Adnan Oktar A9 TV; 26 mart 2015

Allah ayədə hz. Musa (ə.s) barədə: "Onu mühüm sınaqlardan keçirtdik" (Taha surəsi, 40) deyir. İmtahandan keçirtdik. Ondan sonra ulul əzm peyğəmbər olur. Normal hadisələr yaşasaydı, o zaman hər hansı bir insan olardı. Amma qeyri-adi imtahan edildiyi üçün inanılmaz bir insan olur.

İsrailə getdiyimiz vaxt azğın kommunistlərlə, anarxist-stalinistlərlə qarşılaşsaq mı gözəl olar, yoxsa araqçınları, hörülmüş saçları, əllərində Tövrat ilə səhərdən axşama qədər “Allah” deyənlərləmi? Əlbəttə ki, “Allah” deyənlərlə qarşılaşmağımız gözəl olar, nə qədər böyük nemətdir və 4 min ildən bəri hz. Musa (ə.s)-a sədaqət göstərirlər.

Allah hz. Musa (ə.s)-a nə deyir? “Öz tərəfimdən ona qarşı qullarımız arasında məhəbbət oyatdıq” deyir. O öz-özünə sevimli oldu demir. Yaxud özünü sevdirdi demir. Allah; “Mən sevdirdim” deyir, Mən.

PKK, İslamın hakimiyyəti üçün, Allahın müsəlmanları zorlamaqda istifadə etdiyi bir qamçıdır. Müsəlmanlar yuxuda idi, Allah belə bir bəla, fitnə ilə oyandırır. Bu, həmiyyət hissini və mənəviyyatı görünməmiş dərəcədə yüksəldən vəsilələrdən biridir. Firon olduqda, Musa çıxır. Bunlar da bu əsrin fironlarıdır.

Əvvəlcə PKK deyilən bir xəstəlik olmalıdır ki, milli oyanış olsun, bu olmasa tam olmaz. Yəni firon olmasa Musa olmur. Nəmrud olmasa İbrahim olmur. Dəccal olmasa da Mehdi olmur.

Peyğəmbərimiz (s.ə.v) insanları özünə dəvət etmədi. Qurana dəvət etdi. Heç bir peyğəmbər özünə dəvət etmədi. Həmişə Allahın Kitabına dəvət etdilər. Məsələn, hz. Musa (ə.s) Tövrata dəvət etdi. Hz. İsa (ə.s) İncilə dəvət etdi. Mehdi (ə.s) da insanları Qurana dəvət edəcək.

Hz. Musa (ə.s)-ın ətrafındakı bir çox insanın ağlı həmişə küfr əhlində qaldı. Yəni səhraya köç etdilər, lakin oradakı həyatı qəti unuda bilmədilər. O Qədim Misir mədəniyyəti, o buzovlar, oradakı həyat, yeyib-içmə formalarına qədər hər şey onlarda heyranlıq kimi qaldı. Böyük hissəsi hz. Musa (ə.s)-ın vəfatına qədər həmişə o dəlisov ruhun içində qaldılar.

Hz. Musa (ə.s) Firona, hz İbrahim (ə.s) isə Nəmruda təbliğ edirdi. Müsəlman ateistlə, kommunistlə, dinsizlə, bir sözlə hər kəslə danışar, görüşər və təbliğ edər.

Papiruslarda hz. Musa haqqında "ofsunu ilə təsir edir" deyə bildirilir. İndi bəzi həsəd aparan insanlarda da eyni ifadəni görür və fəxr edirik. Hz. Musa (ə.s)-a atılan şərin eynisinin mənə də deyilməsi çox böyük şərəfdir. Çox əladır. MaşaAllah.

Tabutu-Səkinə Quranda keçir. Tabutu-Səkinə tapıldıqda, qapağı açıldıqda insanların üzərindəki mənfi hallar yox olar, hüzur və təhlükəsizlik duyğusu hakim olar. Bəqərə surəsi, 248-ci ayədə Allah belə bildirir: "Peyğəmbərləri onlara (belə) dedi: "Onun hökmdarlığının sənədi, sizə Tabutun gəlməsi (olacaqdır ki,) onda Rəbbinizdən "etimad duyğusu və hüzur" ilə Musa ailəsindən və Harun ailəsindən artıq qalanlar var; onu mələklər gətirəcək. Əgər möminsinizsə, bunda, şübhəsiz, sizin üçün bir dəlil var".

Tövrat və İncilin haqq olan bütün hissələrinə tabeyəm. Tövrat və İncilin bu hissələri nəfisdir, qidadır insanın ruhuna. Bu haqq və dəyişdirilməmiş olan qisimlərin hamısı Quran ilə uyğundur.

Hz. Musa (ə.s)ın ilk dəfə ortadan qaldırdığı batil din, məhz təkamül inancı idi. Bu əsrin sehrbaz elm adamları da, elə Darvinist elm adamlarıdır.

Mehdi dövründə tapılacaq əhd sandığının içində Harunun əsası da olacaq. Harunun əsası cücərmiş, çiçəklənmiş əsadır.

İçində hz. Musa və hz. Harunun əmanətlərinin olduğu Tabutu-Səkinəni də inşaAllah görəcəyik. Tabutu-Səkinəni hz. Mehdi tapıb açacaq və sandıq açıldığı zaman metafizik şəkildə o mühitdə rahatlama olacaq.

İtaliyadan İndoneziyaya, İngiltərədən Səudiyyə Ərəbistanına qədər dünyanın ən təsirli qəzetlərində bu həftə Türkiyədən Adnan Oktar təxəllüsü ilə desək, Harun Yəhyanın başarılarından bəhs edildi. Harun Yəhyanın 30 ildən çox davam edən yaradılışı sübut edən təkamül nəzəriyyəsinin əleyhinə olan elmi işlərinin izah edildiyi bu xəbərlərdə Harun Yəhyanın bu mübarizəni qalib gəldiyindən bəhs edildi.

Musa Özalkan şəhidimizin şəhadətini təbrik edirik. Allah bizə də şəhid olmağı nəsib etsin.

Yaxşı niyyətli, təmiz qəlbli bir qadın çox gözəl olur. İçi şeytanlıqla dolu olduqda, üzü çox çirkin olur, ağlı da itir. Mənfur olurlar.

İslamın hakimiyyəti, artıq enerji sərf edərək həll olacaq bir məsələ deyil, Allah bunu təmin edir. Tövratda keçir; "Allah ilə əlaqəsi olan 12 adam olsa, Allah dini dünyaya hakim edər" deyir. Elə çox adama ehtiyac yoxdur.

İnsan sevgi sayəsində ayaqda qalır. Sevgi sistemi pozulanda, bütün bədən xəstə olur.

İslam siyasətlə hakim olmaz. Quran möcüzələrini ortaya çıxarıb izah etmək, iman həqiqətlərini izah etmək, imanlı, güclü insanları nümunə kimi göstərmək, Allah sevgisini yaymaq. Bunlar üçün çalışmaq lazımdır.

Əgər Türkiyənin bölünməsinə izin versəm, həyat mənə haram olsun. Bölünməsinə əsla izin vermərik. Heç vaxt da prezident idarəetmə sistemi tətbiq olunmayacaq. "Türkiyə Birləşmiş Ştatları" deyilməsinə izin vermərik. Bunu unutmalıdırlar, bu qeyri-mümkündür.

Siyasət öz daxilində çox mərhəmətsizdir. Asan iş deyil. Ona görə də İslamı yaymağa səy göstərən insanların edəcəkləri şey; iman həqiqətlərini izah etmək, Quran möcüzələrini izah etmək, imanı gücləndirmək, öz imanını gücləndirmək, şövqünü artırmaqdır. Yoxsa bu cür şeylərin öhdəsindən gələ bilməz.

Müsəlman boş-boş xurafatlara inanmaz. Məntiqsiz, mənasız şeylərə inanmaz. Ağlı başında bir müsəlmanlıq anlayışı vardır. Biz dinə nə əlavə, nə də çıxarda bilərik.

Siyasət böyük bir bəla dənizi kimidir. Siyasət aləmi çox qaranlıqdır. Eqoist və xudbin bir quruluş vardır. Üsulları mərhəmətsizdir. Vəfa və sədaqət yoxdur.

Yəhudi düşmənçiliyi bir ruh xəstəliyidir. Bir iman narahatlığıdır. Hz. İsrail (ə.s) və hz. Yaqub (ə.s)-ın övladları Allahın bizə əmanətidir. Onlara qarşı nifrət bəsləmək, Quranın üslubuna, Qurandakı ayələrə zidd olar. Bu, müsəlmanın edəcəyi şey deyil.