Adnan Oktar A9 TV; 11 iyul 2013

İsa Məsih (ə.s), Mehdi (ə.s) sevgisi Allah sevgisindən qaynaqlanar.

Müsəlmanlar birdirlər. Eqoistliyi Allah qəbul etmir. Quran ayələri bütün müsəlmanları əhatə edən üslubdadır. Məsələn, Allah "Ey möminlər" deyərkən bütün dünya müsəlmanlarına xitab edir. Təkcə sünnilərə, şiələrə, vəhhabilərə xitab etmir, hamısına müraciət edir.

Hz. Mehdi (ə.s)-ı, Peyğəmbərimiz (s.ə.v)-i sevər. Bir insan Peyğəmbərimiz (s.ə.v)-i sevirsə, hz. Mehdi (ə.s)-ı da sevməlidir. Peyğəmbərimiz (s.ə.v) vəfat etdi, amma hz. Mehdi (ə.s) Peyğəmbərimiz (s.ə.v)-in bir parçası, onun övladıdır. Sən əgər Peyğəmbərimiz (s.ə.v)-i sevirsənsə onun həyatda olan övladını da sevməlisən. Sən onu unutdurmağa çalışırsansa, Peyğəmbər (s.ə.v)-i də sevmirsən.

Qadın sevgisi yoxdursa sənət də yoxdur. Yəni qadın sevgisi sənət ruhunun əsasıdır. Çox vacib bir nöqtədir. Dünyanın ən gözəl varlığı qadındır.

Mənim ilk hədəflərimdən biri birlik və bərabərlikdir. Mənim qədər digər məzhəbləri, digər dinləri bu qədər çox sevən insan varmı? Yəhudilərə bu qədər çox sevgi göstərən, xristianlara bu qədər çox sevgi göstərən, şiələri, ələviləri, vəhhabiləri başının tacı edən başqa biri varmı?

Qadındakı sənəti, Allahın gözəlliyinin təcəllisini görə bilməyən insan sənətdən uzaqlaşıb, sənət gücünü itirmişdir. Yəni o, hansı gözəlliyi görə bilər? Çiçəyin gözəlliyini, mənzərənin gözəlliyini necə görsün? Biri qadının gözəlliyini görə bilmirsə, demək ki, onda heç bir şey yoxdur.

Şiələr canımızdır, çox dindardırlar. Sevgiyə və sənətə də ruhları çox yaxındır. Sənətə və sevgiyə ruhu açıq insanın Allaha nə qədər coşğulu sevgisi olacağını da düşünün. Allahı coşğu ilə sevdikləri üçün sənətə olan sevgiləri olur. Onlar Peyğəmbər (s.ə.v)-ə aşiqdir, hz. Əli (r.ə)-ə aşiqdirlər. Şiələr Türkiyənin, dünyanın bəzəyidir, nurudurlar.

Əgər çox səmimi olsaq, Allahı eşqlə sevsək, onsuz da Mehdi (ə.s) tapılar. Sevgisizlikdən, səmimiyyətsizlikdən Mehdi (ə.s) tapılmır.

Sevgi ilə, nəzakətlə ən əsəbi bir insanı belə sakitləşdirmək mümkün olur. Bir cəmiyyətin əsəbi və hirsi çox gözəl yatırıla bilər. Amma qışqırıb çığıraraq, qoçuluq edərək, rüsvayçılıq çıxararaq, təhdid edərək, qatı dinçiliklə cəmiyyəti yatırmaq mümkün olmaz.

İnsan sənətlə xoşbəxt olar. Gözəl geyinən insanları, gözəl evləri görərkən xoşbəxt olar. İnsanlar gözəllik axtarar; musiqidə, şəkildə, heykəldə gözəlliklər axtarılır. Onları görəndə insan xoşbəxt olar.

Ən böyük silah sevgidir. Təkidlə sevgini dəstəkləməli, nifrətə yer verməməliyik. Əsəbi halda, kinlə yanaşsan insanlara heç nəyi qəbul etdirə bilməzsən.

Sevgi və şəfqət türk ordusunun əsas xüsusiyyətidir. Onun üçün bütün dünya orduları türk ordusuna heyrandır, mehribanlığına, mərhəmətinə, ədalətinə, etibarlı olmasına, möhtərəmliyinə heyrandır.

Çində, dünyanın ən uzaq yerində belə olsa müsəlmanlar tək bir ailədir. Hamısıyla maraqlanmalısan, hamısı üçün məsuliyyət daşıyırsan. Allah ayədə deyir ki, müsəlmanlardan tək bir adama zülm edildiyində bütün müsəlmanlar birləşib onu qurtararlar. Bu, Allahın hökmüdür.

Qatı dinçilər İslam Birliyini, mehdiyyəti istəmir. Bunlar necə müsəlmandır. Bütün müsəlmanları müsəlman hesab etməyən müsəlman ola bilərmi? Düşmən olmadığı insan qalmayıb, deməli, sevgisiz insanlardır. Sevgi İslamın ruhunda, Quranın ruhunda olan əsas mövzudur.

İslam aləmində yaşanan problemlərə Türkiyə tək başına heçnə edə bilməz. Bütün müsəlmanlar tezliklə birləşməlidir. Birdəfəlik həll darvinizmin elmi olaraq yox edilməsi və İslam Birliyidir.

Amerikanın mehdiyyəti dəstəkləməsi, İsa Məsihin nüzulunu Allahdan istəməsi lazımdır.

Dəccal qan tökərək gəlirsə Mehdi (ə.s) qan dayandıraraq gəlir. Bu da ikisinin arasındakı fərqdir.

Allah mehdiyyət üçün dünyanı min ildən bəri hazırlayır. Mehdi (ə.s) 4000 ildir ki, gözlənilir.

Sağın sənəti yox, mehdiyyətin isə sənəti var. Sağın şəfqəti əksikdir: Mehdiyyətin şəfqəti isə daha güclüdür. Solun, yəni kommunizmin mərhəməti, şəfqəti, sevgisi yoxdur. Amma mehdiyyətdə var. Hər ikisinin də sənət anlayışı çox dar çərçivədə, demək olar ki, yoxdur. Mehdiyyətin sənət anlayışı çox dolğun, ölçüyə sığmazdır.

Bədiüzzamanın şərhlərinə görə İsa Məsih (ə.s) təbliğ fəaliyyətlərini hz. Mehdi (ə.s)-ın öhdəsinə buraxar. Özü isə dünya siyasətinə istiqamət verər.

Xristian demək, hz. İsa (ə.s)-ı sevir deməkdir. Hz. İsa (ə.s)-ı sevən Allahı da sevər. İnşaAllah Məhəmmədi də olar.

Allah dünyanı dizayn edir. Suriyanı, İraqı, İsraili, Türkiyəni hazırlayır, hər yeri hazırlayır. Bütün dünya qonaqların, yəni hz. İsa (ə.s) və hz. Mehdi (ə.s)-ın gəlişi üçün bayram hazırlığı kimi hazırlaşırlar.

Din azadlıq, sevgi, gözəllik, sülh, sənət, estetika, cənnət kimi dünya deməkdir.

Qadınları doğru yola gətirməyə çalışmaq düzgün yanaşma deyil. Qadını düz yola gətirmək kiminsə vəzifəsi deyil. Qadınlar son dərəcə qürurlu, şərəfli, ağıllı varlıqlardır. Quranı da çox yaxşı anlayırlar. Qoyun, özləri qərar versinlər.

Mən İslamın fanatı olmağın tərəfdarı deyiləm. Avropa düşüncəsi ilə yanaşdıqda, səhabələrin yaşadığı, cənnət mənasında bir İslam anlayışını müdafiə edirəm. Dünya cənnətə bənzəməlidir. Cəhənnəmə bənzəyirsə, demək ki, nəsə düz deyil.