Adnan Oktar A9 TV; 19 Yanvar 2013

Qurana bağlı olan rahatlıq tapar, dövlət də, insan da rahatlıq tapar. Ayrılanda isə bərəkətsizlik olur.

Avropalılar çox nümunəvi və keyfiyyətli insanlardır, bunu daha da artırmaq istəyirlər. Keyfiyyətsiz bir insan modelini istəmirlər.

İslam Birliyi olsa kürd qardaşımız da, laz da, çərkəz də, zaza da, alban da, serb də, bosniyalı da hər kəs rahat və hüzur içində olar. Əks halda parçalan bölün; ailələrə qədər parçalanar, məhəllələrə qədər parçalanar. Ən sonda insan özünü parçalayar, intihar edər Allah əsirgəsin. Məhv olar cəmiyyət.

Demokratik insan, fikrinə güvənən insan azad bir zəmin istər və hər cür fikirə də açıq olar. Dinləməsini də bilər, danışmasını da bilər.

İslam Birliyi içərisində təbii ki, kürdlər də, lazlar da, çərkəzlər də hər insan qövmü, hər insan birliyi hüzur içində olacaq, amma biz Türkiyənin içərisində əridik. Türkiyənin içərisində qardaş olduq. Adın nədir deyiləndə, "Biz Türkük" deyirik. Bu qədər. Məmnunuq.

Bir insan şübhəlidirsə, insanlara güvənə bilmirsə, qorxu içində yaşayırsa, sevgini bilmirsə, nifrətə açıqsa, rəqabət ruhundadırsa, kindən, küsməkdən, inciməkdən, döyüşdən xoşlanırsa ağrılar bitməz. Dəccal da insanların bu zəifliyini bildiyi üçün buradan yanaşıb insanları məhv edir.

Din çox sadədir. Gözəl əxlaqlı, mehriban, səmimi olacaqsan. Onsuz da halallar bəllidir. Halallar sonsuzdur. Haram olanlar isə çox azdır. Onlar da Quranda ifadə edilmişdir. Onlara diqqət yetirəcəyik, vəssalam. Yaxşı insan olacaq, mehriban, Allaha təslim, Allahı çox sevən olacaqsınız. Başın qarışıq olmayacaq, dürüst olacaqsan.

Peyğəmbərimiz (s.ə.v)-in axır zamanda çıxacağını söylədiyi əlamətlərin hamısı reallaşdı. Bu bir möcüzədir, amma bəzi insanlar peyğəmbərimiz (s.ə.v)-in möcüzələrini gizlədirlər. Halbuki, hər yerdə izah edilməsi lazımdır. Möcüzə nədir? İmanı artıran bir şeydir. Peyğəmbərimiz (s.ə.v)-ə hörməti, sevgini daha da artıracaq. Peyğəmbərimiz (s.ə.v)-in möcüzələrini söyləsən insanlar çox sevər, heyran olarlar, peyğəmbərliyini qəbul edərlər.

Kəpənəklər özləri bəzəklidir, maşaAllah . Məsələn, böcəklər, arılar par-par parıldayırlar. Palçığın içinə də girsə, toz-toprağın içində də olsa yenə də tərtəmiz, parıltılı olarlar. Üstlərində heç toz da olmaz, amma insan elə deyil. Yəni insan çox diqqətli, özünəbaxımlı olmaqla, ağılla gözəl olar.

Təhsillə insan dəccal da, öyrədilərsə övliya da ola bilər. Yəni təhsillə şeytanlaşa da bilər, mələk səviyyəsinə qalxa da bilər. Təhsil çox əhəmiyyətlidir.

Müsəlmanların mütləq lideri olmalıdır. Amma mehriban, şad, səmimi, sadəlövh, məzlum insan, dünya sevgisi olmayan insan olmalıdır, inşaAllah. O da təkcə hz. Mehdi (ə.s)-dır.

İnsan Qurana əməl etməsə ifrata varar. Cənabı Allah bildirir ki, onlara itaət etməyin. Anan, atan, baban da olsa itaət etməyin.

İnsan Allahın təcəllisi olaraq sevilər. Allahı nə qədər çox seviriksə, onunla əlaqədar olaraq da təcəllisini sevərik.

Ət və sümükdən nəsə olmaz. İnsan imanla iffətli, ağılla da gözəl olar. İmanı varsa, onun əzəməti və nuru da vardır. Sevgi imanla, ağılla olar.

Marksistlər, Leninistlər, ateistlər də rəsulullah (s.ə.v)-in ümmətidir, lakin qəbul etmirlər. İzah olunsa, başa salınsa, sevgi ilə şəfqətlə yanaşılsa, onlar da bu gözəlliyi görərlər. Əgər alınmasa, deməli, qədərdə Allah onları elə yaratmışdır. Rəhmimiz gələr, şəfqət duyarıq. Ancaq heç vaxt nifrətlə əzməyə çalışmarıq.

İnsan səmimidirsə, onsuz da Quranı da, Quranın hökmünü də başa düşər, Allahı, Quranı, səhabəni sevər, hər kəsi çox sevər. Təvazökarlığı, əxlaqı hər şeyi mükəmməl olar. Bütün məsələ səmimiyyətdədir. Çünki, Allah ilhamla ona səhv olanları hiss etdirər. Doğrunu da görər.

Sevgini və barışı müdafiə edənlər hər dövrdə qalib gəlmişlər. Allahı sevən insan mütləq üstün gəlir. Şiddəti müdafiə edənlər, dəccallar da hər dövrdə məğlub olmuşlar.

Bütün insanlığı udan əsas qara dəlik darvinizm-materializmdir.

Darvinizm Marksizmin, faşizmin, vəhşi kapitalizmin mənşəyidir və dünyadakı ən təhlükəli, insanlığa ən böyük zərəri vermiş nəzəriyyədir.

İnsan zəkası inkişaf etmiş bir zəka olduğu üçün, əgər Allahdan qorxmursa, Allahı sevmirsə, şeytanın təsirinə girir. Şeytanın təsirinə girəndə isə böyük ehtimalla da qeyri-normal hərəkətlər etməyə başlayır.

Qadın sevgisi Peyğəmbərimiz (s.ə.v)-in üstün xüsusiyyətlərindən biri idi. Peyğəmbərimiz (s.ə.v.) çox yaraşıqlı, qadınların heyran olduğu mübarək insan idi. Allah da ona nemət olaraq dünyanın ən gözəl qadınlarını nəsib etdi. Bunda təəccüblü nəsə yoxdur. Əksinə, təqdir ediləcək, böyük nemət və gözəllikdir.

Müsəlmanın ən böyük arzularından biri şəhid olmaqdır. Allah mənim canımı şəhid olaraq alsın, səhərə qədər bayram etməyənin axirətdə yaxasından yapışaram. Şəhid olan insan kədərlənməz. Biz bu dünyaya sonsuz yaşamaq üçün deyil, imtahan vermək üçün gəldik. Canımızı verən də, alan da Odur.

Həşəratlarda, insan hüceyrəsində, canlılarda, heyvanlarda, bitkilərdə Allahın sənəti var. Əgər sevgini bilmirsənsə, gözəlliyi, estetikanı duymursansa, Allahın sənətini araşdırmağına da gərək yoxdur.

Darvinist, materialist bir insan Allahı inkar edirsə, onsuz da kommunist sayılır. Yəni dialektik fəlsəfəni qəbul edirsə, təbiətin, canlıların, tarixin dialektiliyini qəbul edirsə, onsuz da Marksist, kommunist sayılır.

Genetika elə irəliləyəcək ki, bunu da görəcəksiniz, insanları şəkilləndirəcəklər, insan və heyvan qarışığı heyvana bənzər məxluqlar əldə etməyə çalışacaqlar. Məsələn, heyvan ilə bitkini qarışdırıb qəribə qarışıq əldə etməyə çalışacaqlar.