Adnan Oktar A9 TV; 24 mart 2014

Allah imandan qaynaqlanan görünüş verir. Möminlərə xas bir xüsusiyyətdir. Səhabələrin hamısı, Rəsulullah (s.ə.v) heybətli idi, şeyximiz, sultanımız Şeyx Nazim Həzrətləri heybətlidir.

Möminlər arasında müxaliflik olmaz. Möminlər arasında ittifaq, birlik olar, qardaşlıq, vəhdət olar. Əks təqdiri haramdır.

İnsanlar həsədlə nəyəsə çatmazlar. Həsəd etdikcə, Allah möminlərin nemətlərini daha da çox artırar. Onların da nemətini azaldar. Getdikcə qovrularlar, özlərinə qapanarlar, çökdürər, sevgisiz, mərhəmətsiz, ürəksiz, xəstə insanlara çevrilərlər. Allah əsirgəsin.

Allah ürəyi qara olanlara, mənfi xarakterli, tərs insanlara özləri kimisini nəsib edir. Möminlərə, gözəl xasiyyətli insanlara, insanları sevənlərə də, sevgi, qəlbi məhəbbətlə dolu, nur kimi insanları nəsib edir. Cənnətdə də, dünyada da belədir.

Allah iman edənlərə, inananlara çox gözəl nemətlər verir. Allah iman edənlərə insan sevgisini, coşğunu, ehtirası, hər cür dərinliyi tam yaşadır.

Mömin olan kəs səhv etdiyi halda Allahdan bağışlanma diləyər. Allah bunu bəyənir. Bu, Allahın sevdiyi rəftardır. Allahın razılığını axtaran kəs bunu etməlidir. ''Ya Rəbbim! Məni bağışla, əfv et'' deməlidir. ''Əstəğfirullah, əstəğfirullah, əstəğfirullah'' Allah bunu bir gözəllik olaraq qəbul edir.

Yaxşı olmayan insanlar Allahın möminlərə verdiyi nemətlərdən istifadə edirlər. Yəni əslində nemətlər onlar üçün deyil, səmimi möminlər üçün yaradılır. Onlar da bir kənardan, bir yandan istifadə edirlər. Axirətdə bu imkanlar əllərindən alınar.

Mehdiyyət, müsəlmanlar təhqir olunar, böhtanlar atılar. Mömin bundan təsirlənməməlidir və qorxmamalıdır.

Haram insanı sıxan bir şeydir. Haram mömini parçalayar. Haram olduğunu bilə-bilə harama girmək, haram iş görmək mümkün deyil. Amma imanı zəif olanlarda bədən iflic olduğu üçün, ət çürüdüyü üçün harama girməkdən təsirlənməzlər. Rahat şəkildə harama girərlər. İnsan diri olduğu halda harama girməsi qeyri-mümkündür. İnsan ancaq ölü olduğunda harama girə bilər. Dirinin gücü çatmaz, harama girmək dözülməz bir əzabdır. Möminin edə biləcəyi bir şey deyil.

Dünya imtahan məqsədi üçün yarandığına görə, dünyada həm mələk kimi, həm də şeytan kimi insanlar var.

Allah bir çox təfsilatı həyata rəng olsun deyə yaradır. Məsələn, ağaclar həyata bəzək olması üçün yaradılar. Dəyişik hadisələr gözəllik və hərəkətlilik olsun deyə yaradılar. Yenə şeytanı yaradan da, ona o gücü verən də Allahdır. Çünki ziddiyyətlər dünyada hərəkətlilik və rəng meydana gətirər.

Bir insan küfr içindədirsə , etdiyi hər şey onun üçün şərdir. Yemək yeyər şər olar, küçəyə çıxar şər olar, nə edirsə etsin şər olar. Onun üçün xeyir yoxdur. Əgər bir insan səmimi, mömin, təmizdirsə onun elədiyi hər şeydə xeyir vardır.

Şeytan böyük bir orduya sahib oldu. Mehdi (ə.s)-ın ordusu çox kiçikdir. Amma görəcəksiniz, o kiçik ordu dəccalın ordusunu fikri mübarizədə yerlə-yeksan edəcəkdir. Şeytanın ordusu dəccalın ordusu deməkdir.

Hər yerdə möminlər, müsəlmanlar varkən qiyamət gəlməz. Ayə vardır ki, təbliğ edilərkən bəla gəlmir. Allah xatırlanmayanda, müsəlmanlıq yaşanmayanda qiyamət gəlir.

Şeytani fəaliyyətlərlə mələklərin əlaqəsi olmaz. Daha çox günaha batmaları üçün onlarla şeytanlar maraqlanar. Sadəcə onların vəziyyətini təsbit edən mələklər vardır. Yəni, etdiyi əxlaqsızlıqları təsbit edərlər ki, inkar etməsin. Allah bilir ki, mələyi vəsilə edər.

Müsəlmanın izzəti-nəfsi vardır, şərəfi vardır, qüruru vardır. Söydürməz özünü. Müsəlmanları söyülməyə alışdırmağa çalışırlar. Bunu qəbul etmərik. Belə bir şey olmaz.

Sən Allahdan qorxmayandan çəkinəcəksən. İmanla, Quranla hərəkət etməyəndən çəkinməlisən. Çünki onun bir qanunu yoxdur. Adamın nə düşünəcəyini bilməzsən. Hər şey edə bilər. Amma möminin qanunu var, qaydalara bağlıdır.

Gülməmək, danışmamaq, həmişə qaşqabaqlı sifətlə gəzmək, yorğun, əldən düşmək… Bu şeytanı güldürər, əyləndirər. Müsəlman belə davranmaz. Haram və yaraşmayan davranış olar.

Döyüşü ağılsızlar qəbul edər. Döyüş ağıllı birinin qəbul edə biləcəyi bir şey deyil. Niyə qəddarlıq, qan tökmək olmalıdır? Ağıllı insanlarıq, biz danışaraq hər şeyi həll edirik.

Monotonluq, keyfiyyətsizlik gözəl deyil. Estetikadan uzaq bir quruluşun yayılması qorxuncdur. İnsanlar, evlər, avtomobillər, hər şey təmiz və baxımlı olmalıdır.

Allaha aşiq olsan, coşğu dolu sevgini dadsan, cənnətin torpağını belə öpərsən. Hər şey sənin üçün çox gözəl olar və sonsuza qədər də bezməzsən.

Dəccal, şeytan eyni varlıqlardır. Çünki şeytan insan surətinə girir, o şəkildə dəccal olaraq insanların qarşısına çıxır. İnsanlar onu normal insan zənn edir. Halbuki, şeytan normal olaraq insi şeytandır.

Namazı Quranda təsvir edildiyi kimi səmimiyyətlə, tərtəmiz qılmalısınız. Qarışıq bir şey yoxdur. Sevinclə, sevgi ilə, hüzur, dincliklə namazı qılmalısınız. Namazı qarışıq hala gətirməyə cəhd etmək şeytanın rəftarıdır. Şeytan qarışıq hala gətirər ki, insanlar namaz qıla bilməsin.

Gözəl olan İslam Birliyidir, qardaş olmaqdır, hər kəslə qucaqlaşmaqdır. Düşmənimiz qalmasın. Düşmən insana çətinlik verər, böhrana salar. Dünyada düşmənimiz qalmasın. Düşmənimiz təkcə şeytan olsun. Dəccaliyyəti elmlə, mədəniyyətlə yox edək, qardaş olub, gözəl şəkildə yaşayaq.

Bədiüzzaman "Məkkədə, Mədinədə olsam İstanbula gələrdim" deyir. "Türkiyə, İstanbul İslam Birliyinin mərkəzidir" deyir. İstanbul həmişə Bədiüzzamanın istiqamətli bir siyasəti olmuşdur.