Adnan Oktar A9 TV; 19 may 2018

Darvinizm Allahın açıq şəkildə inkarıdır. Mən və dostlarımdan başqa bu mövzunun üzərində dayanan demək olar heç kim yoxdur. Allahın açıq şəkildə inkar edilməsindən bir çox müsəlmanın heç bir narahatlıq hiss etməməsi çox ibrət vericidir.

Şəhidimiz Möhsün Yazıcıoğlu İngiltərəyə getdi gəldi şəhid etdilər. Tayyib hocam dönən kimi sui-qəsd sözləri ortalıqda dolanmaya başladı. Dəfələrlə demişəm, bir daha deyirəm: “Tayyib hocamın saçının telinə toxunanın canına toxunarıq, qanunla hüquqla, elmlə ” Belə bir şeyi ağıllarından belə keçirməsinlər, millətimizdən çox çətin hüquqi qarşılıq alarlar.

Dünyada, bir Allahın ruhunu daşıyan möminlər, bir də möminlərin imtahanı üçün yaradılmış ruhu olmayan xüsusi varlıqlar vardır. Allah bu ruhu olmayan insanları istifadə edərək möminləri öyrədər. Allah möminlərin sonsuza qədər rahat və hüzur içində yaşamasını istəyir amma Allah Özünə güvənilməsinə çox əhəmiyyət verir. İnsanlar da öz bədənlərini qiymətli gördükləri üçün balaca hər şeydə təlaşa qapılırlar. Bədənlərinə zərər gəlməsi qorxusu insanların çoxunun Allaha yaxınlaşmasına mane olur. Buna görə çətinliklər və acılarda çox böyük sirr vardır. Allah bu acılar və çətinliklər içindən Özünə yaxınlaşılmasına, Özünə güvənilməsinə çox əhəmiyyət verir.

Zalımlıq edən hər kim olarsa Allah hidayət versin, hidayət vermirsə həlak etsin. Demək olar hər yerdə ağla gələn tək çözüm qınama, müharibə və qarşıdurma olur. Zalımlar cəzalandırılsın, ədalət yerini tapsın. İsrailin də zalımları, varsa Fələstinin də zalımları haqq etdikləri hüquqi qarşılığı alsın. Amma hədəf həmişə sülh, hüzur, qardaşlıq və dostluq olsun. Əvvəlcə dostluq, qardaşlıq istəyək. O gözəl torpaqlar musəvilərin, xristianların, müsəlmanların birlikdə, dostca yaşadığı yerlər olsun. Aralarda tikanlı tellər, nəhəng divarlar olmasın. Sevinc içində halaylar çəkilsin, zeytun ağacları əkək, hər yeri bağ-bağça edək, gənclər xoşbəxt olsun. Hədəfimiz həmişə gözəllik, yaxşılıq, sülh və dostluq olsun.

Allah Fələstində şəhid olan qardaşlarımıza rəhmət etsin, qazilərə tezliklə şəfa nəsib etsin. Yaxın Şərqdə böyük hadisələr artaraq davam edəcək. Hədislərin işarələrindən də bunu görürük. Bizim istəyimiz Fələstin və İsrailin, Peyğəmbər soyu olan iki qardaş xalqın tezliklə barışması, bölgəyə hüzur və təhlükəsizliyin gəlməsidir. Allah tez bir zamanda sülhü hakim qılsın, müsəlmanların, xristianların, musəvilərin qardaşca birlikdə yaşayacağı mühit meydana gətirsin.

Məscidləri dolduracaq şüurlu insan yetişdirmək əhəmiyyətlidir. Gecə gündüz darvinist təhsillə məktəblərdə, haşa, "Allah yoxdur" deyə gənclərə təhsil verdikdən sonra, o insanların məscidə gəlib namaz qılması mümkün olmaz. Əlbəttə məscid tikmək lazımdır və məscidlər gözəllikdir. Amma əsl gözəl olan o məscidləri dolduracaq insanları yetişdirməkdir.

İncəsənət və azadlıq həyatın iki işığıdır. Sənətkarları dəstəkləmək bir növ ibadətdir. Azad olmalarının üzərində dayanmaq bütün qara buludları dağıdar. Xüsusilə qadınlara və gənclərə azadlıq vacibdir. Təzyiqlə əlaqəli heç bir anlayışı qəbul etməmək lazımdır.

Ölümü düşünmək insanın daha stabil, daha tutarlı olmasını təmin edər. Dünya ehtirası ilə cinnət halı yaşayan, vəhşi rəqabət ehtirası ilə özünü həlak edən insanlar üçün ölümü düşünmək şəfadır. Ölümü düşünərək insan eqoizmdən uzaqlaşıb, daha stabil, mərhəmətli, məqbul hala gəlir.

İnsanların çoxunun ülvi məqsədi yoxdur. Niyə yaşadıqlarını bilmirlər. Din deyə təqdim edilən sistem insanlara dəhşət yaşadan və dinlə əslində heç bir əlaqəsi olmayan sistemdir. Dinsizlik də dəhşət vericidir. Gənclər iki dəhşətin arasında qaldılar. Biz var gücümüzlə elmlə, irfanla bu dəhşəti aradan qaldırmağa cəhd edirik.

Allah, münafiqlərin 70 dəfə bağışlanma diləsələr də bağışlamayacağını bildirmişdir. Çünki münafiq Allaha xain, Peyğəmbərə xain, möminlərə xain, davasına xain bir alçaqdır. Qurana görə münafiqin bağışlanılması mümkün deyil. Ən şiddətli əzabla, cəhənnəmin ən dərinində əzab görəcəkdir.

Allah gözəl insanları, cənnətin necə gözəl olduğunu düşünməmiz və anlamamız üçün bir növ nümunə olaraq yaradır. Cənnətdə hər insan qəlib kimi gözəldir, heç bir qüsur, nöqsan yoxdur.

Münafiqin müsəlmanlara saysız faydası vardır. Münafiqlə elmi mübarizə, müsəlmanın ağlının daha kəskinləşməsinə, daha güclənməsinə səbəb olur. Münafiqdə şeytani müqavimət vardır, bu müqavimət müsəlmanlar üçün yaxşı fürsət olar. Müsəlmanların daha coşğulu, daha dinamik, daha bir-birinə bağlı, daha canlı olmalarını təmin edər.

Allahı sevmək dünyadakı ən əhəmiyyətli mövzudur. Allahı, haşa, bir kənarda buraxmış kimi öz halına dalmaq insanların ən böyük səhvi və əxlaqsızlığıdır. Allah çox mərhəmətli və şəfqətlidir, insanların bu qədər anormallığına baxmayaraq bütün insanlara rəhmət edir. İnsanlar özlərinə belə vəfasızlıq, nankorluq edilsə yeri yerindən oynadarlar. Allah isə çox mərhəmətlidir.

Münafiqdə şeytani zəka vardır. Bu zəkanı yalnız fəsad çıxarmaq, pislik etmək və bəla üçün istifadə edər. Allah münafiqin bəsirətini tamamilə bağlamışdır. Münafiqin imani heç bir qabiliyyəti yoxdur. Münafiq yalnız küfrə qabiliyyətlidir. İmani heç bir iş edə bilməz. Allah sevgisini izah edə bilməz. Peyğəmbər sevgisini izah edə bilməz. İslamı izah edən, doğru yola vəsilə olan, imani tək bir cümlə belə qura bilməz. Münafiq kanalıyla bir insan heç bir şəkildə hidayət tapa bilməz. Müsəlmanları aldatmaq üçün belə olsa münafiq imana vəsilə olan fəaliyyət edə bilməz.

Heç bir nəticə alınmayacaq üsullarla vaxt itirmək yerinə qəti çözüm olan İslam Birliyini yaratmaq lazımdır. Müsəlman ölkələrin liderləri bir araya gəlsinlər. “İslam Birliyini istəyirik və bunun üçün səy göstərəcəyimizə söz veririk” deyə and içsinlər. Hörmətli Putin də qatılsın bu yığıncağa. İsrail, Yunanıstan da bu birliyin içində yer alsın. Sevgini, dostluğu, qardaşlığı, sülhü istəyən İslam Birliyindən başqa dünya üçün çözüm yoxdur.

Allah ülfəti sakit qalmağımız üçün xüsusi yaradır. Ülfətin iki faydası vardır. Həm ülfəti qaldırma səyi ibadətdir, həm də ülfətin olması insan üçün rahatlıqdır. İnsan beynin içində gözsüz görən, qulaqsız duyan, dilsiz olduğu halda qəhvənin dadını alan, musiqidən zövq alanın kim olduğunu düşünsə Allahın varlığını çox açıq görər.

Şirk ağlın bağlanmasına səbəb olar. Mühakimə, düzgün qərar vermə pozular və insan qeyri-sabit olar. Ümumi şüursuzluq halı meydana gələr.

Dini ağla, məntiqə uyğun olaraq izah edən və gənclərə təbliğ edən demək olar tək bizik. Bizim izahlarımızla, Quran müsəlmanlığını bütün gənclər sevərək və istəyərək qəbul edir.

MHP mədəni milliyyətçidir. İrq milliyyətçisi deyil. Kürd canlarımıza hörmət və sevgi duyar. Bunun əksini iddia edənlər səmimi davranmırlar. Amma bu mövzunu təbliğat vəsaiti olaraq istifadə edənlər varsa, MHP bu mövzuda daha güclü antitəbliğat edə bilər.

Passiv çözümlər yerinə həqiqi çözümlər ortaya qoymaq əhəmiyyətlidir. Qınamalar, boykotlar və başqaları passiv çözümlərdir. Həmişə qınamaq yerinə, "müsəlmanlar birlik olaq, bütün müsəlmanları qurtaraq" demək lazımdır.

İslam aləminin birləşib sevgini, qardaşlığı, sülhü dünyaya hakim etməsi çox asandır. Müsəlman liderlər bir araya gələcəklər, sarılıb qardaş olaq deyəcəklər. İsrail, Rusiya, Yunanıstan bütün bölgə ölkələrini də bu Birliyin içinə alacaqlar. O zaman Yaxın Şərq tam fərqli, çox gözəl, çox keyfiyyətli bölgə olar.

Müsəlmanların birlik olması, İslam Birliyinin qurulması qardaşlıq bağının və sevginin meydana gəlməsidir. “Birlik olaq intiqam alaq” məntiqi ilə İslam Birliyi olmaz. Birlik olaq, musəvilərlə, xristianlarla dost olaq, qardaş olaq, birlikdə sevgi içində yaşayaq istəyirik. Qurana uyğun olan budur. Allahın istədiyi budur.

Müsəlman ölkələrin liderləri toplanacaq yalnız bir cümlə söyləyəcək: “İslam Birliyini istəyirik”. İslam Birliyini istəyirəm demək belə çətin gəlir bəzilərinə. İslam Birliyi çətin deyil, imkansız deyil. Sadəcə istəmək lazımdır. Müsəlmanlar bu istəklərini ifadə etsələr, dua hökmündə olar və reallaşar Allahın izni ilə.

Dini, həyatın bütün gözəlliklərini əllərindən alan sistem olaraq gördükləri üçün dini yaşamağı qocalıq dövrünə buraxırlar. Dini yaşasa sürünəcəyinə inanır. Halbuki din həyatın ən zövqlü, ən sevincli, ən həyat dolu sistemidir.

Fələstində olan həmişə fağır, məzlum xalqa olar. Qarşıdurma körükləndikcə xalqın yerindən yurdundan edilməsindən, qadınların, uşaqların evsiz-eşiksiz qalmasından başqa nəticə əldə edilmir. Bu qarşıdurma üslubunu tamamilə buraxıb, iki xalqı barışdırsaq, o müqəddəs torpaqları abadlaşdırsaq, bir arada təhlükəsizlik içində, sevinc içində yaşasalar, hər yeri bağ-bağça etsək, məktəblər inşa etsək, oyun bağçaları qursaq, bütün həyatı dəyişdirsək daha gözəl olmazmı? Dəccaliyyət həmişə müharibə istəyir, qan tökmək istəyir. Müsəlman olaraq biz israrla sülh istəyəcəyik, dostluq istəyəcəyik, sevgi istəyəcəyik.