Adnan Oktar A9 TV; 21 aprel 2018

Dindar olmaq Allahı çox yaxşı görmək, çox yaxşı anlamaqdır. Allahın böyüklüyünü çox yaxşı qavrasan, ən dindar sən olarsan. Dindar olmaq özünə əziyyət etmək deyil. Dindar olduğunda, Allah o insana həyatı gözəlləşdirər və asanlaşdırar.

Atatürkün çox dindar, milliyyətçi, igid dəliqanlı olduğunu dəlilləri ilə ortaya qoyduq. Atatürkün həqiqi xarakterini və həyatını bütün Türkiyəyə öyrətdik.

Kürdlər çox əfəndi, dindar, sadə insanlardır. PKK kimi dinsiz, Allahsız, Stalinist təşkilatın tərtəmiz kürdlərə müsəllət olmasını heç vaxt qəbul etmərik.

Münafiq din düşmənidir. Dinə qarşı çox kinlidir. Şeytani və incə siyasətlə müsəlman kimi görünərək, müsəlmanları müsəlmanlıqdan çıxarmağa çalışar. Birbaşa İslamı hədəf alsa təsir edə bilməyəcəyini bildiyi üçün, "mən də müsəlmanam" deyə, ortaya çıxar və ağlı zəif olanları mənəvi olaraq boğar.

Atatürk müasir, aydın, Avropa keyfiyyətində Osmanlı paşasıydı. Anası nur kimi müsəlman idi. Atası nur kimi insan idi. Atatürk haqqında çirkin böhtan atanlar yalnız özlərini alçaldırlar. Bu çirkinliyə yönələnlərin də, mütləq hüquqi qarşılığını almaları lazımdır.

Allah insanı, din olanda təmkinli olacaq şəkildə yaratmışdır. Din olmadıqda cəmiyyətlər də, şəxslər də rahatlıq tapa bilmir. Dünya Allahın dediyi kimi istifadə ediləndə şən, sağlam və gümrah həyat olar.

Təzyiq göstərmək, insanı şirkə və Allah qorusun, münafiqliyə itələyər. Din azadlıq içində yaşanar. Məcbur etməklə din yaşanmaz. Zorla insanın başını örtməsi, musiqi dinləməsini qadağan etmək və s. İrana yaraşmır. İranın dindar olması gözəldir amma dindar olmaq insanlara təzyiq göstərmək olmamalıdır. İstəyən istədiyi kimi yaşasın.

PKK kürd canlarımıza çox böyük zülm etdi. Aydındır ki, dindar insanlar kürdlərdir. Belə dindar insanları zorla kommunist, dinsiz etməyə çalışmaq çox böyük zülmdür. Kürd canlarımızı PKK-nın zülmünə əsla tərk etməyəcəyik.

İslam dini asandır. Dinin asan olduğunu Allah söyləyir. Allah bəndələri üçün çətinlik diləməz. Ənənəçi sistem dini içindən çıxılmaz, əzablarla dolu, insana əziyyət edən sistemə çevirir. Həm özləri əzab çəkir, həm də insanlara əzab çəkdirirlər.

Din həyatın hər yerindədir. "Dini siyasətə qarışdırma" demək doğru söz olmaz. Doğru olan "səmimi olmayan şəkildə dini siyasətə qarışdırma" olmalıdır. Yaxşılıq etmək, kasıbı qorumaq, dürüst olmaq, ədalətli olmaq dinin vəsfidir. Səmimi dindar olan siyasətçi bütün bu dəyərləri qoruyar. "Dini siyasətə alət etmə" deyərək dini həyatın kənarına çıxarmağa çalışmaq doğru olmaz. Allahdan, dindən bəhs edən insanı dini siyasətə alət etməklə ittiham etmək səhv dünyagörüşüdür. Biri heç dindən, Allahdan bəhs etmirsə "bax bu dini siyasətə alət etmir" demək doğru deyil. İnsanın məqamı, mövqeyi nə olursa olsun Allahı, dini xatırlayar, dindən bəhs edər və bu bir gözəllikdir. Heç dindən bəhs etməyənə "dünyəvi" demək düzgün dünyagörüşü olmaz.

Kürdlər mərd olar, fədakardırlar. Eqoist olmazlar. Vicdanlı, mərhəmətli və dindar olar kürdlər. Kürdlərə düşmənlik bəsləyən normal insan deyil. Belə tiplər hər kəsə düşmən olarlar, onları ciddiyə almamaq lazımdır.

Azərbaycan bizim əsl qardaşımızdır. Azərbaycan bizim canımız, ruhumuzdur. Azərbaycan Allahın lütfünə məzhər olmuş ölkə, ziyalısı çox yüksək, müasir Avropa sayağı Türk dövləti. Aydın, dünyəvi, dindar və gözəl Azərbaycan qiyamətə qədər güclü olsun istəyirik.

Haqq dinlər azadlıq gətirər, münafiqlər dinin gətirdiyi azadlığı qısqanar və bu azadlığı tənqid edərlər. Dinə qarşı olanlarla münafiqlər birləşərək dinin azadlığının yaşanmasını qarşısını almaq üçün məşğul olarlar. Peyğəmbərlərin gətirdiyi dini haşa bəyənməz. Mühafizəkar kimi ortaya çıxıb özlərini peyğəmbərlərdən üstün görürlər. Hətta özlərinin haşa Allahdan daha əxlaqlı olduğunu iddia edirlər. Peyğəmbərlərin azad olmasını, gözəlliyi sevməsini, zənginlik və bolluq içində yaşamasını, həyat dolu olmasını çox qısqanarlar. Qısqanclıqlarını ört-basdır etmək üçün də özlərinin daha mühafizəkar olduqlarını Peyğəmbərlərin isə dindən uzaqlaşdığını iddia edərlər. Halbuki münafiqlər super əxlaqsızdırlar. Kinli, keyfiyyətsiz, təcavüzkar ruhludurlar. Hər dövrün münafiqləri bu ortaq xarakterə malikdir.

Din həyatı öldürməz. Din həyata sevinc verir. İnsan dindar olduğunda canlı, nəşəli, həyat dolu xarakterə sahib olar. Ənənəçi İslam bunun əksini izah etdiyi üçün insanlar dindar olmağı içə bağlanmaq və həyatı öldürmək olaraq görürlər. Belə olduqda da ibadətlərini etmək üçün yaşlanmağı gözləyirlər. “Yaşlananda onsuz da həyata qarşı zövqüm qalmayacaq, o zaman ibadət etməklə heç nə itirmərəm” deyə düşünürlər. İbadət gənc ikən də, yaşlı ikən də hər yaşda edilər. Dini yaşlandığı dövrə təxirə salmaq ənənəçi İslam anlayışının səbəb olduğu yanılmadır.

Din insanlara azadlıq verir. Bəzi insanlar dinin azadlıq gətirdiyini görəndə çaxnaşmaya qapılırlar. Din dünyaya ən üst səviyyə azadlıq verən sistemdir.

Dindar mühafizəkar sinfin böyük qismi dekolte geyinən qadınlara təbliğ etməyi düşünmür. Belə geniş kütləni gözdən çıxarmaq doğru deyil. Onlara təbliğ edilməsi bütün müsəlmanlara məsuliyyətdir. Biz o sinfə təbliğ edən demək olar tək qrupuq. O insanların dini sevməsinə, İslama yaxınlaşmasına, dinin asan olduğunu görmələrinə vəsilə olduq.

Münafiq özünü Allahdan müstəqil etmək üçün özünü üstün görər. Kiçik ağlıyla müsəlmanlara da ağıl verər. Müsəlmanların fitnəni dayandıracaq gücü olduğunu bildiyi halda o gücün fitnənin dayandırılması üçün istifadə edilməsini istəməz. Yeyin, için, gəzin, kefinizə baxın, yəni dağılın çağırışları edər. Müsəlmanlar dağılsın və İslam üçün xidmətləri dursun istəyər.

İslam aləminin hər yeri qan gölü içində. Tez-tez uşaqlar, qadınlar şəhid edilir. Belə bir dövrdə və şəraitdə biz öz dərdlərimizlə, gündəlik işlərimizlə vaxt keçirə bilmərik. Bir saniyə belə boş keçirə bilmərik.

Münafiq heç bir zaman azad deyil. Allahdan müstəqil deyil. Münafiq, münafiqlik etməsi üçün xüsusi yaradılmış cisimdir. Allahın yazdığı hərəkətlər xaricində heç nə edə bilməz. Yeri də hazırdır, Cəhənnəmdir.

Allah Öz rizasına yönəlik hər duanı mütləq qəbul edər. Bu, çox böyük möcüzədir.

Münafiqləri ən çox narahat edən, Allahın onlara qurduğu tələdir. Münafiq möminlərə hər vəziyyətdə faydalıdır. Münafiq mömin üçün çox bərəkətli olar. Allah münafiqi möminlərin istifadəsi üçün yaradar. Münafiqin 15-20 illik inkubasiya dövrü olar. Bu dövrdə ağlı bağlıdır. İman etmədiyi halda, İslama və müsəlmanlara kinli olduğu halda, həmişə var gücüylə müsəlmanlara və İslama xidmət edər. Sonra birdən Allah münafiqin şeytani klapanını açar. Amma artıq çöküntü dövrünə keçmişdir. Çöküntü dövrünə girəndə, aslandan qaçan çöl uzunqulağı kimi kanalizasiyasına dönər. Mömin də çöküntü ilə ünsiyyətdə olmamış olar.

Başsız olması İslam aləminin can çəkişməsinə səbəb olur. Beyni olmayan cəmiyyət yaşamaz. İslam aləmi də buna görə məhv olur. Yaxın zamanda zamanın sahibi Mehdi zahir olacaq və fəlakət ortadan qalxacaq, inşaAllah.

Məktəblərdə Darvinizmin elmi həqiqətmiş kimi öyrədilməsi ən böyük fəlakətlərdən biridir. Məktəbdə bu təhsili alan gənc, internetdəki nifrət üslubunu gördükcə daha da məhv olur. Ateizmin də, deizmin də mənşəyi Darvinizmdir. Darvinizm, Allahı inkar etmənin yoludur. Əvvəlcə Darvinist təhsilin dayandırılması lazımdır.

Hər problem dəf edilmiş olaraq yaradılar. İnsan Allaha güvənəcək, səbirli, sakit olacaq. İnsanlar problemlə qarşılaşanda çox vaxt təlaşlanarlar amma bir həftə sonra keçmiş olur. Bir il sonra ən böyük problem dediklərini belə xatırlamırlar.

İslam Birliyinin meydana gəlməsi digər ölkələr üzərində hökmranlıq qurmaq məqsədli deyil. İslam ölkələrinin bir araya gəlməsi müharibəni, münaqişəni dayandırmaq məqsədli olacaq. İslam Birliyi qüvvət nümayişi şəklində olmayacaq. Sevgi, sülh və güvən nümayişi şəklində olacaq. Hər yeri sakitləşdirən, hər yeri mülayimləşdirən müsbət güc olacaq.