Adnan Oktar A9 TV; 6 iyun 2017

Türkiyə İslam aləmində təkcə bir təbəqəyə tərəf olmaz, müsəlmanları ayırd etmədən dəstəkləyər və qardaşlıq üçün çalışar. Türkiyə-Qətər qardaşdır, lakin Səudiyyə Ərəbistanı da, Bəhreyn də, Birləşmiş Ərəb Əmirlikləri də, İran da Türkiyənin qardaşıdır.

Mütləq bəhanə tapıb İslam ölkələrini tək-tək əzərək irəliləyirlər. Əfqanistan, İraq, Liviyanı darmadağın etdilər. Qətərdən sonra hədəf böyük ehtimal Səudiyyə Ərəbistanı olacaq. Ondan sonra da Türkiyəni parçalamağı planlaşdırırlar. Buna qarşı İslam aləmi birlik olmaq məcburiyyətindədir.

Hər vilayətdə, hər mahalda çoxlu kitabxana olması lazımdır. Gənclərin kitabxana istəməsi çox gözəl və haqlı tələbdir. Bu tələblərinin tezliklə ödənilməsi lazımdır.

Bu millət imanlı millətdir, istər İngiltərə dərin dövləti, istərsə də başqası gəlsin, bu milləti məğlub edə bilməz. Millətimizin taleyində qalibiyyət var.

Allahın sənətini lazımınca təqdir etməmək, Allahın yaratdığı bu qədər təfərrüatı görməzlikdən gəlmək çox böyük vicdani günahdır.

İnsanların bu qədər acizlik və çatışmazlıq içində olarkən lovğalıq hissinə qapılması möcüzədir, bu da imtahanın bir hissəsidir.

Uşaqları şövqlə, sevinclə praktik məlumatla öyrətmək mümkün olduğu halda, onlara darıxdırıcı, nəzəri, əzbərə əsaslanan təhsil verilir. Bu məntiqin tamamilə dəyişməsi vacibdir.

İran da, Türkiyə də həm NATO-da olsun, həm də Şanqay (ŞƏT) olsun, əsas olaraq İslam aləminin birləşməsi lazımdır.

Türkiyənin tənha qoyulmasının qarşısını almaq üçün ən gözəl həll yolu, mövhumatçı zehniyyətin yaratdığı təxribatın aradan qaldırılması və müasir İslam anlayışının dünyaya göstərilməsidir. Bu zaman Qərbdəki Türkiyə əleyhinə olan vəziyyət sürətlə bitər.

Ənənəçi ortodoks İslam anlayışının olduğu yerdə qadına hörmət göstərilməz. Çünki qadın döyülməsi lazım olan potensial cinayət ünsürü kimi görülür. Ənənəçi ortodoks İslam anlayışında qadın, insanın başını bəlaya salan çox təhlükəli varlıq kimi görülür. Bu zaman qadına hörmət göstərilmir.

İslam Birliyinin, mehdiyyətin, Quran müsəlmanlığının yolunu açan Atatürkdür. Atatürkə dil uzadan insan bu çirkin rəftarının altında qalar.

İslam Birliyi hər an qapıdadır. İslam Birliyi olduğu zaman qadınlar azad olacaq, bütün inanclara hörmət görəcək, bütün ictimai təzyiqlər aradan qalxacaq, ictimai ədalət tam hakim olacaq, hər yer bağ-bağçalıq olacaq, terror və anarxiya bitəcək. Bu mövzuda, bu gözəlliyi tələb edən hər düşüncəyə, inanca sahib insanla həmfikirik.

Böyük İslam alimlərinin hamısı hz. Mehdinin bu illərdə vəzifə başında olacağını və İstanbuldan çıxacağını söyləmişdir.

İslam aləmini məhv edən münafiqlər və müşriklərdir. Bunları da İngiltərə dərin dövləti yönləndirir. Münafiqlərin və müşriklərin hücumları müsəlmanların güclənməsinə, fərasətinə, şövqünə vəsilə olar.

Ənənəçi ortodoks İslam anlayışı müsəlmanları keyləşdirir. Müsəlmanları incəsənətdən, elmdən, gözəllikdən uzaqlaşdırıb sonra da əzmək istəyirlər. Suriyanı, İraqı belə əzdilər. Türkiyə üçün də planları eyni idi. Quran müsəlmanlığını izah edərək bu planı pozduq, Allahın icazəsi ilə.

Mehdiyyəti görməzlikdən gəlib öz aləmində müsəlmanların başını qatmağa çalışanlar, İslam aləminin yaşadığı əzabların günahını da üzərinə götürürlər.

Türkiyədə xalq ziyalı dindardır. Qadına hörmət, oruc tutana da, tutmayana da hörmət vacibdir.

Ənənəçi ortodoks müsəlmanların çoxu öz qapalı aləmlərində keyfiyyətdən uzaq yaşayırlar, xalqın bu modeli sevmədiyini də başa düşə bilmirlər.

Xristianların, musəvilərin qorunması Allahın əmridir. Ateistlərin və dinsizlərin də fikirlərinə hörmət göstərmək İslamın tələbidir.

Terror, zorakılıq və bütün əzablar inşaAllah hz. Mehdi və İsa Məsihin açıq zühuru ilə aradan qalxacaq.

Mülki vətəndaşlara yönəlmiş hər hücum vəhşilikdir. Günahsız insanları öldürmək, Qurana görə zülmdür, cinayətdir, cihad deyil.

Allahın mövcudluğunu inkar edən, kainatın təsadüflərin əsəri olduğunu söyləyən bir fəlsəfə ilə gəncləri öyrətmək uğursuzluq, fəlakət gətirər.

Türkiyənin ən mühüm gücünün kənd təsərrüfatı və heyvandarlıq olması lazımdır. Kənd təsərrüfatı və heyvandarlığı mütləq gücləndirək.

İngiltərə dərin dövlətinin ümumi müsəlmanlara hücumu var. Zəif lider olsa Türkiyəni də əzərdilər. Buna görə də, Tayyib hocama yaxşı sahib çıxaq. Tayyib hocam dəliqanlı, cəsur və əzmkardır. Vətən, millət mənfəəti üçün şəxsinə millət olaraq sahib çıxaq, heç kim mövzuya partiya məsələsi deyə baxmasın.

Qətəri havadan, qurudan, dənizdən mühasirəyə almaq, mülki vətəndaşlara çox zərər verəcək yanlış tətbiqdir. Tezliklə uzlaşma təmin edilməlidir. Bütün müsəlmanlar qardaşdır. Müsəlmanların barışdırmaq Qurana uyğun əxlaqdır.