Adnan Oktar A9 TV; 17 mart 2018

Bütün dinlərin əsas xüsusiyyəti himayəçilik sisteminin olmasıdır. Bu namaz, oruc kimi təməl hökmdür amma təəccüb doğuracaq şəkildə insanlara bunu unutdurmuşlar. Din yaşandığında hamı hər kəslə qardaş olur, hamı hər kəsin anası, atası olur. Küçədəki uşağın yeməyi, qalacağı yer, geyəcəyi paltardan bütün ümmət məsul olur.

Türk Silahlı Qüvvətlərimizin Afrin zəfəri mübarək olsun. Allah qəhrəman ordumuzu qiyamətə qədər müzəffər etsin. Şəhidlərimizi rəhmət, sevgi və hörmətlə xatırlayaq.

Münafiqlər ölü, xüsusi olaraq yaradılmış, başı boş varlıqlardır. Tamamilə həyatın həqiqətlərinə kilidlənmiş, guya Quranın hökmlərini dəyişdirərək bütün ömürlərini müsəlmanlarla mübarizəyə həsr edirlər. Belə bir axmaqlıq ola bilməz. Böyük küfr, dəccaliyyət varkən bütün ömrünü bir ovuc müsəlmanla məşğul olmağa həsr etmələri möcüzədir. Münafiqlərin bu mübarizəsinin müsəlmanların hər vəziyyətdə lehinə olması və müsəlmanların çox əylənməsinə səbəb olmaları da ayrı möcüzədir.

Şəhidlərimizə Allah qəni-qəni rəhmət etsin. Şəhidlərin ruhu cənnət əhli olur, nə gözəl, ən gözəl mövqeyə qovuşdular. Şəhidlərimizin heç birinin qanının yerdə qalmayacağını bütün dünyanın görməsi lazımdır.

Allah yalnız sevgiylə həyatı gözəl hala gətirmişdir. Sevgi gedəndə cəhənnəm gəlir. Bir insan sevgiyə yanaşmırsa və sevgini bilmirsə cəhənnəmdə yaşayır.

Kim Allahı çox sevsə, Allah o insanı çox sevər. Allah ən təqva qulunu sevər dediklərində ağıllarına əlində təsbeh olan saqqallı əmi gəlir. Ən təqva olan sevgini ən çox yaşayandır. Allahı ən çox sevəni, Allah da ən çox sevər.

Bir insan bütün həyatını Allaha həsr elədisə, həyatın bütün yönlərindən özünü çəkib yalnız Allah üçün yaşayırsa, bu, o insanın təqvasının dəlilidir. Amma buna baxmayaraq müsəlmanda yenə də həmişə Allah qorxusu və cəhənnəmdən çəkinmək olar.

Bədiüzzaman metafizik şəxsdir. Ağlı, zəkası, yaddaşı fövqəladə maşaAllah. Çox çətin dövrdə xidmət etdi. Allah ondan qəni-qəni razı olsun.

İncəsənət olmayan yerdə həyat olmaz. Əfqanıstan, İraq, Suriya kimi ölkələrin ölümünə səbəb olan incəsənətin olmamasıdır. İncəsənət, Allah sevgisinin ən gözəl təcəllilərindən biridir. İmanın, Allah sevgisinin olduğu yerdə incəsənət həyat tapar. İncəsənəti öldürəndə həyat da ölər.

Din olmadıqda şeytan dövrəyə girər. Şeytanın təsirinə girən insanın ruh halının sağlam olması mümkün olmaz. Bütün hərəkətləri qeyri-sabitdir. Həyat məqsədi olmadıqda insanlarda həyata küsmə, sevdiklərinə küsmə, intihar meyli inkişaf edir. Məqsədsizlik insanın bütün həyat enerjisini əlindən alır. İnsana həyat enerjisi qazandıran Allah sevgisi, Allahın böyüklüyünü anlamaq və imandır.

Allah sevgini sevər. Səmimiyyət sevgi üçündür. Quranın bütün hökmlərini yerinə yetirən insan səmimi, yəni sevgini bilən insandır. Sevgini yaxşı bilən insan təqva sahibidir. Allah Özünün əbədi açılan sevgiylə sevilməsini istəyər. Özü də sonsuza açılan sevgiylə sevər.

Tayyib hocamın Allah yolunu açmış, böyük vizyonla irəliləyir maşaAllah. Allahın izni ilə İttihadı İslamın qurulmasına vəsilə olacaq.

Tənqid olunmaq mömin üçün çox böyük nemətdir. Allah qarşındakı insanın vicdanına sənə doğrunu söyləməyi ilham edir. Nə gözəl. Mömin üçün çox böyük nemətdir, "Allah razı olsun" deyəcəksən, dinləyəcəksən. Tənqidlərin hər saniyəsini, hər anını çox yaxşı qiymətləndirmək lazımdır. Tənqidə incimək olmaz.

Allah Özünün və sevginin hədəf edildiyi hər duanı qəbul edər. Özünün və sevginin hədəf edildiyi hər şeyi verir.

Şəhidlərimizin ailələri də aslan kimi maşaAllah. Nə xoşbəxt belə şanlı övladlar yetişdiriblər. Dünyada da, axirətdə də həm özləri, həm övladları şanlıdır. Allah bizlərə də nəsib etsin. İsrarla bizi çağırmağa davam etsinlər inşaAllah. Allah möminə yataq ölümü verməsin, şəhadət nəsib etsin.

Şəhid olan kənd qoruyucularımızın şəhadətləri mübarək olsun. Allah ailələrinə səbri-cəmil nəsib etsin. Çox gözəl, çox nurlu, çox şərəfli mövqe nəsib etmiş Allah onlara. Nə xoşbəxt şəhid oldular, nə xoşbəxt cənnət əhli oldular.

Səmimiyyətsizlik insanı boğar. İnsan səmimiyyətsiz olanda tarazlığını qoruyamaz, üzərinə çətinlik, kədər gəlir. Səmimi olan insanda fərahlama və açılma olur. Səmimi olmayan insanda çirkinləşmə meydana gəlir.

Ələvilərin əleyhinə danışanlar sevgisiz, ağılsız insanlardır. Belə insanları ciddiyə almamaq lazımdır. Ələvilik sevgi, dostluq, qardaşlıq, aydınlıq, müasirlik, nəzihlik deməkdir. Ələvilər nəcib və vəfalı insanlardır. Ələvilərin varlığı mövhumatçılığa qarşı qaladır. Nə gözəl Hz. Əlini sevirlər, nə gözəl əhli beyti sevirlər. Hz. Əlini və Əhli Beyti sevəni kim sevməz?

Gözəl əxlaqdan güzəştə gedən insan, Allah əsirgəsin, məhv olar. Gözəl əxlaqdan güzəştə getdiyi anda, həmin an insanda çöküntü başlayır. Gözlənilmədən bir anda güzəştə getsə belə dərhal Allaha sığınıb düzəltməsi lazımdır.

Münafiqlərin möminlərə təmin etdikləri ən böyük faydalardan biri də kanalizasiya təmizləyən maşın kimi harada çürümüş, qəribə, murdar məxluq, töküntü, kir, pas varsa yığıb aparmalarıdır. Münafiqlər, müsəlmanların kanalizasiya təmizləyən maşını kimi çalışır, peyin böcəyi kimi pislikləri yığıb yanlarına alırlar. Bu da möminlər üçün böyük fərahlama və gözəllik olur.

Qiymətli dövlət böyüyümüz, hörmətli böyük qardaşım Həsən Cəlal Gözəl bəyə Allahdan qəni-qəni rəhmət diləyirik. Məkanı cənnət olsun, Peyğəmbərimiz (s.ə.v) ilə cənnət süfrələrində əyləşsin. Sevdiklərinin, dostlarının və ailəsinin başı sağ olsun.

Bizim ordumuz dəliqanlıdır. Afrini alan igidlərimizin hamısı qoçudur maşaAllah. Qoçular elə güc nümayiş etdi ki, böyük güclərə şan-şöhrət olmuşdur. Türkiyəni digər ölkələr kimi sandılar. İstədiyimiz kimi qarışdırarıq deyə plan qurdular. Gördülər ki, əsgərimizin də, millətimizin də ürəyi manqal kimidir. Ordumuz çox qabiliyyətlidir maşaAllah. Sanki cərrah dəqiqliyi ilə hərəkət etdilər, vətəndaş itkisi mövzusunda çox həssas davrandılar.

Allaha imanı anlamanın birinci dərəcəsindən etibarən insan ayrı aləmə girər. Allahın qoruması aləminə girən bu insan həmişə tutarlı, məntiqli və təmkinlidir. Allah qorxusunun dərinliyini hiss edən, Qurandakı Allahın böyüklüyünü anlayan insan tutarlı olar. Amma bu dərhal olmur, insanın həqiqətən təhsildən keçməsi lazımdır. Bunu hər insan asanlıqla qazana bilmir. Əslində həqiqətə yaxın olmamaq utanc verici vəziyyətdir. Bir az düşünsə insan, bir ellips ekrana yapışıq yaşadığını düşünsə, həqiqətə yaxın olmaması əsla mümkün olmaz. Allahın böyüklüyünü və ağılını bilərək məntiqli və tutarlı olmamaq mümkün deyil. Allah məntiqli və tutarlı olandır. Biz də Allahın ruhunu daşıyan varlıqlar olaraq məntiqli və tutarlı olmaqla məsuluq.

İnsanların bir qismi təvəkkülü səhv bilir. Arxa fonda qaval səsi olur, yaşlı əmi "övladım təvəkkül etməlisən" deyə izah edir. Çarəsizliyin nəticəsində meydana gələn boyun əymiş ümidsiz gözləyişə təvəkkül deyirlər. Elə deyil. Təvəkkül, an-an sənin və hər şeyin Allahın idarəsində olduğunu bilməkdir. Tale elmi mövzudur. Zaman yoxdur. Zaman beynin qəbul etmə formasıdır. Bu, talenin dəqiq texniki həqiqət olduğunun isbatıdır.

Din o qədər asandır ki, 100 dəfə bu duanı oxuyacaqsan, 1000 dəfə salavat gətirəcəksən, bütün qılmadığın namazlar borcdur, hamısını qılacaqsınız deyirlər. Bu cür edərək insanları dindən uzaqlaşdırırlar.