Adnan Oktar A9 TV; 11 oktyabr 2015

Möminin əhval-ruhiyyəsi həmişə yüksək olar. Kədərlənmək nə deməkdir? Bu haşa, "Allahın etdiyini bəyənmirəm" deməkdir. Allah bir şey yaradanda biz onu xeyir kimi görərik. Şəhid verdikdə bunda xeyir görərik, kədərlənmərik, yas tutmarıq. Yas tutmaq bütpərəst adətidir.

Həyat möminlər üçün gözəldir, küfr əhli üçünsə, sıxıntılı, çətin dolanışıqlı və iztirablıdır. Mömin şükür edər, quru çörək də olsa Allaha şükür edər.

Möminlər qardaş/bacıdırlar. Hər yerdə bir-birlərini sevib hörmət qoymalıdırlar, qoruyub himayə etməlidirlər. Yaxşı gündə, pis gündə bir-birlərinə hüsnü zənlə baxmalıdırlar, xeyir gözüylə baxmalıdırlar, sevgi ilə baxmalıdırlar. Tərəf tutma siyasəti gözü ilə baxmamalıdırlar. Hansı partiyadan, hansı düşüncəyə sahib olmağından asılı olmayaraq, mömündür, ya yox, biz mütləq buna baxmalıyıq. Kişi və qadın möminlər bir-birlərinin bacı-qardaşı və himayədarıdırlar.

Mömin Allahın sözünə güvənər. Allah; "Mən sözümdən dönmərəm. Əgər siz səmimi olsanız, mömin olsanız sizi cənnətimə qoyacağam" deyir. Mömin "Bəlkə də" deyə bilməz.

Təmizlən. Mömin tahirdir. Tahir nə deməkdir? Təmizlənmiş deməkdir. Allah bu acizliyi verəcək, sən də bundan xilas olub cənnət gözəlliyinə qovuşacaqsan. Mömin nur kimidir, tərtəmizdir.

Möminlər ölümlərindən sonra həmişə gözəl şeylərlə qarşılaşırlar. Çətinlik, iztirab, qorxu; bunlar qətiyyən yoxdur. Hər yerdə işləri rahat olar. Vəfat edərkən, dirilərkən, cənnətə alınarkən qətiyyən narahatlıq yaşamazlar.

İnsanın ruhunda iki qüvvə mübarizə aparar; vicdanı və məntiqi. Mömin həmişə vicdanının tərəfində olmalıdır. Vicdanın səsinə qulaq asdıqda Allah həmişə zənginlik, bərəkət və gözəllik verir, həmişə müvəffəqiyyət verir. İslam xeyli inkişaf edir. Məntiq insanı həlak edər.

Münafiq, iman gətirənləri də azdırmaq üçün çalışar, öz yoluna çəkmək istəyər. Öz qəlbində xəstəlik olduğundan, möminlərin də qəlbində xəstəlik olmasını istəyər, onları da öz məntiqinə çəkmək istəyər.

Sırtıqlıq münafiqin əsas xüsusiyyətidir. Münafiqlərlə əlaqədar ayələr oxunduqda münafiq özünə aid etməz, heç onunla əlaqəsi yoxmuş kimi davranar, çox həyasızdır. Halbuki möminin münafiq əlamətlərindən içi titrəyər, yəni çox qorxar.

Münafiqin nəzərə çarpan əxlaqsızlığı; küfr əhlinə nökər kimi xidmət edər, onlar üçün maksimum dərəcədə enerji ilə hər cür fədakarlığı edər; möminə də, əziyyət olması üçün, əlindən gəldiyi qədər hər cür işini gördürmək istəyər.

Münafiq, münafiqə aid ayələri qətiyyən üzərinə götürməz, ancaq mömin bu ayələrdən dərs alar. Dəhşət və heyrətlə görər bunları, mən nə eləmişəm deyə düşünər, mən münafiq əlamətlərinin içinə batmışam, bataqlığa batmışam, dərhal xilas olum deyər. Tamamilə imtina edər, tamamilə qəlbində buna son qoyar, çünki bəllidir ki, onunla yaşaya bilməyəcək, onsuz da pis olduğunu görmüş olur.

Münafiqlər danışanda şər danışarlar. Münafiqlər danışanda ya fitnə, ya bəla, ya uğursuzluq, ya döyüş səbəbi, ya sataşma səbəbi, ya vəsvəsə, ya da şeytani vəsvəsəylə şər danışarlar. Mömin bəs necə olar? Həmişə xeyir, həmişə gözəl, həmişə sakitləşdirici, həmişə fitnəni ortadan qaldıran və qəlbdə fərəhlik yaradacaq şəkildə danışar.

Münafiq əhəmiyyətli hesab etmədiyi kəsləri hədəf almaz. Onun seçdiyi bir siyahı var. Ən başda peyğəmbər, sonra səhabələrin qabaqcılları. Bir vəlidirsə, məsələn, o vəli olan insan və vəli olan insana ən yaxın kəslər, ən güvəndiyi kəslər, birbaşa onları hədəf alar münafiq.

Allah Quranda müsəlmanların çətin vaxtlarında bir vəli istəmək üçün dua etdiklərini bildirmişdir. Mənəvi lider istəmək Quranın əmridir.

Allahın vəlisinə qarşı çıxılarsa Allaha xoş gəlməz. Allahın vəlisinə qarşı tələ qurulsa Allaha xoş gəlməz. Allahın sevdiyinə qarşı oyun oynamaq ən təhlükəli işlərdən biridir.

Möminlər qardaşdır. Mömin bir-birinə ata-ana kimi sahib çıxar. Bir-birinə hamidir. Mən də dostlarımın dostu, qardaşı, yoldaşı, hamisiyəm.

Peyğəmbərlərin və vəlilərin imanı çox güclü olur. Çünki çox yaxşı mühakimə etmə qabiliyyətləri olur. Allahın varlığının dəlillərini yaxşı düşünürlər, qavrayırlar. Bəzi insanların zehni dağınıq olur, beynində imanını ələ ala bilmir, imanı zəif olur.

Gəzən ölülər çoxdur. Kim Allaha, Allahın vəlisinə düşmən olsa Allah onu gəzərək öldürər. Gedərkən, yemək yeyərkən ölü olar. Canlı zənn edərsən, halbuki o ölüdür. Heç xəbəri belə olmaz.

Allahın vəlilərinin əleyhinə olmazlar. Allahın vəlisinə qarşı mübarizə aparan insanı bütün dünya gəlsə Allahın qəzəbindən qurtara bilməz. Kim Allahın vəlisinə düşmən olsa Allah onu cəhənnəmə göndərər.

Rəsulullah (s.ə.v) deyir ki, "Allahın Hz. Adəm (ə.s)-ı yaratmasından bəri dəccalın fitnəsindən daha böyük bir fitnə olmamışdır." Dünyanın, tarixin ən böyük fitnəsidir. Allah o fitnəyə qarşı da ən böyük vəlini― Məhəmməd Mehdi (ə.s)-ı göndərir. Ona görə belə dəhşət içərisindədirlər.

BƏDİÜZZAMANI ÇƏTİNLİKLƏRLƏ QARŞILAŞDIRAN DƏCCALİYYƏTDİR. Deyək ki, Bədiüzzaman sözdə incidildi, bundan nə itirdi? Cənnət seyidi oldu, inşAllah. Baxın ürəklərimizdədir. O , ƏGƏR AĞRINI O QƏDƏR ÇƏKMƏSƏYDİ BU QƏDƏR SEVİLMƏZDİ. ALLAH ONA VƏLİLİK MÖVQEYİ VERMƏYƏ BİLƏRDİ. O çəkdiyi ağrıya, iztiraba görə o qədər kəramətin sahibi oldu . Hər gün kəramət görürdü, inşAllah.

Allahın vəlisi ilə başqa cür davranmaq olmaz. Allah qarşılığını mütləq verər.

ŞEYTANIN VƏ MÜNAFİQLƏRİN, ŞƏR VƏ BƏLALARINDAN , FƏSADINDAN, FİTNƏSİNDƏN ALLAH BÜTÜN MÖMİNLƏRİ, MÜTTƏQİLƏRİ QORUSUN. Allah bütün münafiqlərin ürəyinə dəhşətli bir iztirab və acı salsın. Bəsirətlərini və fərasətlərini bağlasın, dillərini bağlasın. Ağıllarını əllərindən alsın.

Bədiüzzaman (ə.s)a hədislərə istinad edərək yol göstərir. Hz. Mehdi (ə.s)a "AXIR ZAMANDA XURAFATÇILARIN ÇIXIŞI ŞİDDƏTLİ OLACAQ" deyir. "MƏTANƏT, SƏDAQƏT VƏ İMANINLA MÜVƏFFƏQİYYƏTLİ OLACAQSAN" deyir.

Kim olursa olsun cənazəyə hörmət göstərmək lazımdır. Cənazə alçaldılmaz, artıq həmin insan ölmüşdür, ruhu getmiş, əti sümüyü qalmışdır, o da çürüyəcək. Kim olursa olsun belə etmək olmaz.