Adnan Oktar A9 TV; 27 may 2017

Bir insana etibar edə bilməyimiz üçün ağıllı qiymətləndirmə aparmaq lazımdır. Quranın meyarı insanları diaqnoz etməkdə ən mükəmməl meyardır. Quranın meyarı ilə həm özümüzü, həm də insanları yaxşı tanıyarıq. Özümüz özümüzə necə zərər vermərik, insanları necə tanıyarıq, bunu öyrənərik.

Kitablarımda gözəl şəkillər olmasının səbəblərindən biri Allahın gözəlliklərini xatırlatmaq, Allahın sənətini insanların görməsini təmin etməkdir.

Hədislərdə izah edildiyi kimi Sirat körpüsü anlayışı Quranda yoxdur. Axirətdə sorğu-sual var. Bu sorğu-sual mömin üçün asan, küfr əhli üçün çox çətindir. Möminin axirətdəki sorğu-sualı çox qısa və asan olduğu halda, küfr əhli üçün əzabverici şəkildə çətin və təfərrüatlıdır. Allah tək-tək hər şeyin hesabını soruşacaq.

Sevgini yaşamayan insanlarda ətrafı qoruma duyğusu da olmur. Gözəllikdən, sevgidən anlayan insan bu gözəlliyi pozmağa qıya bilməz. Sevgisizlik insanları gözəl olan hər şeyi məhv etməyə yönləndirər.

Arda Turan tərbiyəli, nur kimi müsəlmandır. Sevgisiz insanların zəhərli dilləri ilə özünü narahat etməyə çalışmalarına heç etibar etməsin.

Musiqi halal, rəqs halal, rəsm, heykəl halaldır. Boşuna insanların üzərində təzyiq yaradırlar. İnsanların sevinc içində çox rahat yaşaması lazımdır. Öz qoyduqları lazımsız qaydalarla həyatı cəhənnəmə döndərirlər. Sevgi, gözəllik, incəsənət, musiqi, sevinc yoxdursa, həyat cəhənnəm olar.

İnsanların çoxunun bilmədiyi, Allahın təkcə səmimi qullarına tətbiq etdiyi müsbət qanunu var. İsrarla səmimi olan mütləq qalib gələr.

Xurafatlara əsaslanan mövhumatçı İslam anlayışında dəhşət, zorakılıq var. Quranda sevgi, qardaşlıq və sülh var. Xurafatların aradan qaldırılması vacibdir.

Allah yolunda səmimi cəhd edildikdə Allah yolları açar. Allahın bir planı var və biz o planı nə sürətləndirə, nə də gecikdirə bilərik. Dünyanın bütün imkanları bir yerə gətirilsə Allahın istədiyindən başqa heç nə reallaşmaz.

Beyindən kənarda mütləq səssizlik və zülmət qaranlıq var. İşıq və səs beynin, yəni ruhun şərhidir. Bəziləri maddənin əsli mövzusunu düşünməkdən qaçırlar və bu mövzuda beyinlərini keyidirlər. Allahın ruhunu görən belə etməz.

Türkiyənin gələcəyində İslam aləminin birliyinə vəsilə olmaq və müsəlman aləminin mənəvi lideri olmaq var, Allahın icazəsi ilə.

Tayyib hocam bütün gəncliyini çətin həyat yaşayaraq, Allah üçün çalışaraq keçirdi, hələ də əziyyət çəkir. Tayyib hocamı öz aləmində tənqid edənlərin ədalətli olması, dağıdıcı deyil, yaradıcı və müsbət cəhətdən tənqid etməsi lazımdır. Tayyib hocam Allah üçün var gücü ilə səy göstərir, dünyadan istəyi olmadığı da açıqca görünür.

Dünyada cənnəti də xatırladan xüsusiyyətlər var, cəhənnəmi də. Allah çətinliklər yaradaraq Özünü xatırladar.

Qəlbim təmizdir deyən, lakin Allahın mövcudluğunu gördüyü halda, Allaha şükür edib sevgi göstərməyən insan səmimi davranmış sayılmır.

Həmişə mükəmməllik istəyinə sahib olmaq möminin xüsusiyyətidir. Mömin sevgiyə, gözəlliyə və nemətə doymaz. Şükür etməyi də heç vaxt unutmaz.

Allah; "əgər şükür etsəniz nemətimi artıraram" deyir. Allaha çoxlu həmd edirik verdiyi nemətlər üçün. Şükür etdikcə Allah hər şeyin ən gözəlini nəsib edir. Evlərin, süfrələrin, gözəlliklərin, paltarların, elmi mübarizənin ən keyfiyyətlisini, ən bərəkətlisini yaşadır. Dünyadakı nemətlərin hamısı, cənnətdəki həqiqilərinin surətidir.

Allaha təşəkkür etmək çox mühüm vicdan əlamətidir. Bəzən Allah insanlara imtahan olaraq çətinliklər verər. Bəzi insanlar da bu çətinliklə mübarizə apararkən Allaha təşəkkür etməyi unudur və ya başına gələni bəla kimi görüb Allahı tərk edib başqa şeylərə doğru gedər. Başına gələndən dolayı, haşa Allaha qəzəb bəsləyər, şeytan da bu qəzəbi hiddətləndirib şükürə mane olar. Şeytan harada mane olursa, orada diqqət yetirmək lazımdır. Məsələn, qolu sınır qəzəblənir, halbuki yaxşı xəstəxanaya gedir, həkimlər şəfa tapmasına vəsilə olur, qohumları gəlmişdir, dostları sevir, sevinəcəyi şükür edəcəyi çox şey var, lakin bunları görə bilmir. Çətinlik anında şükür etməyi unutmaq vicdan qüsurudur. Asanlıqda şükür edib çətinlikdə ümidsizliyə qapılıb şükürü tərk etmək çox ayıbdır. Şükürü tərk etmək səhvi insanların Allah ilə münasibətlərini korlayan dünyada nemət sahibi olmalarına mane olan mühüm səhvdir.

Cəhənnəmdəkilərin ən böyük iztirabı Cənnət əhlinin xoşbəxtliyini görməkdir. Cənnət əhli isə cəhənnəmdəkiləri gördükləri zaman Allaha olan sevgiləri artır. Allahın ədalətinin tam təcəlli etdiyini görüb şükür edirlər.

Suriyadan gələn ərəb, kürd, türkmən hər kim olursa olsun bizim başımızın tacıdır. Türkiyə hamısına sevərək ev sahibliyi edir.

Şəhidlərimiz cənnət əhli olur, nə gözəl xoşbəxtlikdir. Heç kim dünyada qalmayacaq. Şəhidlərimiz ən gözəl şərəflə dünyadan ayrılırlar. Allah şəhidlərimizin ailələrinə xoşbəxtlik içində səbir nəsib etsin. Övladlarının şəhidliyinə hər müsəlman kimi biz də qibtə edirik.

Möminlərin bir-birlərinə kömək etməsi fərzdir. Mömin möminin hamisidir, ata-anası kimi bütün möminləri sahiblənər, qoruyar.

Allah insanların qəflətdən oyanmaları üçün tez-tez xəbərdarlıqlar yaradır. Kosmosda maqma qaynayan bir kürənin üzərində gedirik, ətrafımız meteoritlərlə əhatələnib. Çox insan bir dəfə belə Allahı yada salmır.

Mənim dostlarımın nurları bir-birinə bənzəyər. Möminlər bir ümmətdir, bir-birlərinə bənzəyərlər.

Bədiüzzaman həzrətləri ayələrin və hədislərin işarəsindən əbcəd hesabı ilə təqribən 2120-ci ildə qiyamətin qopacağını söyləyir. Doğrusunu Allah bilər.

İnsan imtahanın sirrini tam bilsə zərrə qədər çətinlik çəkməz. Hər şeyin Allaha aid olduğunu çox yaxşı düşünmək lazımdır.