Adnan Oktar A9 TV; 2 dekabr 2014

Düşüncə azadlığı; hər kəsi təhqir etmək, hər kəsi kədərləndirmək, incitmək, onun sevincini, sevgisini boğmağa çalışmaq mənasını verməz. Sevgini əsas götürməlidirlər. Düzdür fikir azadlığı müqəddəsdir, amma sevgi daha da müqəddəsdir. Nəzakət daha müqəddəsdir, hörmət daha müqəddəsdir.

PKK bir tərəfdən qudurur, münafiqlər bir tərəfdən qudurur, kafirlər də başqa bir tərəfdən qudurur. Hər cür alçaqlığı etməyə çalışırlar. Müsəlmanlar çox təmkinli, ağıllı hərəkət etməlidirlər. Hər bir hadisəni Allahın yaratmış olduğunu bilməlidirlər. Hamısında bir xeyir görüb, gözəl bir səbirlə, ağıllı surətdə Qurana görə hərəkət etməklə qarşılıq verməlidirlər.

Dindar bir müsəlman şeytanı tam tanımaq məsələsində çətinlik çəkə bilər, lakin küfr şeytanı çox yaxşı tanıyar. Müsəlman şeytanla əlbir olmur, onunla arasında elə də bir əlaqə olmur. Çünki, hər dəfə qalib gəlir, ona əhəmiyyət vermir. Məsələn, səbir tələb edən mövzularda bilavasitə səbir edir. Eqoistlik edilə biləcək bir şeydə heç vaxt eqoistlik etmir.

Şeytan küfr şəraitində çox tez nəticə əldə edir. Yəni ardıcıl surətdə nəticələr əldə edir, bir-birinin arxasınca. Qəzəbi dərhal ən yüksək səviyyəyə çıxarda bilir. Adamı çəkib vurur. Dərhal zülm etməsini təmin edə bilər. Dərhal vəfasızlıq etməsini təmin edə bilər.

Müsəlmanla mübarizə apararlar. Müsəlman; mübarizə aparılan adam deməkdir. Müsəlman; düşməni çox olan adam deməkdir. Əsl müsəlmandırsa, əsl mübarizə adamıdırsa düşməni çox olar. Bir müsəlmanın ətrafında münafiq yoxdursa, onda o necə müsəlman ola bilər?. Müsəlmanın ətrafında çoxlu kafir və münafiq olar.

Pis adamların üzünün qapqara olması bir möcüzədir. Üzlərində dərhal bir zillət və pislik nümunəsi görünür. Möminlər də bir quzu kimi təmiz olur. Çox təmiz olurlar.

Kafirlər və münafiqlər müsəlmanlarla mübarizə aparacaq. Əziyyət verəcəklər, böhtan atacaqlar, oyun oynayacaqlar, problem çıxaracaqlar, əleyhinə xəbər hazırlayacaqlar. Allah, bu əziyyətlərinə "fikir vermə" deyir. "Fikir vermə" nə deməkdir? Fərz deməkdir. Təsirə məruz qalmamaq fərzdir, əgər fikir versə, onda harama girər. Belə ədəbsizlərin qurduğu oyunlara fikir verməmək, diqqətə almamaq, əhəmiyyət verməmək fərzdir.

Müsəlmanlar qüvvə və ləyaqəti Haqda axtarması lazımdır. Həqiqi möminə şərəf gözüylə baxmaq lazımdır. Hörməti ona göstərmək lazımdır, küfrə deyil.

Bir qisim insanlar müsəlmana qarşı çox pərvazsız və rahat ola bilirlər. Halbuki, əsas möminlərə sevgi və hörmət edilməsi lazımdır. Küfr içində olanlara, qurtarmaq məqsədiylə şəfqət göstərərsən.

İman əhlinə qarşı insanların ürəyində bir nifrət olar. Məsələn, küfr içində olan bir insanla danışarkən hörmətli olarlar, dəyər verərək danışarlar. Amma mömin olduğunda, daxilində qəribə bir şeytani nifrət duyur. Allaha sığınılması lazım olan bir şeytani instinktdir. Bu möminin təbii ki, çox lehinə olan bir şeydir. Möminlərin oturduqları yerdə hər dəqiqə, hər saat savab qazanmalarını təmin edər.

Hər kəs fikirlərini söyləsin, tənqid etsin. Küfr etməyə, təhqirə nə ehtiyac var? Təhqir təhqir edəni də yandırır. Onun da içi yanar. Onun da xoşbəxtliyi itər, sevincini qaçırar. Əlinin, üzünün nuru itər. Ona iztirab verər.

İstəyən dini tənqid edə bilər, Allaha inanmadığını söyləyə bilər, dinə inanmadığını söyləyə bilər, amma söyərək, təhqir edərək deyil. Mən kommunizmi tənqid edirəm, amma kommunizmi söymərəm, təhqir etmərəm.

Qanun, hüququn məqsədi, daim gözəl və faydalı insanlar meydana gətirmək, insanları tərbiyə etməkdir. Hüquq insanların zərərlərini əngəlləyən bir nemətdir. Faydasını da gördük. Artıq Fazıl Say insanlara yaraşmayan sözlər və cümlələr işlətmir. Daha da nəzakətli və yığcam danışır. Deməli, hüququn faydası olub.

Mehdiyyət, müsəlmanlar təhqir olunar, böhtanlar atılar. Mömin bundan təsirlənməməlidir və qorxmamalıdır.

Kimsə özünə təhqir etdirmədiyi kimi biz də, haşa, Allaha qarşı danışmağa qoymarıq.

Baş nazirə təhqir edənlər mühakimə olunmalıdır. Baş naziri xəcalətli etməyə cəhd göstərmək, qürurunu qırmağa çalışmaq çox eyibdir. Buna icazə vermərik.

Tayyib bəy həmişə əziyyət içində yaşamışdır. Tayyib bəyə deyilən təhqirlər onun savabına çevrilər.

Yoldaşlarımız Tayyib bəyə daha şəfqətlə yaxınlaşsınlar. Təkrar-təkrar nifrət ruhuna məruz qalmaq insanın psixologiyasına zərərlidir, onu köhnəldər. Baş nazirə və yaxınlarına edilən ağır təhqirlər günahdır, eyibdir.

Söyməklə, təhqir etməklə olmaz, fəlsəfə ilə fikir arasındakı fərqi adam bilmirsə, qanun, hüquq onu öyrədər.

Elə düşünürlər ki, biz fikrə, düşüncəyə, fəlsəfəyə qarşıyıq. Ədəb-nəzakətinlə istədiyin fikri müdafiə edə bilərsən. Sənə kimsə etiraz edə bilməz. Fikir olaraq istədiyini söylə. Lakin təhqir etməyə hüququn yoxdur. Heç bir Avropa ölkəsində buna icazə verilməz.