Adnan Oktar A9 TV; 2 may 2018

Sevgini yaşaya bilmək üçün əvvəlcə dərin ağılla Allaha heyran olmaq, Allaha dərin sevgidən qaynaqlanan dərin ehtiras və dərin Allah qorxusu lazımdır. O zaman insan özünü də sevər, insanları da sevər.

Gün gələcək Uyğur Türkləri də çox rahat, çox azad olacaq. Uyğur Türkləri məzlum, tərtəmiz, öz halında, çox əfəndi xalqdır. Müharibə, anarxiya, xaos istəməzlər. Hər zaman sülhdən yanadırlar. Bu cür təmiz xalqın istədiyi kimi azad yaşayacağı mühit olması lazımdır.

İnsan ruhu süniliyi, səmimiyyətsizliyi dərhal anlayacaq şəkildə yaradılmışdır. Süniliyi gördüyü anda dərhal ondan ruhu sıxılar, o insandan uzaqlaşmaq istəyər.

Münafiqlər özlərinin sahibsiz, Allahdan müstəqil olduqlarını zənn edərlər. Talelərini yaşadıqlarını bilməzlər. Quduz itlərin küçədə savaşdıqları kimi rahatca savaşdıqları, sahibsiz hücum etdiklərini düşünürlər. Halbuki bütün etdikləri Allahın əmri ilə olur. Münafiqlərin bu hücumları möminlərin bərəkətini, gücünü artırmaq üçün Allah tərəfindən xüsusi yaradılmışdır. Hər sözü Allahın nəzarəti altındadır.

Hörümçək toru, Allahın varlığının açıq dəlilidir. Yüz insan bir araya gəlsə o toru hazırlaya bilməz, amma hörümçək doğulduğu andan etibarən mükəmməl mühəndisliklə tor hazırlamağı bilir.

Yaxşılığı və xeyiri təşviq etmək əhəmiyyətlidir. Edilən xeyirli işləri gizlətmək lazımdır deyə düşünmək doğru olmaz. Məscid tikir bunu göstərir, insanlara da nümunə olmasını məqsəd qoyur. Namaz qılır, insanları təşviq etmək üçün bunu paylaşar. Amma kasıb insana kömək edərkən o insanın qürurunu qıracaq heç bir şey edilməz, o gözəllik səssizcə edilər. Maşından yardım atmaq və s. çox ayıb və çirkindir.

Cənnətdə dünyaya dair xoşumuza gəlməyən heç bir şeyi, heç bir anı xatırlamarıq. O hissələrdə atlamalar olar, biz atlamalar olduğunu bilmərik. Axirətdə möminlər üçün yalnız nəşə, sevinc, sevgi, xoşbəxtlik vardır.

Qadınla kişinin bir-birinin imanına, müqəddəs olana, vicdanına güvənməsi lazımdır. Güvən yoxdursa o insanı təqib edərək, nə etdiyini, kimlə danışdığını izləmək olmaz. Güvən olmaması dəhşətli vəziyyətdir. Güvənmədiyin insana sevgi və hörmət hiss etmək mümkün deyil.

Həyatın həqiqətləri, iman zəifliyinə girən insanların içinə düşdüyü aşağı qaranlıq aləmdir. İki aləm vardır. Biri möminlərin yaşadığı üst, təmiz, keyfiyyətli aləm. Bir də, həyatın həqiqətləri məntiqi aləmi. Bu, aşağı aləmdir. Bir insan həyatın həqiqətləri məntiqinə girdiyində üslubu, əli, üzü hər şeyi qaralar. Sürünmələr, davalar, anlaşılmazlıqlar o aləmə girənin ilk qarşılaşacağı hadisələrdir. O qapıdan girən sürünməyə başlayar. Münafiqlərin hamısı o qapıdan içəri girər və o qaranlıq dünyanın içində boğularlar.

Məktəblərin uşaqlar üçün cənnət bağçası kimi olması lazım. Uşaqların məktəbə getdiyi üçün deyil, gedə bilmədiyi üçün ağlayacağı mühit olmalıdır. Çox gözəl və rahat oturacaqlar, ev kimi mühit, mərhəmətli müəllimlər, mərhəmətli təmizlik işçiləri, hər yer çiçək kimi olmalı.

Allaha güvənən, təslim olan insan şirkə girməz. Xəstə insan əgər; "mən indi həkimə gedəcəyəm, mənə dərman verəcək o dərman məni sağaldacaq" desə şirkə girmiş olar. "Həkimə gedəcəyəm, verdiyi dərmanı Allah vəsilə edəcək və Allah istəsə sağalacağam" deməsi lazımdır.

Mövhumatçılığın meydana gətirdiyi təxribatı, gənclərin dindən uzaqlaşmasına səbəb olan anlayışı biz aradan qaldırdıq. İndi gənclər daha rahat hüzur içində dinə yaxınlaşırlar. Suriyanı, İraqı, Əfqanıstanı o qədər rahat əzmələrinin səbəbi, həmin ölkələrdəki keyfiyyətsizlik və mövhumatçılıq hakimiyyəti idi. Eynisini Türkiyədə də etmək istəyirdilər. Allahın izni ilə biz bu fitnəni aradan qaldırdıq.

Qəddarlıqda ruh ölər, insan şiddətli əzab çəkər. İstədiyi qədər zənginlik içində olsa da, o insan həyatının hər anında əzab içindədir. Müvəffəqiyyət, əldə edilən zənginlik deyil. Xoşbəxtlik və sevinc içində yaşamaq müvəffəqiyyətdir. Bu da təkcə imanla olar.

Sevgisizlik çox dəhşətli vəziyyətdir. Dünyada ağlasığmaz dərəcədə sevgisizlik hakimdir. Bu vəziyyəti dəyişdirmək üçün həmişə sevgini gündəmə gətirmək lazımdır. Hökumət üzvləri, nazirlər, jurnalistlər, televiziya işçiləri həmişə sevgidən bəhs etsinlər və sevgini ön plana alsınlar. Həmişə sevgi sözü işlənərsə, insanların qəlbi rahatlayar.

Tayyib hocamın yolu xeyir, üslubu xeyirdir. Qurana uyğun hərəkət edir, belə davam etsin və heç narahat olmasın, çox rahat olsun türk milləti onun arxasındadır.

Öz ruhuna baxmaq imanı gücləndirmək üçün ən təməl mövzudur. Öz daxili quruluşunu görən insan, içindəki "mən"i bilən, duyduğunu hiss edən insan müdhiş genişlənmə yaşayar. O zaman insan sadəcə qolundakı saata baxaraq, tək bir çay qasığına baxaraq ən yüksək nöqtədə iman edər.

Hər şeyin həlli dindir, hər şeyin həlli İslamdır. Quran əxlaqını bilsələr insanlar çox rahat yaşayarlar. Dindən uzaqlaşdıqca bədbəxt olurlar. Qurana uyğun gələn insan çox stabil olar.

Bütün Quranda heyranlıq yaradan riyazi uyğunluq var. İnsanların çoxu bu məsələni elə də bilmir, bilsələr də çox üzərində düşünmürlər. Məsələn, gün sözü 365 dəfə keçir, ay sözü 12 dəfə keçir, günlər sözü 30 dəfə keçir. Bunun kimi çoxlu sayda riyazi uyğunluq var.

İnsan daş üstündə yaşasa belə baxışı, sözü, davranışları ilə keyfiyyətini göstərər. Pul keyfiyyətin əsas şərti deyil.

Tayyib hocamın Azərbaycandakı çıxışında; "xarici ölkədə deyil, evimizdəyik sözü" çox doğrudur. Kompliment olaraq deyilmiş söz deyil, həqiqətən elədir. Azərbaycan və Türkiyə bir-birindən ayrılmayan iki gözəl qardaşdır.

Münafiq din düşmənidir. Dinə qarşı çox kinlidir. Şeytani və incə siyasətlə müsəlman kimi görünərək, müsəlmanları müsəlmanlıqdan çıxarmağa çalışar. Birbaşa İslamı hədəf alsa təsir edə bilməyəcəyini bildiyi üçün, "mən də müsəlmanam" deyə, ortaya çıxar və ağlı zəif olanları mənəvi olaraq boğar.

Allah mənə güvənin deyir, insanlar güvənmir. Sonra niyə həyatım iztirab içində keçir deyə düşünürlər. İnsanların çoxu Allahın ağlına etibar etməməyin acısı içində yaşayırlar.

İnsanlar ümumiyyətlə Allahın gücünü unutduqları üçün dərhal sarsılırlar. Allahın gücünü tam qavrasalar dünyagörüşləri tamamilə oturar.

Vicdanın bağlanması əslində metafizik vəziyyətdir. İslam aləminin əsas mərkəzi bilinən İraq, Suriya, Misir hal-hazırda məhv olmuş vəziyyətdə amma müsəlmanların bir qismində bəsirət bağlı olduğu üçün bunu heç əhəmiyyətli görmürlər. "Nə düşünürsən?" deyə soruşanda, "tez məktəbi bitirib evlənim" deyir. Müsəlmanların şəhid olması, uşaqların dənizlərdə boğulması onu heç vaxt maraqlandırmır.

Allah bir insanı dəstəkləyəndə onu heç kim məğlub edə bilməz. Rəsulullah zireh geymədən minlərlə insanın arasına girib döyüşürdü, heç kim onu məğlub edə bilmədi. Mehdini də məğlub edə bilməzlər. Mehdiyyət qarşısıalınmazdır.