir idealist heç vaxt kommunistlərlə ittifaq bağlamaz.

Bizim, idealist gənclərin, Alpərənlərin, bu imanlı millətin olduğu yerdə kommunizmə keçid baş verməz.

1980-ci ilin əvvəllərində Türkiyədə kommunizmi idealist gənclik dayandırmışdır. Rəhmətlik Türkeş o dövrün gənclərini anti-kommunist kimi yetişdirmişdi.

MHP-də şüur var. Ülkücülər terror və anarxiyaya şiddətlə qarşıdır, fitnədən qaçarlar. Dövlətə sədaqət əsasdır. Buna görə MHP-yə heç nə olmaz.

İdealistlər Türk millətinin sənətidir. Türklüyün, Türkiyənin qayəsidir.

Başbuğ Türkeşin yetişdirdiyi insanlarda heyrətamiz dövlət tərbiyəsi və dövlətə dərin hörmət var. Başbuğ onları mükəmməl yetişdirdi. Rəhmətlik Başbuğun tələbələri üsyan qarşısında vətəni müdafiə etməkdə, boyunlarına mühüm vəzifə götürdülər.

Əgər Cənub-Şərq bölgəsini verəcək qədər ürkəksənsə, onsuz da hər ölkə səni parçalayar. Hər kəs hücum edər. Türkiyə ürkək bir ölkə imici sərgiləsə, Cənub-Şərq bölgəsini müdafiə edə bilməyəcək bir qüvvə görünüşü göstərsə, hər ölkə hücuma keçər. Buna görə də nəyin bahasına olursa olsun PKK qüvvələrini Cənub-Şərq bölgəsindən tamamilə çıxardaq. Lazımi işlər görülsün. Şəhid veriləcəksə şəhid də verilsin. Hər nə olursa olsun, oranı PKK bəlasından qurtaraq.

Onsuz da yaşamaq çox çətindir, həyat çox çətindir, Allah belə yaratmışdır. Bir də bununla yanaşı, gülməməlisən, küçəyə çıxmamalısan, telefonla danışmamalısan kimi hökmlər verən qatı dinçilik kimi bir qanun gətirsən cəmiyyət məhv olar, xoşbəxt insan qalmaz. Zehni də durar, beyni də durar, işləyə bilməz, heç nə edə bilməz, heç nə istehsal edə bilməz, sənət gücü də qalmaz. Yəni “ənənəvi ortodoks İslam anlayışıyla” bir yerə çıxmaq olmaz. İnsanlar məhv olar.

Türkiyə vahid bir dövlət kimi qalsın. Məsələn, Bərzani federativ bir ərazi olaraq bizimlə birləşmək istəyirsə başımız gözümüz üstünə. Böyük bir kürd bölgəsi olaraq, Türkiyəyə birləşmək istəyirlərsə, onsuz da bundan fəxr edərik, bu çox xoşumuza gələr. Məsələn, Yunanıstan da belə etsin. Türkiyəylə ittifaq bağlasın, birləşsin. Amma bizim onsuz da ana vətənimiz olan kiçik bir ölkəmiz var, bir də bunun içində bölünməyə çalışmaq bizi çox narahat edən bir üslubdur.