Adnan Oktar A9 TV; 27 may 2017

Bir cəmiyyətdəki keyfiyyət qadının azadlığı ilə meydana gələr. Qadının cinayət maşını kimi görüldüyü, baxımlı olmasının qadağan edildiyi cəmiyyət mədəni deyil.

Bir insana etibar edə bilməyimiz üçün ağıllı qiymətləndirmə aparmaq lazımdır. Quranın meyarı insanları diaqnoz etməkdə ən mükəmməl meyardır. Quranın meyarı ilə həm özümüzü, həm də insanları yaxşı tanıyarıq. Özümüz özümüzə necə zərər vermərik, insanları necə tanıyarıq, bunu öyrənərik.

Mənim dostlarımın nurları bir-birinə bənzəyər. Möminlər bir ümmətdir, bir-birlərinə bənzəyərlər.

Allah ayədə "insan zalım və cahildir" deyə bildirir. İnsanların böyük əksəriyyəti, nankordur. Allahın böyük ağılı və himayəsi var, lakin şükür etmirlər.

İnsanların bir-birinə etibar etməməyi və sevgi bəsləməməyi normal bir şey deyil, bu xüsusi sistemlə formalaşdırılmış mənəvi bəladır.

Sevgini yaşamayan insanlarda ətrafı qoruma duyğusu da olmur. Gözəllikdən, sevgidən anlayan insan bu gözəlliyi pozmağa qıya bilməz. Sevgisizlik insanları gözəl olan hər şeyi məhv etməyə yönləndirər.

Arda Turan tərbiyəli, nur kimi müsəlmandır. Sevgisiz insanların zəhərli dilləri ilə özünü narahat etməyə çalışmalarına heç etibar etməsin.

Musiqi halal, rəqs halal, rəsm, heykəl halaldır. Boşuna insanların üzərində təzyiq yaradırlar. İnsanların sevinc içində çox rahat yaşaması lazımdır. Öz qoyduqları lazımsız qaydalarla həyatı cəhənnəmə döndərirlər. Sevgi, gözəllik, incəsənət, musiqi, sevinc yoxdursa, həyat cəhənnəm olar.

“Bir tikə, bir hırka” deyə bir anlayış Quranda yoxdur. Mömin rahat, gözəl, sadə yaşayar. Ehtiyac içindəkiləri də qoruyar.

Darvinist, materialist təhsil, insanları həyatlarının məqsədsiz olduğuna inandırır. Bu zaman təkcə sağ qalmaq üçün yaşayırlar, incəsənət, sevgi, gözəllik, qardaşlıq həsrəti içində olmurlar. Darvinist təhsil insanların həyat sevinclərini və şövqlərini əllərindən alır.

İnsanların bir qismi mənfəətlərinə zidd düşdükdə çirkinləşər, yalan söyləyər, oyun oynayarlar. Bu çirkin əxlaqa sahib olanların mənfi enerjisi var.

Bəziləri çox lovğa, özü sanki cənnət əhliymiş də insanları xilas edirmiş kimi bir üslub işlədir. Dini səmimi izah etmirlər. İnsanların iman həqiqətlərinə, Quran möcüzələrinə ehtiyacları var, bunları izah etmirlər, hər gün su kimi müsəlman qanı axır, heç üzərində dayanmırlar. Darvinizm insanları dinsizliyə sürükləyir, tək kəlimə cavab vermirlər.

Ən böyük israf silahlanma ilə edilir. Silahlanmaya ayrılan pulun onda biri belə kasıblar üçün ayrılsa, dünyada yoxsulluq və aclıq qalmaz.

Gənclərin arasında eyhamlı sözlərlə bir-birini alçaltmağa çalışmaq geniş yayılıb. Lağlağılığı zəka nümayişi zənn edirlər. Əsil lağlağılıq alçaldıcıdır. Həqiqi ağıl və zəka insanların bir-birinə hörmət göstərməsi, birinin digərini ucaltmasıdır.

İzahatlarında tək bir dəfə sevgidən bəhs etməyən, Allahın sənətini coşğu ilə izah edə bilməyənlərin səmimiyyətsizliyi diqqət çəkir. Bir çox din xadimi bir dəfə belə; "Allahı çox sevirəm" deyə bilmir. Açıqca coşğu ilə Allahı sevdiklərini söyləmək sanki onlara ağır gəlir. Dini izah edənlərin Allahı sevdiklərini eşidək, bir iman həqiqətindən bəhs etsinlər, Allahın sənətini necə təqdir etdiklərini görək.

Cüzi iradə vardır deyənlər; "Allahın nəzarət etmədiyi bir sahə olduğunu" iddia edirlər. Cüzi iradə deyə bir şey yoxdur, hər şeyi edən Allahdır.

Şəhidlərin ən xoşuna gələn şeylərdən biri səhidlikdən sonra möminlərin onları tərifləməsidir. Onlar bizim canımızdır, hər biri ilə fəxr edirik.

Allah qorusun Səudiyyə Ərəbistanı Qətərə hücum etsə, İran da fəaliyyətə keçər və çoxlu müsəlman qanı axar. Etidal və sükunət çox mühümdür. Şiələr, sünnilər, vəhhabilər, xalis tərtəmiz müsəlmandırlar. Dəccalın qan tökmə oyununa heç biri düşməsin.

Cəmiyyətin bəzi qanunları insanları mərhəmətsizcə əzir. Quranın gözəlliyi ilə yaşamır, şirk sisteminin bir-biri ilə ziddiyyət təşkil edən fəlsəfəsi ilə boğuşurlar.

Müsəlmanlar bir-birlərini əzərək bir şey əldə edə bilməz. Səudiyyə Ərəbistanı da, Qətər də müsəlmandır. Həll yolları təkcə bir olmaqdır. Müsəlmanların bir-biri ilə vuruşması Allah qorusun hamısının əzilməsinə səbəb olar. Vuruşmadan qaçıb Quranda birlik olmaları lazımdır.

İslam aləmi tək bir beyin ətrafında toplandığı zaman xilas olar. Çoxlu beyin olduqda hamısı bir-biri ilə ziddiyyət təşkil edir, parçalanma olur.

Ənənəçi ortodoks İslam anlayışının ən böyük təxribatlarından biri insanları dindən uzaqlaşdırmaq olur.

Hər şeyin Allaha məxsus olduğunu bilən və hər şeyi Allahın yaratdığına iman edən biri qısqanclıq duyğusu yaşamaz.

Təhsil müəssisələrində bütün dinlər və çox sayda dil öyrədilməlidir. Bir insan içində yaşadığı cəmiyyətin dinini bilmirsə o insan üçün böyük çatışmazlıqdır.

İnsan səbir, vəfa, sevgi, dərinlik, ağıl, keyfiyyətlə gözəl olar. Vəfasız, nəzakətsiz, incə düşünə bilməyən, dərinlik nədir bilməyən bir qadın, çox gözəl olsa da bəyənilməz. Allah bəyənilməyi ruhun ehtişamından asılı etmişdir.