Adnan Oktar A9 TV; 18 may 2018

Müsəlmanların birlik olması, İslam Birliyinin qurulması qardaşlıq bağının və sevginin meydana gəlməsidir. “Birlik olaq intiqam alaq” məntiqi ilə İslam Birliyi olmaz. Birlik olaq, musəvilərlə, xristianlarla dost olaq, qardaş olaq, birlikdə sevgi içində yaşayaq istəyirik. Qurana uyğun olan budur. Allahın istədiyi budur.

Dini ağla, məntiqə uyğun olaraq izah edən və gənclərə təbliğ edən demək olar tək bizik. Bizim izahlarımızla, Quran müsəlmanlığını bütün gənclər sevərək və istəyərək qəbul edir.

Şirk ağlın bağlanmasına səbəb olar. Mühakimə, düzgün qərar vermə pozular və insan qeyri-sabit olar. Ümumi şüursuzluq halı meydana gələr.

Müsəlman ölkələrin liderləri toplanacaq yalnız bir cümlə söyləyəcək: “İslam Birliyini istəyirik”. İslam Birliyini istəyirəm demək belə çətin gəlir bəzilərinə. İslam Birliyi çətin deyil, imkansız deyil. Sadəcə istəmək lazımdır. Müsəlmanlar bu istəklərini ifadə etsələr, dua hökmündə olar və reallaşar Allahın izni ilə.

Heç bir nəticə alınmayacaq üsullarla vaxt itirmək yerinə qəti çözüm olan İslam Birliyini yaratmaq lazımdır. Müsəlman ölkələrin liderləri bir araya gəlsinlər. “İslam Birliyini istəyirik və bunun üçün səy göstərəcəyimizə söz veririk” deyə and içsinlər. Hörmətli Putin də qatılsın bu yığıncağa. İsrail, Yunanıstan da bu birliyin içində yer alsın. Sevgini, dostluğu, qardaşlığı, sülhü istəyən İslam Birliyindən başqa dünya üçün çözüm yoxdur.

Passiv çözümlər yerinə həqiqi çözümlər ortaya qoymaq əhəmiyyətlidir. Qınamalar, boykotlar və başqaları passiv çözümlərdir. Həmişə qınamaq yerinə, "müsəlmanlar birlik olaq, bütün müsəlmanları qurtaraq" demək lazımdır.

İslam ölkələrinin dostluq, qardaşlıq, sülh üçün bir araya gəlməsi vacibdir. İslam ölkələrinin liderləri bir araya gəldiklərində, “biz bütün insanlar üçün, hər dindən insan üçün azadlıq, hüzur və təhlükəsizlik istəyirik. Müsəlmanların birlik olmasını istəyirik” desələr bu gözəl dua olar.

Zalımlıq edən hər kim olarsa Allah hidayət versin, hidayət vermirsə həlak etsin. Demək olar hər yerdə ağla gələn tək çözüm qınama, müharibə və qarşıdurma olur. Zalımlar cəzalandırılsın, ədalət yerini tapsın. İsrailin də zalımları, varsa Fələstinin də zalımları haqq etdikləri hüquqi qarşılığı alsın. Amma hədəf həmişə sülh, hüzur, qardaşlıq və dostluq olsun. Əvvəlcə dostluq, qardaşlıq istəyək. O gözəl torpaqlar musəvilərin, xristianların, müsəlmanların birlikdə, dostca yaşadığı yerlər olsun. Aralarda tikanlı tellər, nəhəng divarlar olmasın. Sevinc içində halaylar çəkilsin, zeytun ağacları əkək, hər yeri bağ-bağça edək, gənclər xoşbəxt olsun. Hədəfimiz həmişə gözəllik, yaxşılıq, sülh və dostluq olsun.

İman həqiqətləri, Allahın böyüklüyünü anlamaq üçün oxuyanda o insanın mənliyinin dəyişməsinə səbəb olar. O insan çox güclü, yenilməz varlığa çevrilər.

Kürdlər mərd olar, fədakardırlar. Eqoist olmazlar. Vicdanlı, mərhəmətli və dindar olar kürdlər. Kürdlərə düşmənlik bəsləyən normal insan deyil. Belə tiplər hər kəsə düşmən olarlar, onları ciddiyə almamaq lazımdır.

Qüdsdəki məsələnin həlli İslam Birliyi ilə mümkündür. Müsəlmanların birlik olması fərzdir. Bir-birlərinə vəlayət bağıyla bağlanmaları, qardaş olmaları fərzdir. Ayrı olmaları isə haramdır. İttihadı İslam olduğunda bütün məsələlər təməldən həll edilər. İttihadı İslam musəvilər və xristianlar üçün də, dinsizlər ateistlər üçün də güvəncədir.

Tayyib hocamdan və hökumətimizdən xahiş edirik dollarla kirayə dərhal qanunla ləğv edilsin. Dollarla ticarət ləğv edilsin. Türkiyədə bütün əməliyyatlar Türk pulu ilə edilsin. Türkiyəyə iqtisadi tələ quranlara ən yaxşı cavab bu olar. Tayyib hocamdan başqa xahişimiz də, azadlıq və müasirlik ola bildiyi qədər təşviq edilsin. Gənclərin, qadınların azad, istədikləri kimi yaşaya biləcəkləri çox yaxşı vurğulansın. Türkiyənin daha da modernləşməsi və azad olması, qurulan bütün tələləri tərsinə çevirər.

Müsəlmanların birləşməsinin tək çözüm olduğunu müsəlmanlar həmişə gündəmdə saxlamalıdır. Tək cümlə İslam aləminin hər yerində gündəmə gətirilsə böyük təsiri olar. Misirdən bir jurnalistə, Tunisdə bir market sahibinə, Fələstində bir şagirdə hər kəs "müsəlmanların birləşməsi tək çözümdür" deyə yazsa, dalğa-dalğa yayılar.

Şən, xoş söhbət, azadlığı ön plana salan üslub hər zaman tələb olunar. "Azadlığı ola bildiyi qədər təşviq edirəm, azadlıq İslamın ruhunda vardır. İstər dekolte olsun, istər hicablı olsun hamısı başımızın tacıdır. Kimsə kimsəyə paltarına görə qarışa bilməz" açıqlamaları güvən verici olaraq çox əhəmiyyətlidir. Qatı, sevgisiz, təzyiq göstərən bir ovuc insanın səsinin çox çıxmasına görə xalqın bəzi kütləsində narahatlıq olur. Bu narahatlığı aradan qaldırmaq üçün güvən verən açıqlamalar və fəaliyyətlər etmək çox əhəmiyyətlidir.

Bütün həyatımıza hakim tək güc Allahdır. İnsanların böyük hissəsinin iman etməməsi möminlərin təhsili üçün xüsusi yaradılmış vəziyyətdir.

Mömin, heç vaxt başqasının səhvini gördü deyə müsəlmanları buraxıb getməz. Səhv görürsə söyləyər, düzəltməyə çalışar. Səhvi olan bacı-qardaşını də heç bir zaman buraxmaz. Mömin bacı-qardaşının yaxşı olması üçün hər gün səbirlə səy göstərər. Amma münafiq belə deyil. Öz şirk dininə, azğın ağlına görə bir din yaradar və möminlərin bu azğın dinə görə, bu müşrik qanunlarına görə yaşamasını istəyər. Rədd olub gedər sonra da müsəlmanları dağıtmaq üçün məşğul olar.

Münafiq küfrü azadlıq kimi görərkən, Peyğəmbərin gətirdiklərini, haşa, yük kimi görür. Müsəlmanları azad edəcəklərini iddia edərlər. Azadlıq dedikləri isə qotur itin kürəyindəki bit kimi oradan buraya məqsədsiz olaraq dolaşmaqdır. Halbuki münafiq heç bir zaman azad deyil. Allahın onları yaratdığı boyunduruq içində hərəkət edər.

Müsəlmanlar bu cür qan ağlayarkən İslam əxlaqının dünyaya hakim olmasını istəməmək, İslam Birliyini istəməmək çox böyük alçaqlıqdır.

Quranda müdhiş azadlıq vardır. Quranda bildirilən haramlar çox azdır. Quran əxlaqı dünyaya hakim olduğunda insanlar çox azad və gözəl yaşayar.

Önümüzdəki günlərdə dünya miqyasında çox böyük hadisələrlə qarşılaşa bilərik. Narahat olmaq müsəlmanlara yaraşmaz. Sonunda İslam Günəşi mütləq doğulacaq, İslam əxlaqı dünyaya hakim olacaq.

Nur surəsinin 55-ci ayəsi İslam əxlaqının hakimiyyətini və Mehdiyyəti birbaşa izah edən ayədir. Allah ayədə, daha əvvəl Hz. Süleymana, Zülqərneynə necə dünya hakimiyyəti verdisə, bənzər şəkildə İslam əxlaqını da dünyaya hakim edəcəyini bildirmişdir. İslam bütün dünyaya hakim olduğunda müsəlmanların mənəvi lideri olan adam da Mehdidir. Bu səbəbdən Nur surəsi 55-ci ayəsi Mehdiyyəti izah edən ayədir.

Dini, həyatın bütün gözəlliklərini əllərindən alan sistem olaraq gördükləri üçün dini yaşamağı qocalıq dövrünə buraxırlar. Dini yaşasa sürünəcəyinə inanır. Halbuki din həyatın ən zövqlü, ən sevincli, ən həyat dolu sistemidir.

Bir insan sevdiyi üçün əziyyətə sinə gəlirsə, səbir göstərirsə həqiqətən sevir deməkdir. Allah çətinliklər, acılar, əziyyətlər içində sevgimizi görmək istəyir. İmtahanın bütün sirri buradadır. İnsanların bir qismi bu sirri heç cür başa düşmürlər.

Fələstində olan həmişə fağır, məzlum xalqa olar. Qarşıdurma körükləndikcə xalqın yerindən yurdundan edilməsindən, qadınların, uşaqların evsiz-eşiksiz qalmasından başqa nəticə əldə edilmir. Bu qarşıdurma üslubunu tamamilə buraxıb, iki xalqı barışdırsaq, o müqəddəs torpaqları abadlaşdırsaq, bir arada təhlükəsizlik içində, sevinc içində yaşasalar, hər yeri bağ-bağça etsək, məktəblər inşa etsək, oyun bağçaları qursaq, bütün həyatı dəyişdirsək daha gözəl olmazmı? Dəccaliyyət həmişə müharibə istəyir, qan tökmək istəyir. Müsəlman olaraq biz israrla sülh istəyəcəyik, dostluq istəyəcəyik, sevgi istəyəcəyik.

Allah ülfəti sakit qalmağımız üçün xüsusi yaradır. Ülfətin iki faydası vardır. Həm ülfəti qaldırma səyi ibadətdir, həm də ülfətin olması insan üçün rahatlıqdır. İnsan beynin içində gözsüz görən, qulaqsız duyan, dilsiz olduğu halda qəhvənin dadını alan, musiqidən zövq alanın kim olduğunu düşünsə Allahın varlığını çox açıq görər.