Adnan Oktar A9 TV; 6 fevral 2017

Müsəlmanlar bacı/qardaşdır, kömək etmək fərzdir. Millətimizin suriyalı bacı/qardaşlarımıza kömək etməsi fərzdir. Allah bizə Ənsar olmağı lütf etdi.

İman gətirənlərə qarşı tarix boyu həmişə təzyiq və böhtan olmuşdur. Hər dövrdə böhtanla, düşmənçiliklə, nifrətlə qarşılaşmışlar.

Müsəlmana edilən tənqidin Quranla olması lazımdır. Öz məntiqinə görə deyil, “Qurana görə belədir” deyərək tənqid etmək əhəmiyyətlidir.

Müsəlmanın Qurandan kənar dini olmaz. Müsəlmanın öz ağlına görə meyarları olmaz, Qurana görə əxlaqı və meyarları olar.

Müsəlman həmişə dəlillə danışmalıdır. Tənqidi də, izahatı da dəlillə, Quran ilə, hədislə, elmlə olmalıdır.

Dünyanın qardaş olması çox asandır. Döyüş, nifrət, müharibə çətin olandır. Buna baxmayaraq, qardaş olmamaq üçün müqavimət göstərmələri çox təəccüblüdür. Sülhü çox çətin göstərirlər. Dost olmağı, ittifaq etməyi, müsəlmanların birlik olmasını çətin göstərirlər. Halbuki dostluq və sülh asandır.

Müsəlman ağıllı və mötədil olar. Küçənin yanlış fəlsəfələrinə tabe olmaz, insanların özünün gözəl əxlaqına tabe olmasını təmin edər.

Mənfəət görmədiyi zaman müsəlmanların əleyhinə rəftar edəcək kəslərə qarşı diqqətli olmaq lazımdır. Dostluq etibarlı, alicənab insanlarla edilər.

Müsəlman əxlaqi cəhətdən çökmüş, nifrətə qərq olmuş, korlanmış insanları xilas etməyi hədəfləyər. Onların qurtulması üçün səy göstərmək ibadətdir. Müsəlman birinci növbədə müsəlmana deyil, İslamı heç tanımayan, şeytanın təsirinə qapılmış insanlara təbliğ edər. Bizim əsil təbliğimiz bu kütləyədir.

Əyləncə, musiqi, rəqs bəzilərinə görə müsəlmanlara qadağan edilməli olan nemətlər kimi göstərildi. Bütün dünya nemətləri müsəlmanlarındır. Müsəlmanlara öz aləmlərində hər şeyin pisinə layiq gördülər, yeməklərin, paltarların ən pisi müsəlmanların olsun istədilər, bu oyunu puç etdik. "Müsəlman musiqi dinləməz, rəsm çəkməz, qəzet oxumaz", "müsəlman qadınlar dekolte geyinə bilməz, gülə bilməz" dedilər, bunu da dəyişdirdik.

Müsəlman haram olan mövzuları gündəmə gətirər, lakin kimin necə yaşadığına qarışa bilməz. İnsanların nə zaman əylənəcəyinə, hinduşkanı nə zaman yeyəcəyinə heç kim qarışa bilməz. Qurana görə heç kimin belə haqqı yoxdur.

Müsəlman münafiqlərin və küfr əhlinin içərisində şəxsiyyətini, inancını, qətiyyətliliyini qoruyaraq elmi mübarizəsinə davam edər.

Müsəlman münafiq və küfrlə qarşılaşdığı zaman təşvişə düşməz. Sakitcə, ağılla və səbirlə onları öyrədər, elmi yolla mübarizə aparar.

Rumilik İngiltərə dərin dövləti tərəfindən dəstəklənir. “Bizim yolumuzda müsəlmanlıq yoxdur” deyən bir fəlsəfəni müsəlman mənimsəyə bilməz.

İslam Birliyi yaranacaq, İslam əxlaqı dünyaya hakim olacaq, hər yer sülh və qardaşlıqla dolacaq.

İslam əxlaqının hakim olması demək, bütün vuruşmaların, müharibələrin bitməsi, sevginin, qardaşlığın, sülhün, gözəlliyin dünyaya yerləşməsi deməkdir.

Müsəlman din faşisti də deyil, irq faşisti də deyil. Bütün din mənsublarını qardaş tutmaq, bütün irqləri dost tutmaq anlayışına sahibdir.

Döyüşə zəmin hazırlayan ixtilafı təşviq etmək İslama uyğun deyil. Qurana görə müsəlmanlar arasında ixtilaf deyil, qardaşlıq, birlik var.

Mehdiyyət siyasətə qarışmaz. Mehdiyyət ağıl, məna, dostluq, qardaşlıq ruhudur. Mehdinin siyasi hakimiyyət məsələsi yoxdur.

Masonluğun əsil məsələsi düşüncə azadlığı, hər kəsin fikrinə hörmət etmək, sülh, qardaşlıq, dostluqdur. Lakin təbiidir ki, hər mason bu keyfiyyətdə deyil. İnsanlara və qadınlara hörmət göstərməyən, incəsənətə, keyfiyyətə əhəmiyyət verməyən cahil insanlar da masonlar arasında ola bilir.

Türkiyənin vurğulayacağı əsil şey hər zaman İslam Birliyi olmalıdır. Yəni İslam aləminin birləşərək müharibələrin, əzabların bitməsi, sevginin gəlməsidir.

Türkiyənin hədəfi torpaq genişləndirmək deyil, bütün İslam aləminin birləşməsi, bütün dünyaya sevginin, qardaşlığın gəlməsi, müharibələrin bitməsidir.

Müsəlmanların bacı-qardaşlığını dayandıran, dostluğu, hamilik sistemini aradan qaldıran bir anlayışa müsəlmanların boyun əyməməsi lazımdır.

Dostluq, qardaşlıq, vəfa inkişaf etmir, lakin texnologiya inkişaf edir. Texnologiyanın inkişafının sevgi ilə paralel olmasını mehdiyyət təmin edəcək.

Mömin “belə olsa nə edərik” deyə narahatlığa qapılmaz. Hər elektron, hər neytron, hər atom Allahın idarəsi və bilgisi daxilindədir.