Adnan Oktar A9 TV; 8 fevral 2017

Allahın sənətini yaxşı başa düşülən şəkildə izah edə bilmək əhəmiyyətlidir. Yaddaşda qalması üçün xüsusi xatırlatma metodlarından istifadə etmək lazımdır.

Maddiyyata əsaslanan sevgi, sevgi deyil. İnandırıcı deyil. Bir qadın ev, avtomobil üçün sevgisini verirsə bu çox alçaldıcıdır.

Mehdiyyətin sevgi, mərhəmət, gözəllik, yaxşılıq anlayışını dünyaya hakim etmək əhəmiyyətlidir. Mübahisə ilə, dava ilə heç bir məsələ həll edilməz.

Türkiyə olaraq həmişə doğruya təşviq edən mehriban üslub işlətməyimiz lazımdır. Həmişə zidd, tənqid edən üslubla nəticə alınması mümkün olmaz.

İnsanların arasında çox sayda ruhu olmayan, eynilə insana bənzəyən müəyyən mənada zombi olan varlıqlar var. Allah Quranda bunlara diqqət çəkmişdir. Yalnız nifrətə görə kodlaşdırılmış, sevgi, gözəllik nədir bilməyən, sözdən anlamayan, sanki heyvan kimi yaşayan bu mənəvi ölülər xüsusi yaradılmışdır. Bu zombilərin varlığı möminlərin qorxularının artmasına vəsilə olur. Mömin bunların mövqeyinə düşməkdən çəkinir. Bu dünyanın gözəl cəhətlərindən biridir, möminlərin bu məxluqlarla apardığı elmi mübarizədir.

Bəzi insanların imkanı, pulu, peşəsi hər şeyi var, lakin səmimi sevgini həyatı boyu bir dəfə belə yaşamayıbdır. Buna görə də bizim sevgini yaşadığımızı gördükdə dəlicəsinə həsəd aparırlar. Həsədləri, böyük əzab çəkmələrinə səbəb olur.

Mənim zənginliyim təvəkkülümdür. Nə bankda pulum var, nə də özümə məxsus mal-dövlətim var. Mənim zənginliyim Allahdandır. 40 ildən bəri bir gün belə tətilə getmədim, soyuq da olsa, isti də olsa burdayam. Hər imkanımı təbliğ üçün sərf edirəm.

İnsanları bir şeyə razı salarkən kütlə psixologiyasından istifadə etməklə deyil, izah edərək, fikri hər cəhəti ilə ortaya qoyaraq razı salmaq əhəmiyyətlidir.

Sevgisiz insanların ətraflarındakılar da çirkin, sevgisiz, hörmətsiz, pis sözlü, kobud insanlar olur.

İnsanı sevgi gözəlləşdirər. Gözəllik, ət və sümüklə olmur.

Kitab evdəki səssiz mürşiddir. Gecə-gündüz bezib usanmadan təbliğə davam edər, bütün məhəlləyə öyrədər. Kitabla təbliğ ən yaxşı üsuldur.

İnsanın məqsədi sevgi olmalıdır. Allahı sevməlidir, Allahın yaratdıqlarını sevməlidir. Səmimi sevgi olduqda kin, nifrət, həsəd olmaz. Sevgi bütün problemləri aradan qaldırar.

Hörmət və sevgi bir-birinə bağlı iki möhtəşəm gücdür. Hörmət olmadan sevgi, sevgi olmadan hörmət olmaz.

Səbirli, bağışlayıcı, mərhəmətli, dürüst, gözəl sözlü, təvazökar və fədakar olan sevgini tapar.

Hər gün sevgini xatırlatmağımız, şeytanın hər gün etdiyi düşmənçilik hərəkətinə qarşı ən gözəl cavabdır.

İslamı içinə qapalı, ölü, əzab dolu sistem kimi göstərdikləri üçün insanlar İslamdan qaçır. Dəccaliyyətin bu oyununu biz pozduq. Sevgi, əyləncə, gözəllik, dostluq ən gözəl halı ilə İslamda yaşanar.

Dindar olmadan əvvəl insanın beyni çox bulanıq olur, dinin hökmlərini də bulanıq olaraq bilir. Ağlında şüur və itilik tam yaranmır. Dini tam öyrənmədən əvvəl insanlarda Allah sevgisi və qorxusu olur, lakin dini çox geridə tuturlar. Dünya daha əsas olur. Buna görə də təbliğ edənlərə çox böyük məsuliyyət düşür. İnsanları sıxmadan, usandırmadan şüurlarını açmaq üçün cəhd etmək lazımdır.

İslamı təbliğ etmək fərzdir. Müsəlman var gücü ilə elmi yolla mübarizə aparmaqla məsuldur. Müsəlmanları passivləşdirməyə çalışanlara heç kim etibar etməsin.

İslamı təbliğ etmə məqsədində olan bir müsəlmanın sosial media səhifələrindən çox faydalı istifadə etməsi əhəmiyyətlidir.

Mən 1979-cu ildə təbliğə Memar Sinan Universitetində başladım. Memar Sinan Universiteti o dövrdə marksizmin qalası mövqeyində idi. Əsil məqsədim həmişə təbliğ oldu. “Kübar cəmiyyət” deyilən təbəqə ilə müsəlmanların əlaqəsi demək olar ki, sıfır idi. O cəmiyyətdə ilk təbliği biz etdik, İslamla əlaqələrinə vəsilə olduq. Bir çox müsəlmanın girməyi belə düşünmədiyi Saint Benoit, Avstriya Lisesi, Dost Kolleci, Robert Kollec kimi təhsil müəssisələrində ilk təbliği biz etdik.

Bir çox müsəlman meyhanədəkı insana, klubdakı insana təbliğ etməz. Lakin biz edərik. Bu insanların üzünə qapını örtmək olmaz, biz onlar üçün zəhmət çəkəcəyik. Rəsulullah (s.ə.v) də Ukaz bazarında dindən ən çox uzaq kəslərin arasında təbliğ edirdi. Biz də İslamdan ən uzaq insanlara təbliğ edəcəyik.

Müsəlman əxlaqi cəhətdən çökmüş, nifrətə qərq olmuş, korlanmış insanları xilas etməyi hədəfləyər. Onların qurtulması üçün səy göstərmək ibadətdir. Müsəlman birinci növbədə müsəlmana deyil, İslamı heç tanımayan, şeytanın təsirinə qapılmış insanlara təbliğ edər. Bizim əsil təbliğimiz bu kütləyədir.

Çox sayda qəzet, televiziya kanalı və internetin yaradılması təbliğ üçün çox böyük nemətdir. Bu imkanlar mehdiyyət üçün xüsusi yaradılıb.

Hz. Süleyman dövründə də Peyğəmbərimiz (s.ə.v) dövründə də müsəlmanların keyfiyyəti, gözəlliyi İslamın təbliğində çox təsirli olurdu. Müsəlmanların gözəlliyini, keyfiyyətini, nəzakətini, sevincini görən İslamı yaşamağı sevinclə qəbul etməlidir. Keyfiyyətsizlik İslamı daxilən çökdürər.

Bəziləri öz məntiqlərinə görə kişilərə hər şeyi haqq, qadınlara hər şeyi qadağa hesab edirlər. Qadınların mütləq surətdə baxımsız, çirkin olmasını istəyirlər. Qadına şiddət tətbiq edir, hətta şəhid edir “sevdiyim üçün etdim” deyirlər. Qadını istəmədiyi həyatı yaşamağa məcbur etmək çox böyük zülmdür.