Adnan Oktar A9 TV; 25 Mart 2013

Peyğəmbərimiz (s.ə.v) bildirir ki, Mehdi (ə.s)-a qarşı, Mehdi (ə.s)-ın çıxışına maneə yaratmaq üçün yetmiş min müsəlman alim mübarizə aparar, amma daha sürətlə, güclü şəkildə inkişaf edər. O yetmiş min adam katalizatordur, daha da sürətləndirir. Elə fikirləşirlər ki, dayandıra bilərlər amma daha da sürətlənər.

Türkiyə böyük gücdür deyiləndə əsgəri, tankları, topları olan, hərbi güc mənasında başa düşürlər. Əslində isə sevgi, mehdiyyət böyük gücüdür. İsa Məsihdən qaynaqlanan, Allaha əsaslanan mükəmməl bir gücdür. Sevgi və məhəbbət, mərhəmət, şəfqət və qulluqdan qaynaqlanır. Yoxsa qoçuluq, böyüklük, böyük qardaşlıq, sıraya gətirmək ruhu deyil.

İnsanın ağlı əhəmiyyətlidir. Ağlı görəcək, ürəyi təsdiq edəcək. Ağılla ürək eyni gücdə olmalıdır. İkisi birlikdə hərəkət edəcək. Əgər ağlını istifadə etməsə, sırf ürək ilə təsdiq etmək zəif iman yaradar. Güclü iman, təhqiqi-iman, aynəl-yakin iman çox güclü olar.

İsraili üzr istədiyi üçün günahkar çıxarmaq səhv olardı. Üzr istəyənin üzrü qəbul edilib, ona nəzakət göstərilər. Amma "necə də üzr istətdik " kimi ifadələr alçaq hərəkətdir, çirkinlikdir. Türk millətinin alicənablığı vardır, buna yaraşan şəkildə hərəkət edilər. Üzr istəyənin qüruru alçaldılmaz.

İnsanlar üzərində elmi izahatlar, Quran möcüzələri və iman həqiqətlərinin izahatı təsirli olar. Klassik üslublu izahatlar təsirli olmaz. Çünki ağılın ürəyi təsdiq etməsi lazımdır. Ağıl istifadə edilməsə iman zəif olar.

İsa Məsih çox ağıllıdır. Mənim qənaətim belədir ki, hal-hazırda türkcə daxil olmaqla yeddi xarici dil bilir. Daha əvvəl demişdiniz, deyə bilərsiniz. Quranı, Tövratı, İncili su kimi əzbərdən bilər, amma Qurana tabe olacaq. Bir müddət sonra dediyimin doğru olduğunu görəcəksiniz, inşaAllah.

Bütövlük, ictimai ədalət rahatlıq yaradar. Mehdiyyətin demokratiya, rahatlıq, bərabərlik, sevgi, məhəbbət anlayışı hər cür ideologiyadan üstündür. Müqayisəsi qabil deyil. Son dərəcə səmimi və sürətli nəticə alınacaq bir sistemdir.

Fanatiklərin imanları zəif olur. İmana o qədər də əhəmiyyət vermirlər. Romantik iman axtarışındadırlar. Deyilməyəcək iman anlayışına sahibdirlər. Yəni yüksək, dərin imanı əsas götürmürlər.

Müsəlmanın ilk xüsusiyyəti sevgi dolu olmasıdır. Sevgi dolu deyilsə o müsəlman deyil.

Daxili İşlər Nazirimizi Bədiüzzamana göstərdiyi hörmətə görə təbrik edirik. Ustadımıza olan sevgisi ilə könülləri fəth etdi.

Həqiqi iman aydın ağıl tələb edir. İman, Allahın varlığından bəhs edirsən sən. Bu çox iti bir ağıl tələb edir. Yəni həyatın ən həqiqi hadisəsi, ağılla yaxınlaşılacaq mövzudur.

Bizim modelimiz Quran modelidir, mehdiyyət modelidir, sevgi, eşq, söhbətin coşğusu modelidir.

Kommunist deyib kənara atmırıq. Kommunistin iman etməsi üçün çalışarıq. Masson deyib kənara buraxmırıq, iman etməsi üçün cəhd göstəririk. Xristiana da, yəhudiyə də hamısına təbliğ edirik. Dinsizə, ateistə, buddistə heç bir millətə, qövmə, dinə qarşı kin, nifrət bəsləmirik. Hamısına İslamı, Quranı öyrənsinlər deyə şəfqətlə yaxınlaşırıq, inşaAllah.

Bütün mehdilərə, peyğəmbərlərə lağ edilmişdir. Amma Allah ayədə deyir: "istehza etdikləri əzab onları bürüyəcək". Onlar axmaqlıqlarına görə sonda məğlub olurlar. Peyğəmbərə, mehdilərə lağ etmək axmaqlıq əlamətidir. Axmaqlığın 101 əlamətindən biri də peyğəmbərlərə lağ etməkdir. Axmağın xeyli əlaməti vardır.

Osmanlı gözəl idi, amma İslam Birliyi qeyri-adi gözəl olacaq.

Ağıllı bir insan onsuz da iman edər. İman aydın olmayacaq şəkildə deyil. Allahın varlığı çox açıq-aşkardır.

Biz sevgi üzərinə yaradıldıq. Sevgi ilə ürəyimiz rahatlayar. Nifrətdə boğularıq, bacarmarıq. Yəni ətimiz, sümüyümüz onu qaldırmaz. Bağışlayacağıq, hamısını qucaqlayacağıq.

Ən gözəl olan şeylərin cəminə din deyilir. Fanatikliyi heç kim istəməz, amma sevgini, yaxşılığı, gözəlliyi hər kəs istəyər.

Dünya mərmi ilə deyil, iman və sevgi ilə düzələr.

Peyğəmbərimiz (s.ə.v) Mehdi (ə.s) barədəki hədisində belə bildirir: "İnsanlar haqqa dönənə qədər mübarizəsinə davam edəcək". Yəni vaz keçmək yoxdur. Əhatəsi nə qədərdir? Bütün insanlıq haqqa dönənə qədər, Mehdi (ə.s)-ın əzmi budur. Bütün insanlıq: Şimal qütbü, Afrika və s. Haqq İslamdır.

Dünyada mehdiyyəti bizim qədər ağıllı, elmi dəlillərə, qaynaqlara əsaslı şəkildə isbat edən, Risalə-i Nura, hədislərə, Qurana əsaslanan şəkildə, isbatlı izah edən heç bir birlik yoxdur.

Darvinizmi bu qədər mükəmməl, dünya səviyyəsində, elmi dəlillərlə məhv edən bizdən başqa bir kimsə yoxdur. Materializmi bizim qədər, bu qədər güclü fikirlə əzən yoxdur.

Əsas məsələ iman məsələsidir. Bir insanın imanı güclüdürsə, mükəmməl olar. İmanı zəif olsa bir çox şeyə gücü çatmaz. Buna görə, imanı zəif bir insana təsəvvüflə yaxınlaşsan bir nəticə əldə edə bilməzsən. Quran möcüzələri ilə, iman həqiqətləri ilə imanını gücləndirib, sonra nə izah edirsənsə et.

Bizim qədər iman həqiqətlərini əhatəli izah edən başqa biri yoxdur. Quranı bu qədər ağıllı, sadə və səmimi izah edən, komplekssiz, dəqiq, qısa və köklü izah edən yoxdur. Bu qədər Quran möcüzəsi izah edənləri görmədik.

Alpərənlər canımızdır. Çox gözəl əxlaqlı, məmləkətin canları olan, Anadolu əxlaqını ən gözəl təmsil edən vəli xasiyyətli insanlardır, maşaAllah.