Adnan Oktar A9 TV; 24 Mart 2013

Amerika böyük gücdür, amma vurub yıxmaq mənasında deyil. Türkiyə mükəmməl sevgi gücüdür, mükəmməl iman gücüdür, Quranın mükəmməl gücüdür.

İsraili üzr istədiyi üçün günahkar çıxarmaq səhv olardı. Üzr istəyənin üzrü qəbul edilib, ona nəzakət göstərilər. Amma "necə də üzr istətdik " kimi ifadələr alçaq hərəkətdir, çirkinlikdir. Türk millətinin alicənablığı vardır, buna yaraşan şəkildə hərəkət edilər. Üzr istəyənin qüruru alçaldılmaz.

İsa Məsih çox ağıllıdır. Mənim qənaətim belədir ki, hal-hazırda türkcə daxil olmaqla yeddi xarici dil bilir. Daha əvvəl demişdiniz, deyə bilərsiniz. Quranı, Tövratı, İncili su kimi əzbərdən bilər, amma Qurana tabe olacaq. Bir müddət sonra dediyimin doğru olduğunu görəcəksiniz, inşaAllah.

Bütün mehdilərə, peyğəmbərlərə lağ edilmişdir. Amma Allah ayədə deyir: "istehza etdikləri əzab onları bürüyəcək". Onlar axmaqlıqlarına görə sonda məğlub olurlar. Peyğəmbərə, mehdilərə lağ etmək axmaqlıq əlamətidir. Axmaqlığın 101 əlamətindən biri də peyğəmbərlərə lağ etməkdir. Axmağın xeyli əlaməti vardır.

Osmanlı gözəl idi, amma İslam Birliyi qeyri-adi gözəl olacaq.

Ölən adam möminsə bayram sevinci ilə qarşılanar. Möminin canı gözəl qoxular içərisində, təbrik edilərək alınar. Ölən adam küfr içindədirsə canı da əziyyətlə alınar, Allah göstərməsin.

Şiənin gözəlliyi ondadır ki, Mehdi (ə.s) ilə əlaqədar hədisləri çox dəqiqliklə qorumuşlar.

Mehdiyyətin əlaməti, işarəsi olaraq demək olar ki, hər gün zəlzələlər davam edir. Hadisələr inkişaf edir. Möcüzəvi hadisələr qarşıdakı günlərdə daha da artaraq davam edəcək. Arası kəsilməz zəlzələlər Mehdi (ə.s) zühur edənə qədər davam edəcək.

Xəstəyə şəfqət çox əhəmiyyətlidir. Peyğəmbərimiz (s.ə.v)-in sünnəsidir. Peyğəmbərimiz (s.ə.v) Mehdi (ə.s) haqqında demişdir ki, xəstəni başında daşıyacaq.

Mehdiyyət dövründə elə etibarlı bir mühit var ki, çarşaba da ehtiyac qalmayacaq. Çünki qadınlara böyük hörmət ediləcək.

Bütün dünya türkcə öyrənəcək. Mehdi (ə.s) ərəbcə bilməz. Dünya türkcə öyrənəcək ki, Mehdi (ə.s)-la əlaqə qursunlar, inşaAllah.

Bütün Türkiyədə və bütün dünyada çoxlu fosil sərgisi edək. Fosilin gücü o qədər şiddətlidir ki, yazıya da bənzəmir, danışmağa da bənzəmir. Görən adama çox təəccüblü təsir edir. Dərhal qərara gəlir. Ona görə solun tarixində görülməmiş bir çaxnaşma yaşanır.

Mehdi (ə.s)-ın xatirinə qiyamət təxirə salınmışdır. Onlar da zənn edir ki, öz-özünə təxirə salınır. Öz-özünə təxirə salınmır. Mehdi (ə.s)-ın vəsiləsi ilə, Mehdi (ə.s)-ın hörmətinə təxirə salınır, inşaAllah.

Din ümumi mədəniyyətdir. Adam dinsiz də olsa hər vəziyyətdə dinləri və ideologiyaları bilməsi lazımdır. Müsəlmanlığı da biləcək, xristianlığı da biləcək, yəhudiliyi də biləcək, kommunizmi də bilsin, faşizmi də bilsin.

Məktəblərin ailə birliyi, kasıb uşaqlara paltar təmin etməklə məsuliyyət daşısınlar. Hamısı da gözəl geyinsin. Yaxud uşaqların gözəl geyinməsi üçün bir vəqf meydana gətirək. Amma onları xəcalətli etmədən təbii ki. Dövlət təməl qursun. Bu da məktəblərə kömək etsin.

Allah "Əgər səmimi olaraq hər şeyi Mənim etdiyimi qəbul etsəniz, ağıla gələn hər şeyi tamamilə Mənim yaratdığıma inansanız, o zaman söz verirəm dünya hakimi edəcəyəm sizi" deyir. "Sayınız az da olsa." Lap on adam olsun. Tövratda da buna diqqət çəkilmişdir. Lap on adam olsun, dünya hakimi edəcəyəm, deyir Allah.

İsmayıloğullarından kim adam öldürsə zülm etmişdir, İsrailoğullarından da kim adam öldürsə zülm etmişdir. Biz hər cür cinayəti qınayırıq.

“Harada oluramsa olum, məni mübarək etdi və nə qədər ki, sağam, mənə namaz qılıb zəkat verməyi əmr etdi.” (Məryəm surəsi, 31) Ayəyə görə xristianlar namazlarını qılıb, zəkatlarını versələr, peyğəmbərimiz (s.ə.v)-in peyğəmbərliyini qəbul etsələr müsəlmandırlar. İsa Məsih namazını qılıb zəkatını da verirdi.

Allah İslam Birliyini hakim etsin. Allah xristianlarla, yəhudilərlə, dinsizlərlə birlikdə qardaşyana yaşamağı nəsib etsin. Çünki onlar da Allahın quludur, onlara da şəfqət hissi bəsləyirik. Hidayətləri üçün dua edirik. Çünki, Allah etməsin, dindar deyən adam sevinərkən bir də görərsən ki, üç gün sonra imanı gedib. Dinsiz sayılan adam da üç gün sonra görərsiniz ki, övliya olar.

Peyğəmbərimiz (s.ə.v) Mehdi (ə.s) barədəki hədisində belə bildirir: "İnsanlar haqqa dönənə qədər mübarizəsinə davam edəcək". Yəni vaz keçmək yoxdur. Əhatəsi nə qədərdir? Bütün insanlıq haqqa dönənə qədər, Mehdi (ə.s)-ın əzmi budur. Bütün insanlıq: Şimal qütbü, Afrika və s. Haqq İslamdır.

Dünyada mehdiyyəti bizim qədər ağıllı, elmi dəlillərə, qaynaqlara əsaslı şəkildə isbat edən, Risalə-i Nura, hədislərə, Qurana əsaslanan şəkildə, isbatlı izah edən heç bir birlik yoxdur.

Türkiyə böyük gücdür deyiləndə əsgəri, tankları, topları olan, hərbi güc mənasında başa düşürlər. Əslində isə sevgi, mehdiyyət böyük gücüdür. İsa Məsihdən qaynaqlanan, Allaha əsaslanan mükəmməl bir gücdür. Sevgi və məhəbbət, mərhəmət, şəfqət və qulluqdan qaynaqlanır. Yoxsa qoçuluq, böyüklük, böyük qardaşlıq, sıraya gətirmək ruhu deyil.

Darvinizmi bu qədər mükəmməl, dünya səviyyəsində, elmi dəlillərlə məhv edən bizdən başqa bir kimsə yoxdur. Materializmi bizim qədər, bu qədər güclü fikirlə əzən yoxdur.

Bizim qədər iman həqiqətlərini əhatəli izah edən başqa biri yoxdur. Quranı bu qədər ağıllı, sadə və səmimi izah edən, komplekssiz, dəqiq, qısa və köklü izah edən yoxdur. Bu qədər Quran möcüzəsi izah edənləri görmədik.

İnsanın ağlı əhəmiyyətlidir. Ağlı görəcək, ürəyi təsdiq edəcək. Ağılla ürək eyni gücdə olmalıdır. İkisi birlikdə hərəkət edəcək. Əgər ağlını istifadə etməsə, sırf ürək ilə təsdiq etmək zəif iman yaradar. Güclü iman, təhqiqi-iman, aynəl-yakin iman çox güclü olar.