Adnan Oktar A9 TV; 19 dekabr 2012

Ən gözəl nemət dərin imandır. Allaha şəksiz-şübhəsiz iman etməkdir. Diqqətin Allahın üzərində olması lazımdır. Bütün diqqət Allaha yönəlməlidir. Bütün sevgi Allahadır, insanları sevərkən Onun təcəllisi olaraq sevərsən.

Biz Rəbbimizə qovuşmağı bayram qəbul edərik. Eşqimiz bizim Allahımızdır, əlhəmdülillah.

21 dekabrdan sonra insanların ürəklərinə daha bir Allaha yaxınlıq, daha çox rahatlıq, daha dərin düşünmə gücü gələcəkdir. Özləri görməyə başlayacaqlar. Bu getdikcə artacaq, dünyada insanlar Allahdan başqa bir şey danışa bilməyəcək vəziyyətə gələnə qədər davam edəcək.

İnsan zəif varlıqdır, yazıqdır insan. Ona hüzur, gözəllik təqdim edəcəksən, şəfqət təqdim edəcəksən. Sakitlik, həlim mühit, insanlar beləcə rahatlayar. İnsan uşaq kimidir, çox diqqət tələb edir.

İnsanlar çətinliyə dözə bilmir. 60-70 % insanlar antidepressiyadan istifadə edirlər. Qeyri-adi bir qorxu dünyanı bürüyüb. Dost olaq, qardaş olaq, hər dinə, hər inanca mənsub insanla sevgi ilə, dostluq içində yaşayaq.

Allah Osmanlını niyə yıxdı? Xalqın çox bir hissəsi sənətə, estetikaya və elmə qarşı olduğu üçün yıxdı. Dövlət qarşı deyildi, amma xalqın çoxu qarşı idi. Dövlət saraylar tikdirirdi, bulaqlar bəzəməyə çalışırdı, amma xalqın böyük hissəsi elmə və sənətə qarşı idi. Fanatizm geniş olaraq ətrafı əhatə etmişdi. Buna görə Allah Osmanlını yıxdı.

Qiyamət sabah belə qopsa biz İslama xidmət etməkdə məsuliyyət daşıyırıq.

Dövlətin insanları qoruyub mühafizə etməsi, onlara malı bərabər paylaması, sərvəti bərabər paylaması Mehdiyyət ruhudur.

Biz sosializmin yəni kommunizmin Allahsız, Kitabsız, dinsiz, imansız istiqamətini tənqid edirik. İctimai ədalət istiqamətini tənqid etmirik. Çünki Mehdiyyətin də edəcəyi ictimai ədalətdir onsuz da.

Qiyamət qopacaqdı, qiyaməti qoparacaq olan mələk geri döndü. Çünki Mehdi (ə.s), Mehdiyyət gündəmdə idi. Nə deyir peyğəmbərimiz (s.ə.v)? "Qiyamətin qopmasına bir gün qalsa, bir an qalsa, bir saat qalsa, bir dəqiqə qalsa övladlarımdan Məhəmməd Mehdi (ə.s) gələcək" deyir və "Allah o günü uzadacaq. Qiyaməti təxirə salacaq" deyir.

İsa Məsih (ə.s), Məhəmməd ümmətinə məxsus bir adam olaraq gələcəkdir. Kitab gətirməyəcək, Qurana uyğun gələcək, amma peyğəmbərliyi vardır.

İslam Birliyini yaradan adama biz "Mehdi" deyirik.

Heç bir möcüzə ağılın ixtiyarını qaldırmaz. İmtahan dünyasındayıq. İnsanlar zənn edir ki, məsələn, İsa (ə.s) əli ilə bir işarə edir, dərhal süfrənin üstündə bir anda yeməklər yaranır. Olarmı? O zaman o biri ümmətlərə haqsızlıq olar. Cənab Allah elə bir şey etməz. Ağılın ixtiyarını qaldıracaq heç bir şey olmaz. İsa Məsih dua edəndə içəridəki otaqlardan birinə getdiklərində bir süfrənin hazır olduğunu görürlər.

Millət olaraq biz Öcalanın da, PKK-nın da nə olduğunu bilirik. İmanla, Quranla aldığımız torpaqları üç-beş soyğunçuya vermərik.

Mehdi (ə.s)-ın anasının kədərlənəcəyi hadisələr olacaq, amma o, Allahın xüsusi bir ilhamla ürəyinə rahatlıq verməsi ilə kədərlənməyəcək.

Massonların ən böyük idealı bütün dünyanın qardaş olmasıdır. Bunu ən yaxşı təmin edən nədir? İslamdır. Ona görə İslam Birliyini istəyirlər, amma xurafatı istəmirlər.

Allaha səmimi iman edən bir mömin cəhənnəmə getməz. Cəhənnəmi seyr edər, görər, hiss edər, xəbərlərini alar, amma cəhənnəmə getməz. Ərazisinə gedər, görər amma acı çəkməz.

Namazı 5 vaxtda qılın. Qıla bilmirsinizsə 4, qıla bilmirsinizsə 3, qıla bilmirsənsə 2 (bir səhər bir axşam), qıla bilmirsənsə 1 (sadəcə səhərlər və yaxud axşam), o da olmursa cümə namazlarını, o da yoxsa bayram namazını qılın. Namazsız qardaşımız qalmasın, mütləq qılın, inşaAllah.

Qiyamət çox sürətli inkişaf edən bir vəziyyətdir. Çünki dünya ilə bir toqquşma olacaq. Çox böyük bir meteorit dünyanı deşib keçəcək. Ayədə deyir: "İlk toqquşmanı ikinci toqquşma izləyər". Aydın olur ki, o toqquşan obyekt dünyanı deşib keçəcək, fırlanacaq, bir daha vuracaq. Bunun nəticəsində Dünya əks istiqamətdə dəyişəcək. Tərsinə fırlanmağa başlayacaq. Amma bu saatlar içərisində bitəcək bir hadisə. Ən çox saat davam edər. Çox sürətli qiyamət qopacaq.

İrandakı kürd qardaşlarımızı da, İraqdakıları da, Suriyadakıları da, Türkiyədəkiləri də İslam Birliyinin isti bağrında ən xoşbəxt şəkildə yaşadacağıq inşaAllah.

Küfr elə azad deyildir. Münafiq azad deyil. Adam zənn edir ki, azaddır. Azad deyil. Münafiq ucsuz-bucaqsız azad olduğunu zənn edir. Halbuki, ən kiçik incəliyinə qədər onun nə edəcəyi müəyyəndir. Qədərdəkini edə bilər, başqa bir şey edə bilməz.

Mehdi (ə.s)-a qarşı otuzdan artıq dəccal mübarizə aparır. Cin düşmənləri də vardır.

Sənətçilərə hər kəsin dəstək olması lazımdır, hər kəsin şəfqətlə yaxınlaşması lazımdır. Sənətçi bütün dünyaya aiddir.

İnşaAllah daha Mehdi (ə.s)-ın zühurunu görəsiyik, İsa Məsihi görəsiyik. Dəccaliyyətin fikirlə yox olduğunu görəsiyik. İslam Birliyinin meydana gəldiyini görəsiyik. Sonra müsəlmanlıq geriləməyə başlayacaq. Hicri 1506-cı ildən sonra 1543-cü ilə qədər inşaAllah geriləmə davam edəcək. Hicri 1543-cü ildən sonra sırf Allahsız, Kitabsız tiplər qalacaq. 1545-ci ilə kimi də Allahın icazəsi ilə qiyamət qopacaq.

Mehdiyyət nə kapitalistdir, nə də kommunistdir. Quran ruhu ilə hərəkət edən, cənnət modelini əsas götürən cənnətistdir.