Adnan Oktar A9 TV; 5 may 2016

Hər yer möcüzə doludur. Mömin, bu möcüzələri yadda saxlaya bilmək üçün, Allaha dua etməlidir. Möcüzələrdəki mükəmməlliyin həyəcanını və şokunu yaşamaq üçün dua etməlidir. Həmçinin bu məlumatın meydana gətirdiyi təqdir hissini Allaha təqdim edə bilməyi Allahdan istəməlidir.

İnsanlar ülfət dənizinin içində üzür. Bu ülfət dənizindən çıxıb, bəsirətlərini, fərasətlərini açıb bu bəladan xilas olmalıdırlar. Yoxsa insan sırf hüceyrədəki möcüzəni öyrənsə heyrətamiz imana sahib olar. Peyğəmbər imanı kimi olar imanı. Lakin bəsirət bağlanıb.

İman olmazsa nə olar? Heç nəyin dəyəri qalmaz. İman insana heybət və gözəllik verər. Allah sevgini imanla meydana gətirir.

Əsas təqvadır. Möminin gözəl olduğuna dair, imanından qaynaqlanan bir mühakimə meydana gəlir, buna görə onu çox sevirsən. Allah onu sənə bundan ötrü o qədər gözəl göstərir.

İnsan imanla gözəl olar, qadın da, kişi də imanla gözəlləşər. Bir insanı ağlından, imanından, təmizliyindən, dərinliyindən ötrü çox sevərsən.

Gözəl, cazibədar, baxımlı, yaraşıqlı olmağı qadağan etmək iffəti təmin edən şey deyil. Namuslu və iffətli olmaq vicdan və ağıl məsələsidir.

Biliyi olub da, sevgisi yoxdursa, bu insan məhv olar. Sevgi həyatdır.

İnsan bilik sayəsində vəhşi insan ola bilər. Məsələn, kommunist, stalinist, terrorist ola bilir. Lakin sevgiylə belə olmur, sevgiylə insan olur. Allahdan qorxur, Allahı sevir, insanları sevir. Biliklə sevginin birləşdirdiyi vaxt, ortaya möhtəşəm bir şey çıxır.

Şeytan, nəfs, davakar insanlar, qan tökənlər, döyüşçülər, oğrusu, uğursuzu, hamısı imtahanın bir parçasıdır. "Onlar olmasaydı" deyirlər. Onlar hər zaman olacaq. İmtahanın olduğu hər yerdə onlar olar. Sən ağıl və iradə işlədib onlara səbirlə qarşılıq verməli, onları məğlub etməlisən.

Dəccal hüzn, əzab və iztirab gətirər. Cəmiyyətin ümidsizlik, yas içində olmasını, Allaha güvənməməsini, Allahı sevməməsini təlqin edər. "Sizi Allah yaratmadı, təsadüfən yarandınız" deyər. Biz də hər şeyi Allahın yaratdığını, nizam verdiyini, sevginin, gözəlliyin, sevincin əsas olduğunu söyləməklə mükəlləfik və edirik.

Elm inkişaf etdikcə Allahın yaratma sənətinin möcüzələri ortaya çıxdı. Mövcud olan hər şey çox səthi bilinirdi, ancaq kənardan görünən qədəri bilinirdi. İç aləminə daxili olduğun zaman böyük bir dünya ilə qarşılaşdıq. Görülənin bir milyon misli, iki milyon misli möcüzə ilə qarşılaşdıq.

Şeytan insana cürbəcür təsir göstərər. Ən bərbad təsirlərindən biri də durğunluq verməsidir. Mömin bunu iradəsiylə, ağlıyla yox etməlidir.

Mömin ağılla hərəkət edər. Kədərlənməsi gözlənilən bir hadisədə təvəkkül edər, Allaha güvənər, sevinc içində olar. Onsuz da təvəkkül, bu cür hadisələr qarşısında yanlış reaksiya göstərilməməsinə deyilir.

Bir şeyin ziddi olmadıqda doğru olan necə ortaya çıxa bilər? Şeytan olmayacaq, nəfs olmayacaq və biz imtahan olacağıq? Gözəli və doğru olanı görəcəyik? Bu qeyri-mümkündür. Yüksək sevgini əldə etməyimiz qeyri-mümkündür, yüksək ağlı əldə etməyimiz qeyri-mümkündür. Uşaq dövrümüzdəki kimi qalarıq, təkmilləşmərik.

Biz Avropalı, ziyalı, sevgi dolu olsaq, qadınlara dəyər versək, onların azad olduğu açıqca görülsə, incəsənətə, elmə, estetikaya çox əhəmiyyət versək, dünyanın ən keyfiyyətli ölkəsi olarıq. Hər kəs bizə heyran qalar. Bu olmasa qovrulub yox olarıq.

İslam aləmi birləşəcək, lakin bəzilərinin düşündüyü tərzdə; asan-kəsən sevgisiz İslam anlayışı əsla hakim olmayacaq. Bundan sonra incəsənətin, gözəlliyin, elmin, müasirliyin, keyfiyyətin hakim olduğu İslam anlayışı formalaşacaq və güclənəcək. Mövhumatçılıq güclənə bilməz.

Elm, Allahın incəsənətini görmək üçün olduqca əhəmiyyətlidir. İnsan elmlə Allahın sənətinin çox mühüm təfərrüatlarını öyrənir.

Azadlıq olsun, demokratiya olsun. Bunun üçün hər kəs mümkün qədər mübarizə aparsın. Çünki azad mühitdə ağıl, incəsənət və elm inkişaf edər. Dövlət təzyiqi olduqda ağıl kütləşər. İnsanın müəllif gücü olmaz. İncəsənət xadimi çıxmaz, elm adamı çıxmaz. Sənaye də kütləşər, insanlar işləmək şövqlərini itirərlər.

Allah cənnəti tarix bəzəyi ilə bəzəmişdir. Ucu bucağı yoxdur. Neçə milyon illik Dünya tarixini axirətdə istədiyin qədər izləyə bilərsən. Necə ki, bəzi filmləri insanlar təkrar- təkrar izləyir, amma doymur. Eyniylə bəzi filmləri yenidən, təkrar - təkrar seyr edəcəyik, inşAllah.

Əshabi-Kəhf demək, mehdiyyət deməkdir. Bunun örtülü, şifrəli izahıdır. Bütün bu şifrələr mehdiyyəti izah edər. Çox gizli bir şifrə sistemiylə harada nə olacaq, hamısı təfərrüatlı olaraq izah edilmişdir.

İngiltərə dərin dövləti nə edirsə etsin məğlub olacaq. Dəccaliyyət olaraq ortaya çıxdı, məhv etdi insanları. İndi bu PKK-lı pislik, oğru, qəsbkar, alçaq qatillərlə birlikdə olmağa başladılar. Cənub-Şərqi Anadolu bölgəsində PKK-lılardan bir homoseksual qruplaşma yaradıldı. Nə qədər avropalı pozğun varsa, oraya göndərir. Allah başlarına keçirəcək.

Dünya dərin dövləti varsa, bir də Allahın yaratdığı dərin dövlət var. Bunun qətiyyən öhdəsindən gələ bilməzlər. Bunun içində Mehdi (ə.s) var, Xızır (ə.s) var, var da var, yəni mələklər var, cinlər var. Bu, güclərinin heç çatmayacağı metafizik qruplaşmadır.

Allahın möhtəşəm sənətini görə bilməyib təsadüf deyənlər axirətdə hər bir sənətə, hər bir təfərrüata görə açıqlama verəcəklər, hesab verəcəklər. "Bu təsadüfən necə meydana gəldi?" deyiləcək. Təbii ki, açıqlaya bilməyəcək. Heyrətamiz həsrətə qapılacaqlar. Çox peşman olacaqlar.

Peyğəmbərimiz (s.ə.v) Meracda hz. Mehdi (ə.s)-ı görmüşdür. Allahdan; "Ey Rəbbim bu şəxs kimdir?" deyə soruşmuşdur; Allah da; "bu Mehdidir. Mən onu sevirəm, sən də onu sev" deyə buyurmuşdur.

Türkiyədə darvinist təhsil ləğv olunsa, bütün Türk aləmində, İslam aləmində hər kəs darvinist təhsili ləğv edər. İlk cəsarət lazımdır. Hökumət "bismillah" deyib başlasın. Təsadüfə qarşı Yaradılışı müdafiə edəcəklər.