Adnan Oktar A9 TV; 19 may 2016

Mən etdim demək Allaha böhtan atmaqdır. Allah ayədə; "atdığın vaxt sən atmadın, Mən atdım" deyir. Ona elə göstərilir. Mömin şirkdən şiddətlə qaçmalıdır, ömrü boyu ən diqqətli olacağı mövzuların başında şirk gəlir.

Səbir şirkə qarşı dərmandır.

Münafiq müşrikin ən inkişaf etmiş, ən şiddətli olanıdır. Kafirin ən azğın olanıdır münafiq. Klassik müşrikdən, bilinən müşrikdən qat-qat irəlidir münafiqin müşrikliyi. Çünki münafiq hər şeyi özünün etdiyini və hər şeyi başqalarının etdiyini düşünər. Əşyanın gücünə inanar, insanların gücünə inanar, hadisələrin gücünə inanar, cəmiyyətin gücünə inanar. Cəmiyyət onun üçün ilah kimidir.

Hər hadisəni Allah etdiyinə görə “Dost”un etdiyi hər şeydə xeyir var. “Dost”un etdiyi heç nədən ötrü kədərlənmək olmaz.

Allahın etdiyinə inanırsansa, bəs niyə kədərlənirsən? Allahın etmədiyinə inanırsansa onsuz da məhv olmusan deməkdir, Allah qorusun qarşılığı cəhənnəmdir.

Allah "kədərlənmə" deyir. Tövsiyə zənn edirlər, fərz hökmdür bu. "Qorxma" fərz hökmdür, möhkəm hökmdür. Açıq əmrdir; "qorxma". Buna görə də müsəlman; kədərlənmək, üzülmək, bunlardan qaçmalıdır. Haramdır bunlar, təvəkküllü müsəlmanın edəcəyi şey deyil.

Təvəkkül etməmək nədir? Şirkdir. Acı niyə olur? Şirk qoşduğu üçün Allah tərəfindən ona cəza. Nağd cəza.

Allaha təvəkkül edilmədiyi zaman, qorxu və kədər, şirkin cəzası olaraq insana verilər.

Gizli şirkdən xüsusilə çox uzaq olmaq lazımdır. "Din Allahın olana qədər" demək budur, yəni şirkdən təmizlənmiş olaraq, saf, xalis olaraq Allaha təslim olmaqdır.

Münafiq şirk düşüncəsində olduğu üçün, müstəqil varlıq olduğunu düşünərək, Allahın onun etdiyi şeytani əməlləri görmədiyini düşünər.

Cənnət sonsuza qədər bitməyən ziyafət yeridir. Sonsuza qədər xəstəlik, dərd, sıxıntı, heç nə yoxdur. Yuxu yoxdur, yorğunluq yoxdur. İstədiyin kimi gəzərsən. Təbii ki, Allahı yada salmaq vardır. Həmişə Allaha şükür etmək, Allahı yada salmaq vardır.

Cənnətdə hər kəs gözəl əxlaqlıdır. Kin, qəzəb qətiyyən yoxdur. Qorxu yoxdur. Narahatlıq yoxdur, kədərlənmə yoxdur. Bunlar dünyada xüsusi olaraq verilib.

İnsan cəhənnəmə əzabını özü gətirir. Özünü yandıracaq əzabı ora özü gətirir. Dünyadakı bütün sıxıntısı onunla birlikdə ora gedir. O sıxılma, qorxma, narahat olma, əzab çəkmə xüsusiyyətini. Allah bunu cənnətdə möminlərin üstündən qaldırır, lakin küfrün üstündən qaldırmır. Öz oduyla ora gedir. O öz oduyla orada yanır.

Mömin münafiqlər mövzusunda olduqca rahat olmalıdır. Əks təqdirdə haram olar, çünki şirk olar. Yəni, ciddiyə aldığı zaman, onlardan həqiqətən qorxub narahat olduğu zaman bu şirk olar. Çünki bütün güc Allaha məxsusdur.

Dəccal hüzn, əzab və iztirab gətirər. Cəmiyyətin ümidsizlik, yas içində olmasını, Allaha güvənməməsini, Allahı sevməməsini təlqin edər. "Sizi Allah yaratmadı, təsadüfən yarandınız" deyər. Biz də hər şeyi Allahın yaratdığını, nizam verdiyini, sevginin, gözəlliyin, sevincin əsas olduğunu söyləməklə mükəlləfik və edirik.

Həmişə ağlamağı, yas tutmağı təşviq edirlər. Millət olaraq çürüyərik, bu çox təhlükəlidir. Mömin ağlamamalıdır, küfr, dəccal tərəfdarları ağlasın. Mömin gülməlidir, şən olmalıdır. İmanlı millətimizi kədərlə, yasla, qorxuyla, ümidsizliklə, sıxıntıyla, əsəb pozğunluğuyla və ruhi xəstəliklərlə çürütmək istəyirlər. Buna icazə verməyək.

Peyğəmbərimiz (s.ə.v) vəfat edərkən belə üzü uşaq kimi təzə, gözəl və tərtəmiz idi.

Bir insan, qəlbinin Allahın zikriylə mutmain (rahat) olacağına inanmırsa, nə etsə də sıxıntı onu boğar, tək qurtuluş Allahın zikriylədir.

Biz bu dünyada imtahan olunuruq, insan çətinliklərlə ucalar və keyfiyyətli, dəyərli hala gələr. Allahın təhsil üçün yaratdığı şərtləri bəziləri fəlakət kimi qəbul edir, dəyərini anlamırlar. Əzab və çətinlikləri, yəni cənnətin yolunu açan, insanın yetkin, keyfiyyətli hala gəlməsini təmin edən hər neməti bəziləri dərd kimi görürlər.

Münafiqlər İslam yolunda xidmət etmək əvəzinə gəzib dolanaraq İslamdan və içlərindəki sıxıntıdan uzaqlaşa biləcəklərini zənn edərlər. Halbuki gəzib dolanmaları münafiqlərin ürək ağrısını azaltmaz, tam əksinə dünyada və cəhənnəmdə əzablarının artmasına vəsilə olar.

İnsana sıxıntı verən şeytandır. Bu öz-özündən meydana gəlməz. Şeytan mənfi enerjidən istifadə edərək, yaxud buna bənzər insanların bilmədiyi bir əsatir varlığını, maddəni istifadə edərək bunu əldə edir. Quran buna işarə edir, inşAllah.

Quranın ifadəsi ilə, vücudundakı mənfi enerjidən xilas olmaq istəyirsənsə duş qəbul elə. İlıq su ilə duş qəbul elə ki, bədənində olan o mənfi enerji getsin. Bədənin içindəki mənfi elektrik getsin deyə ilıq su da içə bilərsən. Bununlada mənfi enerjidən xilas olaraq fərahlaşarsan, rahatlayarsan.

Möminlər çətinliklə imtahan verərlər. Bu dünya əyləncə yeri deyil, əlbəttə ki, çətinlik olacaq. Sən də ona səbr etməlisən.

“Mən səbir etdim” deyir, sən səbir etmədin Allah sənə səbir etdirdi. “Mən çox səbirliyəm” deyir. Allah sənə bu səbri verir.

Münafiq, insanların əksəriyyətinə tabe olar. İnsanların əksəriyyətini ilah kimi görər. Dövlət onun üçün bütdür, öz dövləti deyil, ən böyük olan dövlət. Ən güclü olan kimsə, ən böyük büt kimi onu görər və ona bağlanar. Məsələn, hazırda İngiltərə dərin dövləti; ona bağlıdır.