Adnan Oktar A9 TV; 13 may 2017

Amerika və Rusiyanın PKK-nı dəstəkləməsinə qarşı ən təsirli cavab PKK-nın beyninin, yəni darvinizmin aradan qaldırılması olacaq.

Darvinizmi elmi dəlillərlə yox etmiş olmağımız təkamülçülərin xoşuna gəlmədi. İndi əbəs yerə Quranla təkamülü uyğunlaşdırmağa çalışırlar.

Türkiyənin etməsi lazım olan şeylərdən biri, darvinizmi elmi olaraq aradan qaldırmaq, ikincisi də ultramüasir keyfiyyətli ölkə olmaqdır.

Şeytan darvinizm yolu ilə insanlarla sanki lağ edir. Hər şeyi təsadüflə izah etmək elm deyil, məntiqsizlikdir.

Bütün dünyanı yatırdan, eqoistliklə, sevgisizliklə məhv edən qaranlıq yorğan darvinizmdir. Biz bu darvinizmi yox edib dünyanı aydınlığa qovuşduracayıq.

Heç kim Türkiyəyə YPG/PKK ilə ittifaq etmə ağlı verməsin. Bu, İngiltərə dərin dövlətinin ağlıdır. Türkiyə belə oyuna düşməz.

PKK-nın Türkiyənin cənubunda kommunist dövlət yaradıb İslam aləmi ilə əlaqəmizi kəsmək istədiyini illərdir ki, söyləyib lazımi xəbərdarlıqları edirik.

Türkiyə ultramüasir olsa, keyfiyyətə, incəsənətə, qadın hüquqlarına ən yüksək dəyəri versə Avropadakı Türkiyə əleyhinə mövqe və PKK dəstəyi bitər.

Allahı inkar edən darvinist fəlsəfənin dövlət əli ilə gənclərə öyrədilməsinə son verilməsi lazımdır. Hər yerdə Allahın sənəti izah edilməlidir.

PKK/YPG-yə qarşı ən gözəl, ən təsirli mübarizə beynini elmlə vurmaq, yəni anti-darvinist, anti-materialist təhsil verməkdir. Terrorun bitməsi üçün terrorist yetişməsinin qarşısının alınması lazımdır. Əsas məsələ bataqlığı qurutmaqdır. Terrorist, darvinist, materialist təhsillə yetişir. Əgər bu bataqlığı qurutsaq məsələni kökündən həll etmiş olarıq.

Lisey illərinə qədər dindar olan bir çox gənc darvinizmi öyrəndikdən sonra dindən uzaqlaşıb kommunist ideologiyanı mənimsəyir və şiddəti, qarşıdurmanı, terroru guya qanuni görməyə başlayır. Buna qarşı həll yolu, ancaq gənclərə düzgün təhsil verilməsi ilə mümkün olar.

Darvinizmi, materializmi fikri olaraq yox etmək demək, dünyadakı ən böyük zəfəri qazanmaqdır. Bu zaman Türkiyə əleyhinə olan bütün qüvvələr zərərsizləşər.

PKK ilə aparılacaq ən təsirli mübarizə dinlərini, inanclarını aradan qaldırmaqdır. PKK-nın dini darvinizmdir.

Qərb öz aləmində bölgədə mövhumatçılığa qarşı çıxan, qadın hüquqlarını müdafiə edən, müasir strukturun PKK olduğu qənaətindədir və buna görə də, PKK-nı dəstəkləyir. Bu qənaət doğru olmadığı halda, PKK Qərb üçün müsəlmanlara qarşı təsirli silahdır. Türkiyə qadın hüquqlarının, keyfiyyətin, incəsənətin mərkəzi olsa, insanların PKK-nı dəstəkləmək üçün əllərindəki bu bəhanə aradan qaldırılmış olar.

İngiltərə dərin dövləti PKK-nı İslam cəlladı kimi görür və qatil kimi istifadə etmək istəyir. Yaxın zamanda Bərzaniyə də hücum edə bilərlər. Bərzani PKK-nı əhəmiyyətsiz hesab etməməlidir. Həm dünyagörüşü cəhətdən gəncləri PKK-ya qarşı yaxşı maarifləndirməli, həm də çox güclü hərbi tədbir alınmalıdır.

Ateistlərə qarşı şəfqətli, hörmətli davranmaq lazımdır. Açıqca səmimiyyətlə inana bilmədiklərini söyləyirlər, dürüst davranırlar.

Ateistlər içində çox tərbiyəli, alicənab, nəzakətli olanlar var. Ateistlik güclü şübhənin adıdır, ateistlərlə danışaraq, şəfqət və hörmətlə yanaşaraq Allahın mövcudluğunu izah etmək lazımdır.

Həqiqi masonluq ziyalı, fikrə və inanca hörmət göstərən, qadına və incəsənətə dəyər verən, Allaha iman gətirən minlərlə illik mənşəyi olan qədim quruluşdur. Həqiqi masonluq, kiçik, masonluqdan müstəqil öz-özünə təşkilatlanmış, ateist, dinsiz, mason olduğunu iddia edən quruluşlara heç fikir verməz.

Bir çox ölkədə masonluqdan kənar mason deyə ortaya çıxan kiçik qeyri-qanuni quruluşlar da var. Bunların masonluqla bilavasitə əlaqəsi yoxdur. Ateist, mənfəət üçün masonluğa gizlincə daxil olmuş insanları və ya özlərini mason kimi göstərən kiçik quruluşları əhəmiyyətli görməmək lazımdır.

Masonluqdakı ateist masonların və maddi mənfəət üçün bu quruluşa girməyə çalışanların əslində masonluqla əlaqəsi yoxdur. Hal-hazırda masonluqda ateistliyin zəiflədiyi və təsirinin azalmağa başladığı dövrdəyik.

Mən ateist qardaşlarımın düşüncəsinə hörmət edirəm, hamısına dostluqla, qardaşlıq duyğusu ilə yanaşıram.

Deist də olan çox dostum var, ateist də. Bu insanların dürüstlüyü gözəl xüsusiyyətdir. Münafiq və müşrik isə səmimiyyətsizdir, ikiüzlüdür.

Çin xalqının böyük əksəriyyəti ateist yetişdirildiyi üçün soyuq, sevgisiz və mərhəmətdən uzaqdır. Onlara İslamı izah edək, bu bəladan xilas edək.

Ədalətli rejim, mehdiyyət, İslam Birliyi və Qurana tam tabe olunduqda mümkün olar. Xurafatlar olmadan Qurana tabe olmaq dünyanı cənnətə döndərər.

Quranda təkamül vardır deyənlərdən qardaşlarımız cinlər, mələklər, cənnət köşkləri, cənnət qılmanlarının necə yaradıldığını soruşsunlar. Mələklər, cinlər, cənnət necə təkamüllə yaradılmadıysa insanlar da təkamüllə yaradılmamışdır. Hz. İsa necə ki, palçıqdan quş formasında bir şey düzəldir və o bir anda canlı quşa dönürsə, insan da Allahın ruh verməsi ilə insan olmuşdur. Təkamül yoxdur. Hz. Musa əlindəki əsanı atdığı zaman əsa tam canlı ilana necə dönürsə, insan da bir anda insan olaraq yaradılır, mərhələ-mərhələ deyil.