Adnan Oktar A9 TV; 23 fevral 2014

''Ya Rəbbim, mən nəyəm ki? Mən Sənə çox yaxınlaşa bilmərəm, çox sevə bilmərəm''― bu, küfrdür. Allah sonsuz insanın könlünü Allaha açmışdır. Yaxınlaşmağın sərhədi yoxdur, Allaha nə qədər istəsə o qədər yaxınlaşa bilərsən.

İncəsənət yoxdursa, keyfiyyət yoxdursa, gözəllik yoxdursa istədiyin qədər körpü tik, yol sal bunların faydası olmaz. İncəsənət, estetika, iman, şadlıq, sevinc, Allah qorxusu, Allah eşqi hər yeri əhatə etməlidir.

Allah qorxusunun da məqsədi sevgidir. Allah ''Məndən qorxun'' deyir. Orada Allahın məqsədi Özünün sevilməsidir. Əsas məqsəd orada sırf qorxu deyil. Allahın istədiyi qorxunun meydana gətirəcəyi sevgidir.

Mehdi (ə.s) Allaha inandırmağın, Allahı sevdirməyin sənətini biləcək. Bu nədir; Quran möcüzələrini, iman həqiqətlərini, Peyğəmbər (s.ə.v)-in möcüzələrini, maddədəki möcüzələri izah edəcək və insanların hidayətinə vəsilə olacaq.

Allaha dua et: "Ya Rəbbi, imanımı gücləndir. Sənə olan sevgimi artır" de. Elmi məlumat alarkən, öyrənərkən sıxılma, yorulma.

Allahın zəngin yaratma təfərrüatlarına baxıb heyran olacağıq. O zaman Allah eşqi daha da artar. Eşq artdıqca Allahdan qorxu da artar. Allah qorxusu artdıqca təvəkkül artar. Təvəkkül artdıqda insanın sinirləri, başı, beyni çox rahatlayar,özündə bir asanlıq, sevinc hiss edər, inşaAllah.

Allah bütün müsəlmanlara dua etməyin ləzzətini daddırsın.

Peyğəmbərimizin Axırzamanda reallaşan möcüzələrini gizlədirlər. Peyğəmbərimiz (s.ə.v)-in möcüzələrini gizlədən adam necə təqva iddiasında ola bilər?

Ev söhbətlərində dua etmək çox əhəmiyyətli bir məsələdir. Bir qardaşımızın dua etməsi, digərlərinin də ''Amin'' demələri lazımdır. Hər gün ya bizim kitablardan, ya da Qurandan ayə oxuyub, iman həqiqəti izah edib bunu yeniləmək lazımdır.

Allahı təriflədikcə, öydükcə, Allaha dua etdikcə ağıl durular, insanın beynindəki təzyiq aradan qalxar. Əks halda beyin keyiyər, qapanar. Ağıl gedər, insan dəli olar.

Namazı huşu içində qılmaq ifadəsi, özünü itirmə demək deyil. Huşu səmimiyyət deməkdir. Allahla səmimi əlaqə quraraq açıq şüurla namaz qılmaqdır. Eşqlə Allahı sevməkdir. Huşu budur.

İnsanın qolu ağrıyanda narahat olur. Dərhal dərmana əl atır. Bəs niyə dua etmirsən? Dua et, dərman vəsilədir, şəfanı dərman deyil, Allah verər və dərmanı vəsilə edər. Hər bir insan dərmanı Allahın yaratdığını bilməli, dərmanı feli dua olaraq istifadə etdiyini bilməli, dua etməlidir.

Dua Allah ilə əlaqə qurmaqdır. Ona görə də Allah Quranda duaya xüsusilə diqqət çəkir. Allah bəndələrinin Ona dua etməsini bəyənir, sevir. Çünki onunla bağlantı olur. Xristianlar da bu sirri bilib, dadını çıxarmışlar. Allah duaları qəbul edəndir. Bu çox əhəmiyyətli bir mövzudur.

Allah sevgisinin təcəllisi olan imanlı insanların üslub və ruhları gözəl olur. Allah dünyanı zalımlara, sevgisizlərə, mərhəmətsizlərə görə deyil, iman edənlərə görə qoruyur.

Sevgidən, məhəbbətdən, Allah eşqindən bezmək olmaz. Amma bezmək hissi insanın ruhunda var. Mömin imanla bunun öhdəsindən gələ bilər. Buna görə də məsələn, adam arvadından, sevdiyindən bezir, amma mömin imanıyla bezmir. Lakin bezmək hissi insanları küfrdə çox tez bürüyər. İman gücü ilə bezmək hissi əzilər. İmanla mütənasib olaraq əzilər.

Şiələr canımızdır, çox dindardırlar. Sevgiyə və sənətə də ruhları çox yaxındır. Sənətə və sevgiyə ruhu açıq insanın Allaha nə qədər coşğulu sevgisi olacağını da düşünün. Allahı coşğu ilə sevdikləri üçün sənətə olan sevgiləri olur. Onlar Peyğəmbər (s.ə.v)-ə aşiqdir, hz. Əli (r.ə)-ə aşiqdirlər. Şiələr Türkiyənin, dünyanın bəzəyidir, nurudurlar.

İnsan heç vaxt sevgilisini tərk etməz. Allah əsl sevgilidir. Bütün hallarda, hətta 7000 il keçsə də əziyyətə səbr edilər. Bu, aşiqin xüsusiyyətidir. Allah Ona sevgiyə görə səbr edilməsini çox bəyənər. Eynilə aşiq əlamətidir.

Səmimiyyət çox əhəmiyyətlidir. Ona görə əhəmiyyətlidir ki, qurtuluş yoludur. "Allah Qatında ən yaxşı olan, ən təqvalı olandır" deyir. Allah təqvalı olmağın əsas şərtinin səmimiyyət olduğunu qeyd edir.

Bir insan həqiqi kordursa onsuz da imtahan verir, bu çox məqbuldur. Onlar bizim aldığımız ibadət savabının qat-qat çoxunu alır. KORLUQ BİR GÜNAH DEYİL, ÜSTÜNLÜKDÜR. ƏGƏR O, BİR MÜSƏLMANDIRSA QAT - QAT ÜSTÜN MÖVQEYƏ GƏLİR, TƏQVA CƏHƏTDƏN DAHA ÜSTÜNDÜR.

Xurafatçılıq təqva adı altında əxlaqsızlıq yarışıdır.

Hirs, təqva əlaməti deyil fitnə əlamətidir, bunu belə qəbul etmək lazımdır.

Sənin ağlın, vicdanın gözəldirsə, onsuz da Allah taleyində qarşına gözəl bir insan çıxardar. Allah hz. Süleyman (ə.s)-ın qarşısına niyə o qədər gözəl şeylər çıxartdı? Hz. Süleyman (ə.s) o gözəl şeyləri səy göstərərək, çalışaraq əldə etmədi. Sadəcə təqvasından ötrü Allah ona verdi.

Allaha təvəkkül etməlisən. Allaha təvəkkül etməsən hər şey sənə əzab verər, hər şeydən sıxılarsan. Hər şey səni qorxudar. Dünyanın bütün hadisələri sənin üzərinə gəlir. Ayənin ifadəsi ilə göyün yüksəkliklərində ürəyin sıxıldığını hiss edərsən. Allaha təslim ol, ürəyin rahatlansın.

İslam Birliyi-mehdiyyət dünyada hər kəsə sahib çıxan bir sistemdir. Mehdiyyət inancı, düşüncəsi nə olursa olsun öz övladı kimi ona şəfqət göstərən, sevgi bəsləyən sistemdir.

Hər mömin Mehdi kimi, Peyğəmbər kimi olmaq istəyəcək. Müsəlman özünə sərhəd çəkə bilməz. Hər müsəlman Allaha ən yaxın olmağı diləməlidir.