Adnan Oktar A9 TV; 14 may 2017

Qəlbim təmizdir deyən, lakin Allahın mövcudluğunu gördüyü halda, Allaha şükür edib sevgi göstərməyən insan səmimi davranmış sayılmır.

İnsan nəzarətsiz buraxılmayıb. Allah hər an hər insanın qəlbinə, vicdanına doğrunu vəhy edər. Bu, insanlar üçün çox böyük nemətdir. Səmimiyyət insanın Allahın vicdanına vəhy etdiyinə tabe olması, bu ilhamı eşitməməzlikdən gəlməməsidir.

Allah heyvanları şəfqətimizi çox təhrik edəcək şəkildə yaradır. Hamısı çox gözəl, hamısı çox sevimlidir. Bu, Allahın çox gözəl nemətidir.

Hədisdə, hz. Mehdi vəsiləsi ilə sevgisizlik və səmimiyyətsizlik fitnəsinin bitəcəyi bildirilib. Mehdi sevgi və səmimiyyət müəllimidir.

Bir insanın dürüstlüyü həmən anlaşılar. Səmimiyyətsiz insanın üslubu necə dərhal görünürsə, dürüst insanın keyfiyyəti də dərhal görünər.

Din insanı çıxılmaz vəziyyətlərə sürükləməz. Allah səmimiyyəti əsas götürər. Din sadə və asandır.

İnsan zəif yaradılıb. İmansızlıq geniş yayıldığı üçün insanların çoxu özlərini arxayın hiss etmir və şiddətli stress içində yaşayırlar. Küçəyə çıxır sevgi yoxdur, evə gəlir sevgi yoxdur, etibarlı və səmimi insan tapa bilmir və şiddətli gərginlik yaşayırlar. Bu vəziyyət imanla həll edilər.

Şəxsiyyət dəyişə bilən şeydir. Əsəbi insan imanla çox mehriban, anlayışlı insan halına gələr. Səmimiyyət və güclü xarakter imanla formalaşar.

Eyni səs, eyni danışıq, eyni üzün milyonlarla insanın evində eyni anda yaradılması möcüzəvidir, peyk, televiziya kimi səbəblər insanı aldadır.

Quranda təkamül vardır deyənlərdən qardaşlarımız cinlər, mələklər, cənnət köşkləri, cənnət qılmanlarının necə yaradıldığını soruşsunlar. Mələklər, cinlər, cənnət necə təkamüllə yaradılmadıysa insanlar da təkamüllə yaradılmamışdır. Hz. İsa necə ki, palçıqdan quş formasında bir şey düzəldir və o bir anda canlı quşa dönürsə, insan da Allahın ruh verməsi ilə insan olmuşdur. Təkamül yoxdur. Hz. Musa əlindəki əsanı atdığı zaman əsa tam canlı ilana necə dönürsə, insan da bir anda insan olaraq yaradılır, mərhələ-mərhələ deyil.

Çobanyastığında Allahın ruhu var dediyimiz zaman, hamısının Allahın əmrinə tabe olduğunu ifadə edirik. Allahın ruhu hər yerdədir, bütün kainatı əhatə etmişdir.

Qadağalar, Allahdan qorxulduğu zaman, Allah səmimi sevildiyi zaman dağılar. Quran insanları sıxan bütün qorxuları, bütləri dağıdıb insanı azad edər.

İnsan, hər şeyi Allahın etdiyini bilsə, şirkdən Allahın icazəsi ilə xilas olmuş olar.

Allah kainatın sirlərini zaman içərisində yavaş-yavaş insanlara öyrədir. Bu sirləri gizlədən də, açdırıb tapdıran da Allahdır.

Dünyada reallaşan hər hadisə Allahın təqdiri ilə reallaşar. Fironu da, Nəmrudu da yaradan Allahdır. Bunda ledun elmi gizlənibdir.

Nəhəng kürənin üzərində fövqəladə sürətlə hərəkət edirik, ayağımızın altında maqma var, lakin üstündə əmin-amanlıq içində yaşayırıq. Allahın rəhməti böyükdür. Altda maqma coşaraq qaynayır, üzərimizdən nəhəng meteoritlər keçir, burada insanlar toy hazırlığı, ticarət, məktəblə məşğul olur. Belə mükəmməl nizamı Allah məqsədsiz yaratdı demək, çox böyük vicdansızlıq olar.

Allah ayədə "insan zalım və cahildir" deyə bildirir. İnsanların böyük əksəriyyəti, nankordur. Allahın böyük ağılı və himayəsi var, lakin şükür etmirlər.

Hədislərdə izah edildiyi kimi Sirat körpüsü anlayışı Quranda yoxdur. Axirətdə sorğu-sual var. Bu sorğu-sual mömin üçün asan, küfr əhli üçün çox çətindir. Möminin axirətdəki sorğu-sualı çox qısa və asan olduğu halda, küfr əhli üçün əzabverici şəkildə çətin və təfərrüatlıdır. Allah tək-tək hər şeyin hesabını soruşacaq.

Xurafatlara əsaslanan mövhumatçı İslam anlayışında dəhşət, zorakılıq var. Quranda sevgi, qardaşlıq və sülh var. Xurafatların aradan qaldırılması vacibdir.

Allah yolunda səmimi cəhd edildikdə Allah yolları açar. Allahın bir planı var və biz o planı nə sürətləndirə, nə də gecikdirə bilərik. Dünyanın bütün imkanları bir yerə gətirilsə Allahın istədiyindən başqa heç nə reallaşmaz.

Tayyib hocam bütün gəncliyini çətin həyat yaşayaraq, Allah üçün çalışaraq keçirdi, hələ də əziyyət çəkir. Tayyib hocamı öz aləmində tənqid edənlərin ədalətli olması, dağıdıcı deyil, yaradıcı və müsbət cəhətdən tənqid etməsi lazımdır. Tayyib hocam Allah üçün var gücü ilə səy göstərir, dünyadan istəyi olmadığı da açıqca görünür.

Dünyada cənnəti də xatırladan xüsusiyyətlər var, cəhənnəmi də. Allah çətinliklər yaradaraq Özünü xatırladar.

Hər bəlanın altında Allah sevgisi və Allah qorxusunun olmamağı var. Allahı sevən insanın anlaşmazlıq, tərslik, dava yaşaması qeyri-mümkündür.

Qurana tam tabe olmaq Quranın ifadəsi ilə şəfadır. Quranı tam yaşayan ruhən də çox sağlam olar.

Darvinizmi, materializmi fikri olaraq yox etmək demək, dünyadakı ən böyük zəfəri qazanmaqdır. Bu zaman Türkiyə əleyhinə olan bütün qüvvələr zərərsizləşər.