Adnan Oktar A9 TV; 10 fevral 2014

Səmimi olan hər kəslə dost olmaq olar. İnsanlar dürüst, səmimi olmalıdırlar. Yalan danışmamalıdırlar. Daxili ilə zahiri bir olmalıdır. Belə olan kəs nur kimi insandır.

Sən səmimiyyəti buraxsan əksiklik, çatışmazlıq da səni buraxmaz. Dürüst, səmimi olsan, əksiklik, çatışmamazlıq kimi görünən şeylərin doğru olduğunu, hər şeydə xeyir olduğunu görməyə başlayarsan.

Allah səmimi insana ağıl verər. Bu açıq olan bir şeydir. Həmişə bütün peyğəmbərlərin, gözəl insanların ağıllı olduğu məlumdur.

Allah insanın səmimiyyətini gördüyündə (qədərdə onsuz da bilir) ağlını daha da artırar. Səmimiyyətsiz olduğu halda isə ağlını alar və insan divanə olar, manyak kimi olar.

Bəzi müsəlmanlarda “yaşasın holdinqçilik” düşüncəsi hakimdir. Bəzilərinə görə isə müsəlmanlıq ağac əkmək, sənayeni inkişaf etdirməkdən ibarətdir.

Şübhəli, ürəyi qara, yaxşı niyyətli, dürüst olmayan, ürəyində fəsad olan, insanların yaxşılığını istəməyən, sevgiyə, məhəbbətə istək duymayan bir insanın bəsirətini, fərasətini Allah bağlayar. Hərəkətlərinin yerini bilməz. Baxışı, danışığı, məntiqi pozular. Allah yolunu bağlayar, bərəkətsizlik verər.

Allah ağılı anbaan yaradır. Ağıl davamlı axar. Ağıl beynin içində durmaz. İnsanlar zənn edir ki, ağıl küp kimi mühafizə olur, elə bir şey yoxdur. Başın içi bomboşdur. Ağıl başa Allah tərəfindən çay kimi dayanmadan axar.

Əgər çox səmimi olsaq, Allahı eşqlə sevsək, onsuz da Mehdi (ə.s) tapılar. Sevgisizlikdən, səmimiyyətsizlikdən Mehdi (ə.s) tapılmır.

Ən çox savab imanını artıraraq qazanılır. Yəni əgər sən savabının artmasını istəyirsənsə, səmimiyyətini çox artırmalısan, çox-çox savab qazanarsan. Səmimiyyətə bağlı olaraq imanını çox artırsan ondan da çox savab qazanarsan. Ən çox savab buradadır.

Səmimi, yaxşı insanlar dünyada o qədər də çox deyil. Yaxşı, səmimi, sevgi dolu insanların bir-birini qoruması lazımdır. Əksinə, onların bir-birinin əleyhinə olması çox böyük sadəlövhlükdür.

Dua səmimi edilməlidir. Bunu xüsusi olaraq fikrini cəlb etməklə, səmimiyyət ruhu ilə əldə etmək lazımdır. Bir də çox uzun dua deyil, köklü, dərin və səmimi dua çox əhəmiyyətlidir. Səmimi olması lazımdır, inşaAllah.

Həqiqətən, əgər səmimi iman etsə, bir adam belə olsa, dünya hakimi olar. Məsələn, hz. Süleyman (ə.s) çox imanlı idi, Allah dünya hakimi etdi. Zülqərneyn (ə.s) tək idi, imanlı idi, Allah dünya hakimi etdi. Səbir, iman, səmimiyyət və dünyadan keçmək kifayətdir.

Allah "səmimi olan qullarım xilas olar" deyir. Səmimiyyət nəzərdən qaçan mövzudur. Halbuki, Allah yalnız səmimiyyəti qurtuluş vəsiləsi olaraq göstərir. Çünki insan səmimidirsə onsuz da dinin tələb etdiyini tam yerinə yetirər, hər şeyi ən gözəl tərzdə edər.

Hz. Yusif (ə.s)-ın tankı, topu var idimi? Yox idi. Minlərlə tələbəsi var idimi? Yox idi. Pulu var idimi? Yox idi. Bəs nəyi var idi? Səmimiyyəti var idi. O dövrün Mehdisi idi. Allah onu qalib etdi. Allahın şərti nədir? Əziyyətə qarşı təvəkküllü, səbirli olmalı, ağrı-acıya səbirli olmalıdır. Yoxsa özünü əzab çəkirmiş kimi göstərməklə əzab-əziyyət çəkmədən belə bir nəticə meydana gəlmir.

Səmimiyyət çox əhəmiyyətlidir. Ona görə əhəmiyyətlidir ki, qurtuluş yoludur. "Allah Qatında ən yaxşı olan, ən təqvalı olandır" deyir. Allah təqvalı olmağın əsas şərtinin səmimiyyət olduğunu qeyd edir.

Mehdi (ə.s) dövründə kimsə digərini linç etməz. Gözəllik sadəcə sevgi və səmimiyyətdir. Hər yerdə Allah qorxusu, Allah sevgisi olacaqdır. Əbəs yerə insanlar bir-birlərini incidirlər.

İmanlısansa saf və səmimi olmalısan. Belə olduqda səni də saf və səmimi görən insanlar sevgi gözü ilə yanaşarlar.

Hər kəsi hidayətə çatdıracaq bir gücə sahib deyilsən. Allah hidayətə çatdırar. İzah etmə texnikan, mədəniyyətin, səmimiyyətin yetərlidirmi? Əgər çox səmimi olsan, təsirli olarsan.

Səmimiyyətsiz din anlayışı insanların ağlını pozar.

Səmimiyyət , iman və ağıl dünyadakı ən böyük nemətlərdəndir.

Baxışlarındakı səmimiyyət də qadın üçün çox əhəmiyyətlidir. Məsələn, boş, mənasız sözlərlə darıxdırıcı səslə deyilən iltifat, qadın üçün təhqir sayıla, əsəbləşdirə bilər.

İnsanların çoxu şübhəli, kimi həddindən artıq utancaq, kimi içinə qapalı olur, kimisindən də baş çıxarmaq olmur. İNSAN TƏBİİ HALINDA ÇOX GÖZƏLDİR. İçi ilə çölü bir, səmimi, nə düşündüyünü aydın şəkildə ifadə edən olur. Amma təmkinsiz də olmağını, təbii ki, istəmirəm. İnsani, məqbul bir təmkin lazımdır. VƏHŞİ OLMAQ BİR QADINA YARAŞMAZ, BU QEYRİ-NORMAL BİR HƏRƏKƏTDİR.

Hamı Allahdan qeyd-şərtsiz iman istəməlidir. Allaha qarşı şübhəsi olan insan alçaq, rüsvay olar. Axirətdə çox utanar. Bu insan üçün çox alçaldıcı şeydir. Allahı saf, səmimi imanla sevmək lazımdır.

İNSAN İMANI ÇƏTİN GÖRSƏ, ŞEYTAN İNSANA HÜCUM ETMƏYƏ BAŞLAYAR. İMAN ASANDIR. Sadəcə insan özünü, beynini, ruhunu sərbəst, təbii halına buraxmalıdır. İNSAN TƏBİİ HALDA OLARKƏN ALLAHLA TAM BAĞLILIQ YARADAR. İNSAN ŞEYTANI DÜŞÜNÜB ONA UYĞUN HƏRƏKƏT ETDİYİ ÜÇÜN ALLAHLA BAĞLILIQ YARADA BİLMİR.

ALLAH BİZİ SƏMİMİ İMAN ETMƏK ÜÇÜN AĞLIMIZI SIXIŞDIRMAYACAĞIMIZ, RAHAT OLARAQ ALLAHI DƏRK EDƏCƏYİMİZ ŞƏKİLDƏ YARATMIŞDIR. Yəni Allaha tam təslim olmaq iqtidarında yaradılmışıq.