Adnan Oktar A9 TV; 1 dekabr 2013

"Hansı dindənsən" soruşduqda, məzhəbini deyir. Sən Qurana tabe olmaqla mükəlləf deyilsənmi? Məzhəbə tabe olduğunu deyirsən. Quranın hansı ayəsində məzhəbə uymaq yazılıb? Allah yalnız Qurana tabe olmaqdan bəhs edir. Məzhəblərə bölünməyi, məzhəbə uymağı haradan çıxarırsan?

Allah, Quranda olmayan, əlavə, uydurma hökm çıxarmamağı əmr edir.

Quranda Axırzaman əlamətləri bir gizli olaraq, bir də açıq şəkildə izah edilir. Allah parçalanmış, firqələrə ayrılmış müsəlmanlardan bəhs edərkən Axırzamana işarə edir. Çünki müsəlmanlar Peyğəmbərimiz (s.ə.v) dövründən bəri ilk dəfədir ki, bu qədər məzhəblərə, camaata bölünmüş vəziyyətdədirlər.

Şiə və sünni ayrı-seçkiliyinin aradan qalxması ancaq mehdiyyətlə mümkündür. Sənətin, elmin, incəsənətin, gözəlliyin, dünya hakimiyyəti mehdiyyətlə olar.

İslam aləmində ilk dəfədir ki, bu qədər mərhəmətsiz və dəlicəsinə məzhəb fanatizmi görülür. Bunun həlli mehdiyyətdir.

Qatı dinçiliklə İslam fərqli-fərqli anlayışlardır. Qatı dinçilik İslamı yox etmək üçün şeytan tərəfindən ortaya çıxarılmış zülm sistemidir. Müşrik qadınlar və müşrik kişilərdən ibarət olan bir birlikdir. Qurana tabe olan "Quran müsəlmanı" həqiqi müsəlmandır.

Müsəlman qardaşlar Allah xatirinə bu qatı dinçilikdən imtina edib Qurana sarılsınlar. Çox rahatlayacaq, məsələ də həll olub bitəcək. Qatı dinçilik hər yerdə əzilir, qatı dinçiliyə Allah rahatlıq verməz. Mümkün deyil.

Qurana tam əməl etsələr Allah fərahlıq, rahatlıq verəcək. Qurana, Allahın Kitabına heç cür güvənmirlər. Güvənib Qurana əməl etsələr məsələ bitəcək. qatı dinçilikdən, uydurmalardan əl çək.

Mənim ilk hədəflərimdən biri birlik və bərabərlikdir. Mənim qədər digər məzhəbləri, digər dinləri bu qədər çox sevən insan varmı? Yəhudilərə bu qədər çox sevgi göstərən, xristianlara bu qədər çox sevgi göstərən, şiələri, ələviləri, vəhhabiləri başının tacı edən başqa biri varmı?

Məzhəb, camaat ayrı-seçkiliyi etmədən hər kəsin iftarına getmək, dəvət edilən hər iftarı mütləq qiymətləndirməyə çalışmaq gözəl olar.

Müsəlmanlar birdirlər. Eqoistliyi Allah qəbul etmir. Quran ayələri bütün müsəlmanları əhatə edən üslubdadır. Məsələn, Allah "Ey möminlər" deyərkən bütün dünya müsəlmanlarına xitab edir. Təkcə sünnilərə, şiələrə, vəhhabilərə xitab etmir, hamısına müraciət edir.

Qurandan kənara çıxmaq olmaz. Haşa, Allahın Kitabına yetərsiz desən xoş olmaz. Allah “yetərli” deyir, sən isə "yetərsiz" deyirsən. Allah "hər şeyi açıq-aşkar bildirdim" deyir. Sən isə "heç bir şey açıqlanmamışdır, yarımçıqdır" deyirsən. Allahın Kitabına meydan oxuyursan, haşa. Allahın Kitabına meydan oxusan Allaha meydan oxumuş sayılırsan, haşa.

İhvan canımızdır, "Quran yetərli" deyərək sevgi dolu və səmimi olsa düşdüyü vəziyyətdən xilas ola bilər.

Quranın yetərli olmasına inansan xurafat, qatı dinçilik də aradan qalxar. Quranın yetərli olduğunu qəbul etsən şiəni, ələvini, vəhhabini də sevərsən. Hamısını canından olan kimi qəbul edərsən. Çadralı xanımları da, başı açıq xanımları, dekoltə geyinən xanımları da başımızın tacı etməli, hörmətlə yanaşıb sevgi göstərməliyik. Onları narahat etmək olmaz.

Birlik mehdiyyət ruhu ilə çox qəti olaraq əldə edilər. Hər kəs "birlik olaq" deyir. Kimsə əhəmiyyət vermir. İrqçilik, məzhəbçilik, bölgəçilik, hətta məhəlləçilik də yayılmışdır. Ona görə Peyğəmbərimiz (s.ə.v) bu bəlanı bildiyi üçün Mehdisini xüsusi olaraq vəzifələndirir.

Xurafata qarşı Quran ilə mübarizə aparmaq lazımdır.

Peyğəmbər (s.ə.v) yalnız Qurana uymaqda məsuldur. Qurana nə əlavə edə bilər, nə də çıxara bilər.

DÜNYADAKI ÇIXIŞ YOLU QURANIN YETƏRLİ OLDUĞUNUN QƏBUL EDİLMƏSİDİR. Quranın yetərli olduğu qəbul edilmədiyi üçün dünyada bu qədər qarışıqlıq, məzhəb, icma, əzab, döyüşlər var. Əgər Quranın yetərli olduğu qəbul edilsə, Quranın dili səmimi başa düşülsə, heç bir problem qalmaz.

Allah buyurur ki, "Sizə yalnız Qurandan sorğu-sual edəcəyəm", "Ondan imtahan olunacaqsınız". Xurafatçılar bu barədə yaxşı düşünsünlər. Allah buyurur ki, "başqa heç nədən sorğu-sual etməyəcəyəm".

Hz. Mehdi (ə.s)-ın xüsusiyyəti məzhəbləri aradan qaldırmaqdır. Şiəlik, Vəhabilik, Bektaşilik, Aləvilik və digər məzhəbləri aradan qaldıracaq, eynilə Rəsulullah (s.ə.v)-in dövrü, Əshabi-kiram dövrü kimi olacaq. Bilavasitə Mehdi (ə.s) məzhəblərdən kənar bir şəxsdir. Müsəlmanlara Rəsulullah (s.ə.v) dövrünü yaşadacaq insandır.

HZ. MEHDİ (Ə.S) GƏLMƏYİNCƏ HEÇ BİR ÖLKƏ TÜRKİYƏNİN LİDERLİYİNİ ƏSLA QƏBUL ETMƏZ. Çünki məzhəblər var, məzhəb fərqlilikləri vardır. Bir də qövmə bağlılıq hiddəti də var.

Hətta qarışqaların da bir lideri vardır. Kafirlərin lideri var, hər kəsin bir lideri vardır. Müsəlmanların liderini qəbul etmirlər. Şiə, Sünni, Ələvi kim olursa olsun, bütün Müsəlmanların lideri olan şəxsin adı Mehdi (ə.s)-dır.

Mehdi (ə.s)-ın məzhəbi varmı? Xeyr. Mehdi (ə.s) sünnimi ? Deyil. Şiəmi? Deyil. Rəsulullah (s.ə.v) dövrü, səhabə dövrü kimidir. RƏSULULLAH (S.Ə.V) HANSI İNANCDADIRSA, MEHDİ DƏ O İNANCDADIR. BU SƏBƏBDƏN MÜSƏLMANLAR ARASINDA BİR BÖLÜNMƏ, PARÇALANMA, NÜFUZ PROBLEMİ YOXDUR.

Güclü iman çox əhəmiyyətlidir. Nadir insanlarda rast gəlinər. Bir şəhərə, məmləkətə təhqiqi iman cəhətdən bir adam belə yetər. Allah Tövratda: ”10 nəfər adam olsun, haqq dini (İslamı) dünyaya hakim edəcəyəm'' deyir.

Quranda İslam Birliyinin kapitalizmə qarşı olduğunun vurğulandığını görürük. Allah Quranda malı-mülkü xərcləməyib yığmağın yanlış davranış olmasından bəhs edir. Malı-mülkü bol-bol paylamaq, kasıblara dəstək olmaq Quranda tez-tez vurğulanan həqiqətdir.