Adnan Oktar A9 TV; 24 mart 2018

Allahın böyüklüyünü anlayan və səmimi olan insan metafizik varlığa çevrilər. Bütün dünya onun xidmətində olar. İstədiyi hər şeyi Allah üçün istəyənə Allah hər şeyi açar. Mömin özü üçün bir şey istəməz, bu möminin əsla içinə düşmək istəməyəcəyi fəlakətdir.

Eqoist olmayan insan mələk kimi olar. Eqoistlik insanları məhv edir. O bəlanın içindən çıxsalar çox gözəl yaşayarlar. Eqoist olsan da bir qab yemək yeyirsən, olmasan da, eqoist olsan da bir yataqda yatırsan, olmasan da. Nə gərək var özünə bu qədər əziyyət etməyə. Burax özünü, Allah üçün yaşa. Allah üçün yaşayan həm özü, həm də həyatı çox gözəl olar.

Allah möminlərə hər zaman hüzur, təhlükəsizlik, sağlamlıq, sevinc və güc versin. Allah vətənimizə, millətimizə, dövlətimizə sülh, gözəllik, xeyir və zənginlik nəsib etsin. Heç bir ölkənin Türkiyəyə müdaxiləsinə icazə verməsin. Türkiyəyə, terrora qarşı da zəfər nəsib etsin.

Bir insan bütün həyatını Allaha həsr elədisə, həyatın bütün yönlərindən özünü çəkib yalnız Allah üçün yaşayırsa, bu, o insanın təqvasının dəlilidir. Amma buna baxmayaraq müsəlmanda yenə də həmişə Allah qorxusu və cəhənnəmdən çəkinmək olar.

Allah yalnız sevgiylə həyatı gözəl hala gətirmişdir. Sevgi gedəndə cəhənnəm gəlir. Bir insan sevgiyə yanaşmırsa və sevgini bilmirsə cəhənnəmdə yaşayır.

Münafiqlər ölü, xüsusi olaraq yaradılmış, başı boş varlıqlardır. Tamamilə həyatın həqiqətlərinə kilidlənmiş, guya Quranın hökmlərini dəyişdirərək bütün ömürlərini müsəlmanlarla mübarizəyə həsr edirlər. Belə bir axmaqlıq ola bilməz. Böyük küfr, dəccaliyyət varkən bütün ömrünü bir ovuc müsəlmanla məşğul olmağa həsr etmələri möcüzədir. Münafiqlərin bu mübarizəsinin müsəlmanların hər vəziyyətdə lehinə olması və müsəlmanların çox əylənməsinə səbəb olmaları da ayrı möcüzədir.

İslamla əlaqəli həddindən artıq anti-təbliğat edildiyi üçün, din anladılanda bir çox insan özünü fəlakətə dəvət edildiyini zənn edir. Gülməyəcək, musiqi dinləməyəcək, heç bir yerə baxmayacaq, qadınları yarım insan biləcək, incəsənətlə maraqlanmayacaq, uzun illər qılmadığı namazları qılacaq, tutmadığı orucları tutacaq, baxımlı ola bilməyəcək, müasir geyinə bilməyəcək, təmiz ola bilməyəcək, oxumayacaq, düşünməyəcək sanır. İslamı izah edə bilmək üçün əvvəl bütün bu ön mühakiməni ortadan qaldırıb, mehribanlıqla insanlara yaxınlaşıb gözəl sözlə izah etmək lazımdır.

Qadınla kişinin bir-birinin imanına, müqəddəs olana, vicdanına güvənməsi lazımdır. Güvən yoxdursa o insanı təqib edərək, nə etdiyini, kimlə danışdığını izləmək olmaz. Güvən olmaması dəhşətli vəziyyətdir. Güvənmədiyin insana sevgi və hörmət hiss etmək mümkün deyil.

Həyatın həqiqətləri, iman zəifliyinə girən insanların içinə düşdüyü aşağı qaranlıq aləmdir. İki aləm vardır. Biri möminlərin yaşadığı üst, təmiz, keyfiyyətli aləm. Bir də, həyatın həqiqətləri məntiqi aləmi. Bu, aşağı aləmdir. Bir insan həyatın həqiqətləri məntiqinə girdiyində üslubu, əli, üzü hər şeyi qaralar. Sürünmələr, davalar, anlaşılmazlıqlar o aləmə girənin ilk qarşılaşacağı hadisələrdir. O qapıdan girən sürünməyə başlayar. Münafiqlərin hamısı o qapıdan içəri girər və o qaranlıq dünyanın içində boğularlar.

Tayyib hocam ilk turda Allahın izni ilə yenə ölkənin başı olacaq. Millət istiqrarı sevər. Qarışıq işlərdən xoşlanmaz. Millətimiz Tayyib hocamın özündən bir insan olduğunu bilir və onun səmimiyyətini sevir.

İnsanların bir hissəsində Allah qorxusu zəif olur. Allaha qarşı utanma qorxusunun çox şiddətli olması lazımdır. İmanlı insanın Allaha qarşı utanmasından qorxmamağı mövzusu ola bilməz.

Sənətkara dəyər verməmək o insanın ədəbsizliyini, sevgisizliyini və zalımlığını göstərir. İncəsənət müqəddəsdir. Kiminsə sənətkar insana hörməti yoxdursa, o adam insani xüsusiyyətlərini itirmişdir.

İnsan həssas varlıqdır. Sevgiyə görə yaradılmışdır. Evində, ailəsində, küçədə, məktəbdə, əyləncədə sevgini tapa bilmədikdə, insanlar böyük stressə düşür. 3-5 il sonra, əsrlərdir insanlardan getmiş olan sevgi geri qayıdacaq. Bunu hamımız birlikdə görəcəyik inşaAllah.

Allah 300 münafiqi Peyğəmbərimiz (s.ə.v)-in əmrinə vermişdi. Gecə-gündüz növbə tutdular, bir boşqab xörəklə qapıda xidmət etdilər, döyüşlərdə iştirak etdilər. Rəsulullah (s.ə.v) və müsəlmanların heyrətamiz zəngin olmasına səbəb oldular. Peyğəmbərimiz (s.ə.v)-in şöhrətini hər yerə yaydılar. 20 il ərzində hz. Süleymanın şeytanları kimi Peyğəmbərimiz (s.ə.v)-ə xidmət etdilər. 20 il sonra mənfəətləri kəsiləndə, bir anda; "bağışlayın, səhv etmişik" dedilər. 20 il ərzində səhv etdiyini anlamayan çox axmaqdırlar. Peyğəmbərimiz (s.ə.v) dövründəki münafiqlər də, Axırzaman münafiqləri də axmaqlıqlarına doymasınlar.

Hər atom ağıllıdır. Hər atom Allahın quludur. Atomların bir-birinə dəymədən 15 milyard il o dövrü təkrarlaması, üstəlik heyrətamiz sürətlə bunu etmələri böyük ağıldır. Atomun ağlı insan ağlından daha yüksək ağıldır və hamısı Allahı zikr edərlər.

Kobud davranan insanlara qarşı ağıllı olmaq lazımdır. Dərhal ani reaksiya göstərməmək, anlayışlı olmaq, şəfqətli davranmaq ilk tədbir olaraq yaxşıdır. İkinci mərhələdə kobudluğu davam edirsə, yenə də gözəl cavab vermək ağıllı olar. Beləliklə sonra daha geniş düşünmə və danışma imkanı yaranar. O insan verdiyin şəfqətli cavabı ömür boyu unutmaz. Lakin insan şeytanidirsə o zaman da yenə ağıllı davranan müsəlman qazanmış olar, səbir müsəlmanı gücləndirər.

Münafiq mənfəət əldə edə bilməyəcəyinə tam qənaət gətirdikdə müsəlmanların yanından ayrılar. 15 il müsəlmanların baxdığı, yedirdiyi, içirtdiyi, xəstə olanda xəstəxanaya apardığı insan, 15 il ona əvəzsiz yaxşılıq edənlərin əleyhinə gizlin-gizlin fəaliyyətlər göstərir və tələ qurursa, bunun necə alçaqlıq olduğunu hər kəs bilər.

Münafiqlər Peyğəmbər (s.ə.v)-in doğru yolda olduğunu çox yaxşı bilirlər. Bunu bildikləri üçün illərlə Peyğəmbər (s.ə.v)-in yanında olurlar, var gücləri ilə Peyğəmbər (s.ə.v)-i müdafiə edirlər. 10-20 il küfr əhlinin, dəccaliyyətin Peyğəmbərimiz (s.ə.v) əleyhinə yönəlmiş bütün iddialarına tək-tək cavab verirlər, bütün imkanları ilə Ona dəstək olurlar. Sonra maddi mənfəət əldə edə bilmədikdə bir anda minlərlə böhtanla Peyğəmbərimiz (s.ə.v)-ə müxalif vəziyyətə gəlirlər. Peyğəmbər (s.ə.v)-i 15-20 il dəstəkləyib 21-ci il minlərlə əks iddia ilə Peyğəmbərimiz (s.ə.v)-in qarşısına çıxmaları, münafiqlərin necə iblisanə ruhda olmalarının sübutudur. Şeytanın sözü ilə Dəccalın əmrinə tabe olduqlarının açıq göstəricisidir. Münafiq olduqlarının Allah tərəfindən onlara sübutudur.

Allah sevgini sevər. Səmimiyyət sevgi üçündür. Quranın bütün hökmlərini yerinə yetirən insan səmimi, yəni sevgini bilən insandır. Sevgini yaxşı bilən insan təqva sahibidir. Allah Özünün əbədi açılan sevgiylə sevilməsini istəyər. Özü də sonsuza açılan sevgiylə sevər.

Din olmadıqda şeytan dövrəyə girər. Şeytanın təsirinə girən insanın ruh halının sağlam olması mümkün olmaz. Bütün hərəkətləri qeyri-sabitdir. Həyat məqsədi olmadıqda insanlarda həyata küsmə, sevdiklərinə küsmə, intihar meyli inkişaf edir. Məqsədsizlik insanın bütün həyat enerjisini əlindən alır. İnsana həyat enerjisi qazandıran Allah sevgisi, Allahın böyüklüyünü anlamaq və imandır.

Tayyib hocamın Quranın yetərliliyi mövzusunda etdiyi şərhə bütün qadınların sahib çıxması vacibdir. Qadınlar əleyhindəki xurafatları tamamilə ortadan qaldıran rəftar göstərdi Tayyib hocam. Bütün qadın sənətçilərin, siyasətçilərin, alimlərin, yazıçıların və digərlərinin Tayyib hocama dəstək vermələri çox gözəl olar.

PKK kürd canlarımıza çox böyük zülm etdi. Aydındır ki, dindar insanlar kürdlərdir. Belə dindar insanları zorla kommunist, dinsiz etməyə çalışmaq çox böyük zülmdür. Kürd canlarımızı PKK-nın zülmünə əsla tərk etməyəcəyik.

Ağılın, Allaha bağlanmanın, cənnətin hər şeyi, açarı səmimiyyətdir. Allah yalnız səmimi olanların xilas olacağını bildirmişdir. Səmimiyyətin özünə xas xüsusi ləzzəti vardır. Səmimiyyətdə vücud çox böyük fərahlıq duyar, danışa bilmirsə danışacaq hala gələr, gözəl cümlələr quracaq hala gələr. Hər hansı sıxılma varsa tamamilə ortadan qalxar.

Bir gənc qızın qarşısındakını sevə bilməsi üçün o insanın Allaha imanını, eqoist olmadığını, alicənab olduğunu görməsi lazımdır. Qarşısındakının gözəl əxlaqını görən gənc qız o insanı təbii olaraq candan sevər.

Şəhidimiz Muhsin Yazıcıoğlunun rəhmətlə və sevgiylə xatırlayırıq. Tam vəli əxlaqlı insan idi. Həmişə sevgini, dostluğu, qardaşlığı ön plana alardı. Sui-qəsdinin mütləq aydınladılmasını gözləyirik.