Adnan Oktar A9 TV; 10 iyun 2013

Gənclər istəklərini səmimi olaraq ifadə etsinlər, millətimiz, hökumətimiz uyğun olanı qəbul edər. Məsələn, azad olmadığınızı düşündüyünüz cəhətlər hansılardır? Hansı məsələlərə qarışılmasını istəmirsiniz? AKM-in yerinə yeni və müasir AKM niyə istəmirsiniz? Hamısını dəqiq açıqlayın.

Gənclərin nə istədiklərini çox açıq və dəqiq bildirmələri lazımdır. Qışqırıb çığırmaqla bir nəticə əldə edə bilməzlər.

Gənclərimizdə dindarlığa ciddi meyl var, bu çox gözəldir. Müasirlik mərhələlidir. Aşağı müasirlik, orta müasirlik vardır. Bizim istədiyimiz isə ultra müasir və dindar modeldir.

Biz canlı bir Türkiyə istəyərik. Ən böyük həsrətimiz gənclərin çox azad, şən və baxımlı olmalarıdır.

Tayyib bəy gəncləri çox sevər, amma qardaşlarımız da Tayyib bəyin çox ağır təzyiq altında olduğunu unutmamalıdırlar.

Mən gəncləri başımın tacı edirəm, onlar mənim canımdır. Gənclərimiz Türkiyənin bəzəyidir. Zarafatcıllıqları da çox şirindir.

Tayyib bəyin zarafatcıl və şən olması çox yaxşı olardı. Nümayişçi gənclərin xoş niyyətli, günahsız olanları çox sevimlidir. Onların sevinclərinə qoşulmaqda fayda var. Gənclər qürurlu olar, onların qürurlarına hörmət etmək, onlarla mehriban və ağıllı dillə danışmaq çox gözəl olar.

Allahı sevən Hz. Mehdi (ə.s) tərəfdarı olacaq. Bu birlik Mehdiyyətin bərəkəti ilə olur. Hz. Mehdi (ə.s) olmadan Türk İslam aləminin birliyi mümkün deyil.

Türkiyə çox əhəmiyyətli bir dönüş mərhələsindədir, buna görə də, vətənpərvər gənclərin dəstəklənməsi, qorunub himayə edilməsi çox əhəmiyyətlidir. Onların şövqlərinin artırılması, onların gümrah saxlanılması çox əhəmiyyətlidir.

Türk millətini, türk gəncliyini siyasi şüurla yetişdirmək lazımdır. Onlar darvinizmə, materializmə qarşı yetişdirilməlidir. İşğalçı kommunist rejimə qarşı nələr ediləcəyi izah edilməlidir. Gənclərə Allah, Kitab, din, iman, vətən, millət, bayraq sevgisi öyrədilməli və bunlar qəlblərinə nəqş edilməlidir.

Türkiyədəki gənclər siyasi cəhətdən yetişdirilmir. Bir çoxu (xalq deyiminə görə) varlansın, əylənsin, evlənsin, varlı bir qız tapsın, qız da varlı bir oğlan tapsın, onun üstünə çöksün, bütün ailə üzvlərinə ona baxdırsın, yaxşı yemək yesin, yaxşı bir iş yeri olsun. Amma PKK-nın məqsədi bu deyil.

Millətçi gəncliyin yaxşı xüsusiyyəti, çox dəliqanlı, cəsur olmasıdır. Əslində bütün türk gəncliyinin bu mənada dəliqanlı olması lazımdır. Qorxaq bir gənc ola bilməz. Vətəndən söhbət getdikdə qız da, oğlan da dəliqanlı olmalıdır.

Böyük Türkiyə üçün təcili surətdə mənəvi dəyərlərə əhəmiyyət verən bir gənclik yetişdirilməlidir.

PKK yetişdirdiyi bütün gəncləri bilavasitə məqsədyönlü olaraq öyrədir. Tamamilə həyatın sosial tərəflərindən uzaqlaşmışlar. Yalnız hədəfə bağlanmışdırlar. Türk gəncliyi də belə olmalıdır. Milli-mənəvi hədəflərə bağlanmalıdırlar. Allah qorusun, belə olmasa fəlakət gələr.

Yeni yetişən gənclər arasında eqoist, darvinist, materialist quruluşlar meydana gəldi. Türkiyənin bölünməsi bunları maraqlandırmır. Buna qarşı tədbir alınmalıdır. Məktəblərdə; "Milli dəyərlər dərsi" keçirilməlidir. Bu dərsdə türk millətinin birliyi, bütövlüyü, PKK təhlükəsi, orduya sevgi, darvinizm-materializmin etibarsızlığı, bütün bunlar izah edilə bilər.

PKK gəncləri, misli görünməmiş siyasi təhsil və misli görünməmiş hərbi təhsil alırlar. Amma bizim gənclərimiz belə bir təhsil almır. Bizim gənclərimizə siyasi şüur verilmir. Bu baxımdan hərbi təhsil də alınmır. Bundan ötrü də, onlar bir dəstə itlə, böyük Türkiyə dövlətinə müqavimət göstərə biləcək hala gəlirlər. ABŞ da onları əl altından dəstəkləyir.

"Onsuz da əlimizdə bu cür hazır kütlə var, onların səslərindən rahat-rahat istifadə edək. Belə etməyimiz bizə bir müddət də kifayət edər" demək olmaz. Sürətlə yeni nəsil gəlir, kifayət qədər məlumat sahibi olurlar, məlumatlanırlar. Sən gəncləri ideoloji cəhətdən yetişdirmədikdə onlar da marksistlərin, leninistlərin, stalinistlərin əlinə keçir. Bu dəfə öhdəsindən gələ bilməzsən, çətin vəziyyətdə qalarsan.

Gənclər televiziya kanallarındakı boş proqramlarla vaxt keçirir. Bu, zehinləri boşaldan təhlükəli mədəniyyətdir. Milli şüura sahib nəsil yetişməlidir.

Bəzi gənclər arasında istehsaldan, texnologiyadan, elmdən tamamilə uzaq, yaradıcı olmaqdan, incəsənətdən, estetikadan tamamilə uzaq, hazır olanı yeyən, hazır olanla bəslənən və müftəxor olan ruh sistemi çox sürətlə yayılır. Məktəblərin tədris proqramına milli şüur dərsi əlavə edilərək buna qarşı tədbir alınmalıdır.

İndi görüləcək iş gəncləri maarifləndirmək, milli şüur dərsi keçməkdir. PKK mütəmadi təhsil verir. Kommunist terroristlər təhsil ilə bu hala gəlirlər. Biz də gənclərə həftədə üç saat milli şüur dərsi keçsək, olduqca faydalı olar.

Gənclərə milli şüur dərsi verilərək, onlara, kommunizm, darvinizm və faşizm təhlükəsinin nə olduğu, terrorun ideologiyasının nə olduğu, zorakılığın, sevginin və mərhəmətin nə olduğu öyrədilməlidir. Milli hədəflərimizdən, məsələn, Türk-İslam Birliyindən bəhs edilməlidir.

Gənclər üfüqlərini genişləndirsin. Daha geniş və ağıllı düşünsünlər. İlk öncə qəlbləri sevgiyə açıq olmalıdır. Bu narahatlıq verər. Bunu görüb kəskin şəkildə buna qarşı tədbir almalıdırlar. "Mən niyə qəzəblənməyə bu qədər meyilliyəm, sevgisizliyə bu qədər meyilliyəm? Sevgiyə niyə bu qədər qapalıyam?" deməlidir.

PKK öz tərəfdarlarını siyasiləşdirir və şüurla yetişdirir, bunun müqabilində ideologiyası, inancı və əzmi olmayan nəsil yetişsə fəlakət olar.

Türkiyədə gənclərin bir hissəsini nifrətə meyilli, kinli, nəzakətsiz, sevgiyə qapalı, ruhu və bədəni çirkli insanlar halına gətirdilər. Bəzi gəncləri belə sevgisiz və xəstə ruhlu yetişdirmələrinin səbəbi bu insanlardan hər cür alçaq və Türkiyə əleyhinə olan işlərdə istifadə etməkdir. Zarafatları keyfiyyətsiz, ruh və fiziki cəhətdən inkişaf etməmiş cansıxıcı gənclərin yetişməsi İngiltərə dərin dövlətinin xüsusi təşkil etdiyi vəziyyətdir. Vücudu və ruhu özünə küsmüş, dünyadan zövq ala bilməyən, qəmgin tiplər xüsusi olaraq yetişdirilir, bu insanları israrla sevgiyə dəvət etmək lazımdır.

Üfüqləri dar, sevgisiz, hər şeyə qəzəblənən gənc kütlə var. Bunlara qarşı səbirlə, israrla, sevgiylə doğrunu izah etmək lazımdır.