Adnan Oktar A9 TV; 25 aprel 2013

Özləri təhqir ediləndə təhqiri qəbul etmirlər. Amma inananlara küfr etməyi normal göstərməyə çalışırlar.

Millət olaraq dövlətə dəstək olmağımız lazımdır. Hökumətə qarşı tənqid edilə bilər, amma müxalifət olmaq lazımsızdır. Bəziləri hökuməti süni mövzularla gözdən salmağa çalışırlar. Bu cür qurma oyunlara qarşı oyaq olmaq lazımdır.

ABŞ cənub-şərqdə bölünməyi təşviq edir, amma Şimali Koreyaya qarşı səsi çıxmır. Çünki Şimali Koreya dinləmir. Deməli, ABŞ sabitlik görəndə geri çəkilir. Biz də millət olaraq bölünməyə qarşı dəqiq və qərarlı münasibətimizi bildirsək ABŞ bu bölmə siyasətindən imtina edə bilər.

Müxalifətin olması faydalıdır. Bu, bilvasitə hökuməti gücləndirər. Amma hökuməti zəiflədəcək hərəkət doğru olmaz. Ağıllı hərəkət o olardı ki, istər daxili, istərsə də xarici güclərə qarşı millət tərəfindən hökumətin əlini gücləndirək.

MHP-nın hamiyyəti-islamiyyəsi güclüdür, amma eyni zamanda çox mülayim insanlardır.

İsa Məsih çox ağıllıdır. Mənim qənaətim belədir ki, hal-hazırda türkcə daxil olmaqla yeddi xarici dil bilir. Daha əvvəl demişdiniz, deyə bilərsiniz. Quranı, Tövratı, İncili su kimi əzbərdən bilər, amma Qurana tabe olacaq. Bir müddət sonra dediyimin doğru olduğunu görəcəksiniz, inşaAllah.

Peyğəmbərimiz (s.ə.v) bildirir ki, Mehdi (ə.s)-a qarşı, Mehdi (ə.s)-ın çıxışına maneə yaratmaq üçün yetmiş min müsəlman alim mübarizə aparar, amma daha sürətlə, güclü şəkildə inkişaf edər. O yetmiş min adam katalizatordur, daha da sürətləndirir. Elə fikirləşirlər ki, dayandıra bilərlər amma daha da sürətlənər.

Amerika böyük gücdür, amma vurub yıxmaq mənasında deyil. Türkiyə mükəmməl sevgi gücüdür, mükəmməl iman gücüdür, Quranın mükəmməl gücüdür.

İsraili üzr istədiyi üçün günahkar çıxarmaq səhv olardı. Üzr istəyənin üzrü qəbul edilib, ona nəzakət göstərilər. Amma "necə də üzr istətdik " kimi ifadələr alçaq hərəkətdir, çirkinlikdir. Türk millətinin alicənablığı vardır, buna yaraşan şəkildə hərəkət edilər. Üzr istəyənin qüruru alçaldılmaz.

Bütün mehdilərə, peyğəmbərlərə lağ edilmişdir. Amma Allah ayədə deyir: "istehza etdikləri əzab onları bürüyəcək". Onlar axmaqlıqlarına görə sonda məğlub olurlar. Peyğəmbərə, mehdilərə lağ etmək axmaqlıq əlamətidir. Axmaqlığın 101 əlamətindən biri də peyğəmbərlərə lağ etməkdir. Axmağın xeyli əlaməti vardır.

Osmanlı gözəl idi, amma İslam Birliyi qeyri-adi gözəl olacaq.

Ən gözəl olan şeylərin cəminə din deyilir. Fanatikliyi heç kim istəməz, amma sevgini, yaxşılığı, gözəlliyi hər kəs istəyər.

Millətini sevmək bir əxlaq qaydasıdır, gözəldir. İnsan ailəsini, qardaşlarını, millətini sevər. Amma üstünlük iddia etmək artıq fərqlidir. Təbii ki, insan millətini, ailəsini qoruyacaq, sevəcək, şəfqət bəsləyəcək. Amma "Mənim irqim üstündür", "Ən üstün irq bizik" desə, bu çox anormal bir hərəkət olar.

Dünya Allahın nəzarətindədir. Amma Allaha yaxın olunmadığında, Allahı sevməyənlər, unudanlar olduğunda Allah da "İnsanları unudaram" deyir, "Siz Məni unutsanız, Mən də sizi unudaram" deyir.

İmralı ilə görüşmələr keçici müalicədir. Sarğı ilə yara sağalmaz. Xərçəng budur. Buna dərindən müalicə lazımdır. O da Quranla, imanla, yaradılış həqiqətləri ilə, elmlə, sənətlə ümumiyyətlə bir təhsillə mümkündür. Amma, təbii, hökumətin xoş niyyətini təqdir edirik.

Dəccal yoxdur, amma sən "mən dəccaliyyəti qurutmağa gəldim" deyirsən. Xeyr, savab qazana bilməzsən. Çox cəhd göstərsən də savabı çox az olar. Çətinlik, təhlükə, hücum edənlər olacaq, söyənlər, qışqırıb-çığıranlar olacaq, şərəfsizlər, namərdlər aranı qatacaq. Bir xeyli fitnə, haqsızlıq olacaq, bax onda savab yağış kimi yağar.

Çin dövlət modeli olaraq qəddar və mərhəmətsizdir, amma bu dəyişilə, düzələ bilər. Türkiyə Çini əldə edə bilər.

İnsan dünyanı ağlına görə şərh etdiyində heç bir zaman üçün doğru diaqnoz qoya bilməz. Amma Qurana və hədisə görə şərh etdiyində dünyaya tam doğru diaqnoz qoyar.

Bir Müsəlman həm İsəvidir, həm yəhudidir, həm İsmayılıdır, həm Nuhidir amma hamısından əvvəl Məhəmmədidir. Siz o biri peyğəmbərləri yox hökmündə görsəniz, Allah qorusun, dindən çıxarsınız. Olmaz elə şey.

İsa Məsih hal-hazırda fəaliyyətdədir, amma necə bir fəaliyyət etdiyini bilmirik.

Müsəlman namaz qılmasıyla peyğəmbər (s.ə.v)-ə bənzəyər, oruc tutması ilə peyğəmbər (s.ə.v)-ə bənzəyər. Sevgisi ilə, məhəbbəti ilə peyğəmbər (s.ə.v)-ə bənzəyər, mərhəməti ilə peyğəmbər (s.ə.v)-ə bənzəyər. Bənzəməyə çalışar. Tam mənası ilə bənzəməsə də bənzəməyə çalışar. Amma əsas xəttləri ilə bənzəyər. Cihadı ilə, təbliğ etməsi ilə bənzəyər.

Tövratın Qurana uyğun olan qisimləri etibarlıdır. Peyğəmbər əfəndimiz (s.ə.v) zamanındakı Tövratla indiki Tövrat eynidir. O dövrdəki Tövratı Cənab Allah tərifləyir, amma Qurana uyğun olmayan qismini onsuz da Quran aradan qaldırır.

İsa Məsih inkişafın ilk illərində imanın nuru ilə tanınacaq. Amma daha sonralar bütün dünya onu tanıyacaq.

İslam Birliyi olanda nə Avropadan, nə Amerikadan qopmarıq. Amma Avropanın, Amerikanın səhv istiqamətlərini də götürmərik.

Azərbaycandakı qardaşlarımız hökumətləri ilə ittifaq etsinlər. Dini sevən, amma fanatikliyə qarşı olan hökumətləri var, bu gözəldir.