Adnan Oktar A9 TV; 30 sentyabr 2015

Taledə Türkiyənin bölünməsi yoxdur. Bunu deyim ki, əgər pərgar Türkiyənin üstündə fırlanmış olsaydı Türkiyə parçalanardı, heç kim də bunun qarşısını ala bilməzdi, Allahın icazəsi ilə. Amma belə şey yoxdur. Buna görə, PKK boşuna tərs-düz salto edir, havalarda uçur. Onsuzda taledə onların həlak olacağı yazılmışdır. Həlak olacaqlar, PKK həlak olacaq.

PKK bir anda yox olacaq bir şey deyil, çünki ideologiyasının təməli dövlətin çap etdirdiyi dərsliklərdə elmi həqiqətmiş kimi izah edilir. Onsuz da dövlət darvinist-materialist sistemi müdafiə edir. Buna görə, darvinist-materialist təhsil verilməyə davam etdikcə bu vəba xəstəliyi də davam edəcək.

Əvvəlcə PKK deyilən bir xəstəlik olmalıdır ki, milli oyanış olsun, bu olmasa tam olmaz. Yəni firon olmasa Musa olmur. Nəmrud olmasa İbrahim olmur. Dəccal olmasa da Mehdi olmur.

Bu axan görünüşdə, bu filmdə mehdiyyət hakim olur. Filmin sonu belədir. İsa Məsih (ə.s) zühur edir, hz. Mehdi (ə.s) zühur edir, PKK yox olur, kommunizm yox olur, darvinizm yox olur. İnsanlar hazırda yerlərində dura bilmirlər, belə olmalıdır. Amma mehdiyyətin heyrətamiz yollardan müvəffəqiyyət qazandığını görəcəklər.

“Terrorla mübarizə” haqqında qanuna dəyişikliklər edilməlidir. Məsələn, PKK-lılara kömək edənə ən azı 10 il həbs cəzası verilsin. Eləcə də, PKK-nı tərifləyən, Abdullah Öcalanın lehinə şüarlarla çıxış edən, təşkilatla əlaqəsi olduğu açıq şəkildə bilinən hər kəsə bu cəza tətbiq edilsin. Bunu uzatmağa ehtiyac yoxdur. Başqa cür dayanmaz. Həbs etmək, ortalığı sakitləşdirər. PKK-nın bütün fəaliyyətlərini dayandırmış, qolunu-qanadını qırmış olarsan. Lazım gəlsə 10 min, 20 min, 30 min, 40 min, 50 min, 100 min insanı həbs edərsən. Doldur həbsxanaya, bitdi. Xüsusilə də, dəstə başçıları həbs olunsa məsələ bitər.

PKK-lılar həbs olunmalıdır. PKK, Türkiyəni tamamilə yox etməyi qarşısına məqsəd qoyan bir sistemdir. İlk mərhələdə deyil, bir neçə mərhələdə yox etməyi qarşısına məqsəd qoyan bir sistemdir. Siyasətlə qaynayıb qarışmış bir dəstədir. Həm silahlı, həm də silahsız PKK-lılar həbs olunmalıdır. Geniş miqyaslı həbs etmə əməliyyatı aparılsın, 30 min, 40 min, 50 min insan da həbs oluna bilər. Yetər ki, həbs olunsunlar, ortalıq sakitləşər.

PKK-nın müzakirələr aparılmasını istəməkdə məqsədi nədir? Sevr müqaviləsi kimi. Sevr müqaviləsində nə dedilər? "Gəlin masa arxasında əyləşin" dedilər, Türkiyəni parça-parça etdilər. Bu da həmin şeydir. Bu masa Sevr müqaviləsi masasıdır. Ondan daha betər bir masadır.

Darvinizm və materializm elmi dəlillərlə yox edilsə, PKK-nın əsas həyat damarı kəsilər. Yoxsa PKK-nı bəsləyən sistem ayaqda qaldığı müddətcə, istədiyin qədər danış. Bu əsnada yenə qan su yerinə axar.

YPG-yə qarşı əməliyyat aparılsın. Türkiyənin sərhədlərini tamamilə əhatə ediblər, son mərhələyə gəldilər, hər an Aralıq dənizinə çata bilərlər. Nəhəng bir zolaq meydana gətirib İslam aləmi ilə, Türk aləmi ilə əlaqəmizi kəsmək istəyirlər. Buna heç vaxt icazə verilməməlidir. Vaxt itirmədən lazımi işlər görülsün.

YPG kommunist, Stalinist, Allahsız və Kitabsız təşkilatdır. Kürd fərqlidir, kürd alicənabdır, Allahdan qorxar, Allahı sevər. Böyük əxlaqa sahib, nəcib insanlara Kürd deyilər. YPG, PKK-nın digər adıdır.

YPG deyə bir şey yoxdur. PJAK deyə bir şey yoxdur. PKK var. PKK-nın müxtəlif adlarıdır bunlar.

Obamanın PKK-ya, YPG-yə, PYD-yə dəstək olması Amerika tarixində görülməmiş rüsvayçılıqdır. Heç bir Amerika prezidenti kommunist Stalinistləri dəstəkləməyib. Heç bir prezident terroristləri dəstəkləməyib. Bir qeyri-adilik vardır. Obama dürüst olsun, kommunistdirsə, mən kommunistəm desin. Stalinist kommunist olduğunu bildirsin.

Kobani qalıq bir şəhərdir. Yerlə-yeksan olmuş, məhv olmuş bir yerdir. Təkcə açıq muzey ola bilər, başqa bir şey ola bilməz. Ayənin işarə etdiyi kimi, Allahın dinsizlərə necə bir fəlakət verdiyini, müsəlmanları necə xilas etdiyini göstərməsi baxımından mənalıdır. Kürd qardaşlarımızı; dindar olanları, Allahdan qorxanları xilas edib Türkiyəyə gətirdik, PKK/YPG isə oradaca həlak oldu.

YPG, bütün Türkiyənin və müsəlmanların düşmənidir. Kommunist, marksist, leninist, Allahsız, Kitabsız, xain bir təşkilatdır. Cinayət, mafiya təşkilatıdır.

Təkcə bir təşkilat var, bu da PKK-dır. Sanki TAK ayrı, PKK ayrı, YPG ayrı, PYD ayrı imiş kimi bir ifadə formalaşdırdılar son vaxtlarda. Bu demaqoqluqdur, çox səmimiyyətsiz üslubdur. Bütün bunlar Marksist-Stalinist PKK-dır.

Amerika PKK/YPG-ni dəstəkləyərək çox böyük səhv edir, özlərinə də bəla olacaq bir quruluşa dəstək verirlər.

Allahı hər yerdə yada salarsan. Həyatla din iç-içədir. Vanna otağında olarkən, yemək yeyərkən, hər yerdə Allah xatırlanar və hər vəziyyətdə. Allahın xatırlanmadığı heç bir an və heç bir yer yoxdur. Sən Quranla iç-içə rahat yaşaya biləcəyini görəcəksən, Quranı rahatlıqla oxuya biləcəyini görəcəksən. Quran sənin yanında olacaq, başının yanında olacaq, yatarkən də Allahı yada salacaqsan.

Avropa İttifaqı istədiyi qədər üstün görməyə çalışsın, muxtariyyət Türkiyə üçün təhlükədirmi? Təhlükədir. O zaman qəbul etməzsən. Vətənin ali mənfəətləri, millətin ali mənfəətləri əsasdır. Avropa İttifaqının istəkləri bizi maraqlandırmaz. Muxtariyyətin Türkiyəni parçalayacağı açıq həqiqətdir.

Nəciblik əhəmiyyətli məsələdir. İnsanların ötəriləşdiyi mühit və ya səthi insan, digərlərini narahat edər. Alçaq insan çox zəhlətökəndir. Nəcib insan çox qaneedicidir, nəcib insandan zərər gəlməz. Hətta xalq arasında: "Nəcib yolunu azmaz, bal iy verməz" deyərlər, bu məşhur ata sözüdür. Lakin alçaq, səthi insandan hər şey gözləmək mümkündür. Yaltaqlıq edər, öz mənfəətini güdər, eqoistlik edər. Amma nəcib insan buna tənəzzül etməz.

Vəsvəsəyə qarşı aparılan mübarizədə qalib gələnə imanlı deyilər. Vəsvəsə həmişə olar. Şeytan səndən əl çəkməyəcək. Bədiüzzaman: "Şübhə orduları gəlsə də təhqiqi iman yox olmaz" deyir. "Amma təqlidi iman məğlub olar" deyir. Bunun üçün də, biz iman həqiqətləriylə əlaqədar kitablar hazırlayıb bunları sizə çatdırırıq. Yəni şübhə ordularına qarşı mübarizə aparmağınız üçün. Bu mübarizə nəticəsində müsəlman qəhrəman olur, Allah Qatında dəyərli olur.

Bütün dünyanı ağlasığmaz bir vəhşilik, dəhşət bürüdü. İmam Mehdi (ə.s)-ın zühuru vacib oldu. Allah, İsa Məsihi zahir etsin. İmam Mehdisini zahir etsin. Vaxt get-gedə yaxınlaşır. 2015-ci ildə zühur etməyəcək. 2016-cı ildə də zühur etməyəcək. 2017, 2019-2021-ci illər, bunlar həssas tarixlərdir.

Sən müsəlman olmaqla rahatlıq tapacaqsan. Müsəlmanlıq sənə daxili rahatlıq verər, sənə yoldaşlar, dostlar bəxş edər, zənginlik, bərəkət, bolluq gətirər. Hamı ilə sülh içində yaşaya bilərsən. Küfr olduqca acıdır, iztirabdır, əzabdır. Küfr etdiyin təqdirdə sürünərsən.

Münafiq mömin cəmiyyətin kiridir. Necə ki, mömin yuyunduqda kir ondan gedir, duş qəbul etdikdən sonra tərtəmiz olur. Sabunla yuyursan kir gedir, sağlam olursan. Sən: "Niyə murdarlıq yox olub gedir?" deyirsən. Mömin təmizdir, murdar yaşamaz. Murdarlığı yuyar, murdarlıq gedər, münafiq gedər, geriyə nur kimi möminlər qalar.

Dövlət xərçəng xəstəsi olan kasıb ailələrə ciddi pul yardımı göstərsin. Xəstənin dərmanları və baxımı da pulsuz olsun. Yazıqdır, günahdır. Heç kəs: "Mənə nə dəxli var, onsuz da mən xəstə deyiləm, məni maraqlandırmaz" deməməlidir.

Sevgini verən Allahdır. Bu möcüzə olaraq meydana gəlir. Yəni ehtirası meydana gətirən Allahdır. Azğınlarda və dəlalətə düşənlərdə ehtiras olmur. Bunun üçün çalışırlar, lakin olmur. Nə etsələr də olmur. Filmlərdə bunu canlandırırlar, romanlarda canlandırırlar, lakin faktiki həyatda əsla alınmır. Niyə? Çünki bu iman gətirdikdə yaranan bir möcüzədir. İmanlı kişi və imanlı qadın arasında yaranan bir gözəllikdir.