Adnan Oktar A9 TV; 21 dekabr 2012

Bir müsəlman xanımın ilk axtaracağı şey təqvadır, qarşısındakı insanın özünü Allaha həsr edib-etməməsidir. Allah aşiqi olub-olmadığıdır.

Xurafatçılar hz. Davud (ə.s)-ı o dövrdə mahnı oxuyur, rəqs edir deyə tənqid edirlər. Halbuki, Allah eşqi ilə rəqs edir, nə qədər gözəldir. Bundan əlavə hz. Davud (ə.s)-ın səsi çox gözəl idi.

Allah "Hz. İbrahim (ə.s)-ın dini kimi asandır" deyir, Quran ayəsidir. Allah "Allah sizin üçün çətinlik diləməz, asanlıq diləyər" deyir. Bir qisim insanlar dini çətinləşdirməyə çalışır, olmayan şeyləri var kimi göstərir. Allah dini asanlaşdırmış, insanların üzərindəki ağır zəncirləri qaldırmışdır. Deyir ki, Cənab Allah peyğəmbərimiz (s.ə.v)-ə, "Onların üzərindəki ağır təklif zəncirlərini qaldırırsan."

Peyğəmbərimiz (s.ə.v), "Mehdi (ə.s)-ı görən, qış olsa da, qar olsa da, buzda sürüşmək olsa da, sürünsə də onun yanına getsin" deyir. Orada nəzərdə tutulan "Soyuq hava deyə xidmətdən imtina etməyin." "Əgər Mehdi (ə.s)-ı tanıdınızsa, Mehdi (ə.s)-a ürəkdən bağlandınızsa fəaliyyətinizə davam edin". Mənası budur. Soyuq hava insanları fikrindən daşındırar bəzən. Soyuğu, qışı, qarı bəhanə etməyəcəksən, xidmətə davam edəcəksən.

Mehdisiz bir dünya olmaz, İsa Məsihsiz bir dünya olmaz. Cənab Allahın qanunu, qaydası budur. Allah "Mənim dediyimi edəcəksiniz" deyir. Cənab Allah, "Mən Mehdi (ə.s)-ı sevirəm, İsa Məsihi sevirəm" deyirsə, məsələ bağlanmışdır.

Öz ağıllarına görə Mehdi (ə.s)-ın gəlişinə mane olmağa, mövzunu ört-basdır etməyə çalışanlar var. Halbuki, Mehdi (ə.s)-ı istəmələri lazımdır. Mehdi (ə.s) gəlməsə dəccal gəlir. Amma qədərdə Mehdi (ə.s) gəlmişdir və maneə olmaq da mümkün deyil.

Müsəlmanların mənəvi bir liderlərinin olması fərzdir.

Heç bir paltarı fabrik tikməz. Hamısını Allah edər, amma səbəblər içində olduğu üçün, insanlar fabrikin düzəltdiyini zənn edir. Heç bir televiziyanı, radionu, heç bir texniki cihazı fabrik düzəltməz, hamısını Allah edər. Amma möcüzə bir sistem olduğu üçün və Allah böyük bir səbəb-nəticə əlaqəsi yaratdığı üçün insanlar onu fərqinə vara bilmirlər. Milyon təfərrüatla Allah onu pərdələmişdir.

İman zəifliyi olsa Allah dünyanı qovurur, xoşbəxtlik vermir. Osmanlının məhv olmasının səbəbi odur, Səlcuqluların məhv olmasının səbəbi yenə odur. Fanatik bir quruluş inkişaf edəndə, mühafizəkar bir quruluş inkişaf edəndə, sənət, elm, sevgi azalanda, Quranın özündən uzaqlaşanda mütləq fəlakət gəlir.

Maddə var. Amma insanların anladığı mənada mütləq varlıq deyil, kölgə varlıqdır. Biz o kölgə varlığın xəyalını görərik. Mütləq varlıq bir tək Allahdır.

Heç bir möcüzə ağılın ixtiyarını qaldırmaz. İmtahan dünyasındayıq. İnsanlar zənn edir ki, məsələn, İsa (ə.s) əli ilə bir işarə edir, dərhal süfrənin üstündə bir anda yeməklər yaranır. Olarmı? O zaman o biri ümmətlərə haqsızlıq olar. Cənab Allah elə bir şey etməz. Ağılın ixtiyarını qaldıracaq heç bir şey olmaz. İsa Məsih dua edəndə içəridəki otaqlardan birinə getdiklərində bir süfrənin hazır olduğunu görürlər.

Mehdi (ə.s)-ın anasının kədərlənəcəyi hadisələr olacaq, amma o, Allahın xüsusi bir ilhamla ürəyinə rahatlıq verməsi ilə kədərlənməyəcək.

PKK bu vaxta qədər aldığı nəticəni silahla aldı. Bundan sonra da silahla almağı düşünəcək. Heç vaxt, qəti şəkildə silahı tərk etməz. Yəni ölər yenə buraxmazlar. Heç vaxt qəbul etməzlər. Adamlar iki variant üçün yaşayırlar: Ölmək və ya öldürmək. Üçüncü bir seçim qəbul etmirlər.

2014-cü il çox hərəkətlidir, söyləyirəm. Müsəlmanlar üçün də rahatlığın çoxalacağı bir ildir. Yəni İslamın, Quranın izahatının coşacağı, coşğun sular kimi axacağı bir ildir 2014-cü il, inşaAllah.

Namazı 5 vaxtda qılın. Qıla bilmirsinizsə 4, qıla bilmirsinizsə 3, qıla bilmirsənsə 2 (bir səhər bir axşam), qıla bilmirsənsə 1 (sadəcə səhərlər və yaxud axşam), o da olmursa cümə namazlarını, o da yoxsa bayram namazını qılın. Namazsız qardaşımız qalmasın, mütləq qılın, inşaAllah.

Qiyamət çox sürətli inkişaf edən bir vəziyyətdir. Çünki dünya ilə bir toqquşma olacaq. Çox böyük bir meteorit dünyanı deşib keçəcək. Ayədə deyir: "İlk toqquşmanı ikinci toqquşma izləyər". Aydın olur ki, o toqquşan obyekt dünyanı deşib keçəcək, fırlanacaq, bir daha vuracaq. Bunun nəticəsində Dünya əks istiqamətdə dəyişəcək. Tərsinə fırlanmağa başlayacaq. Amma bu saatlar içərisində bitəcək bir hadisə. Ən çox saat davam edər. Çox sürətli qiyamət qopacaq.

PKK indi Leninin "bir addım irəli, iki addım geri" taktikasını tətbiq edir.

Dünyada İslamın hakimiyyəti üçün iki mövzu var, mən açıq şəkildə söyləyim: Bir sevgi, iki keyfiyyətdir.

İki-üç ilə qədər tam mənası ilə bu ortaya çıxacaq ki, Mehdiyyətin xaricində bir həll yoxdur, İslam Birliyinin xaricində bir həll yoxdur. Onun xaricində dünya məhv olar.

Qiyamət təxirə salındı. Bunun fərqində deyil insanlar. MEHDİYYƏT VƏSİLƏSİ İLƏ QİYAMƏT TƏXİRƏ SALINDI. Mehdiyyətdən bəhs edildiyi üçün, Mehdi (ə.s)-dan bəhs edildiyi üçün, Mehdi (ə.s) fəaliyyətdə olduğu üçün, Mehdi tələbələri fəaliyyətdə olduğu üçün, Mehdiyyət çox xatırlandığı üçün QİYAMƏTİ QOPARACAQ MƏLƏK ALLAHIN ƏMRİ İLƏ GERİ DÖNDÜ.

Ustadımız Səid Nursi Həzrətləri kürddür, kürdlüyü ilə biz fəxr edirik. Mövlana Xalid Həzrətləri kürddür, kürdlüyü ilə fəxr edirik. Səlahaddin Əyyubi kürd idi, kürdlüyü ilə fəxr edirik. Üləmanın, böyük alimlərin, İslam alimlərinin böyük hissəsi kürddürlər. Kürdlər çox mübarək insanlardır, mübarək bir birlikdir.

Böyük Yaxın Şərq Proyekti İslam aləminin inteqrasiya olunması deyil, parça-parça olması üstünə quruludur. Məsələn, Suriyanı parçalamaq, Türkiyəni parçalamaq, İranı parçalamaq hər yeri parça-parça etmək, çox kiçik federativ dövlətlərə bölüb İslam Birliyini qeyri-mümkün etmək. Müsəlmanların buna qarşı edəcəkləri ən gözəl şey Böyük Yaxın Şərq Layihəsini Böyük Osmanlı Layihəsinə çevirib əksinə birləşdirici olmaqdır.

Mehdi (ə.s)-ın xatirinə qiyamət təxirə salınmışdır. Onlar da zənn edir ki, öz-özünə təxirə salınır. Öz-özünə təxirə salınmır. Mehdi (ə.s)-ın vəsiləsi ilə, Mehdi (ə.s)-ın hörmətinə təxirə salınır, inşaAllah.

Başçılıq sistemi təhlükəlidir. Çünki ondan sonra federasiya təklif ediləcək kimi görülür. O zaman Türkiyə parça-parça olar. Onsuz da federasiya təklifinin əsl məqsədi İslam Birliyinə maneə olmaqdır. Mehdiyyətə maneə olmaq üçün edilən şeytani bir layihədir.

İslam Birliyi olanda Türkiyə Avropaya arxa çevirməz, Avropa ilə qucaqlaşar. Avropa ilə iç-içə olar. Türkiyə Avropadan daha yüksək mədəniyyətə, daha keyfiyyətli bir sənət anlayışına, daha gözəl azadlıq və demokratiya anlayışına sahib olacaq. Buna görə Türkiyədə və İslam aləmində Avropanın etina edəcəyi bir quruluş olacaq. Belə bir quruluşda Avropa ilə Türkiyə təbii ki, qucaqlaşacaq, iç-içə olacaq. Başqa cür ola bilməz.