Adnan Oktar A9 TV; 27 dekabr 2012

Xərçəng olan uşaqların dərmanını alması üçün, ödənişsiz müalicə olması üçün dövlət bir təməl qursun. Biz o təməli dəstəkləyək.

Ən gözəl nemət dərin imandır. Allaha şəksiz-şübhəsiz iman etməkdir. Diqqətin Allahın üzərində olması lazımdır. Bütün diqqət Allaha yönəlməlidir. Bütün sevgi Allahadır, insanları sevərkən Onun təcəllisi olaraq sevərsən.

Şeytan deyilən bir mənfi güc var, amma təsiri zəifdir. Əsas olan, biz əgər vicdanımızı istifadə etsək, ağlımızı istifadə etsək Allah bizə, dayanmadan vicdanımıza vəhy edər. Məsələn, biz bir şey edərkən, əgər o səhvdirsə bizə məlumat olaraq gəlir o. İlham edilər. Ürəyimizə ilham olar. O məlumata müqavimət göstərsək vicdansızlıq etmiş olarıq. Əgər müqavimət göstərmiyib tətbiq etsək, vicdanımıza uymuş olarıq.

Peyğəmbərimiz (s.ə.v) çox nurlu idi, işıq saçırdı sanki ətrafa. Mehdi (ə.s) da elədir, nurludur. Onun izah etdiyi həqiqətlər, məsələn, Darvinizmi, materializmi çökdürməsi, Quran möcüzələrini, iman həqiqətlərini izah etməsi nur saçmaqdır.

Gəncliyin imanının çox gücləndirilməsi lazımdır, amma bu təbii ki, fiqh məlumatı ilə olmaz. Yəni fiqh məlumatı ilə iman artmaz. Artsa da qisməndir. İman həqiqətləri ilə artar iman, elmi dəlillərlə artar. Ağıla xitab edən, ürəyə xitab edən dəlillər, izahatlar olmalıdır.

PKK-dan bəhs edərkən həlli də söyləmək lazımdır. Ümumiyyətlə, həldən heç bəhs etmirlər. Həll İslam Birliyidir, iman həqiqətlərinin izah edilməsidir və Quran ruhunun bölgəyə hakim olmasıdır.

Camaata qarşı şübhəli və qeyri-obyektiv bir yanaşma doğru olmaz. Sərtlik daim soyuq görünər. Hər seqmentə iman istiliyi ilə, sevgi ilə, şəfqətlə yanaşılmalıdır. Gözəl olan budur.

Dövlətin kitablarında açıq şəkildə "Kainat təsadüfən yaradıldı" deyilirsə, bu Allahın xoşuna gəlməz. O ölkəyə bərəkət gəlməz. Narahatlıq, anarxiya və terror olar. Narahatlığın da üstündə Allah bəla verə bilər, iztirab verə bilər, çətinliklər verə bilər Allah əsirgəsin.

Dəccal komitəsi, dəccal, Mehdi (ə.s) və tələbələrini haqq olan, doğru olan fəaliyyətlərindən məhrum etmək üçün onlara təzyiq, təhdid edəcək, onları qovmağa çalışacaq. Mehdi (ə.s) tələbələri belə bir mühitdə, sevgi, şəfqət, ağılla, elmlə, mədəniyyətlə mübarizəyə davam edəcəklər. Onların savabının artması, axırzamanda aslan olmaları, abid olmaları, təriflənmələri, səhabələrdən daha çox savab qazanmalarının səbəbi odur.

Gözəl olan Cənab Allah bizləri hələlik dünya görünüşü olaraq belə göstərir. Əsli axirətdədir. İnşaAllah axirətə birdən-birə belə aynanın içindən keçər kimi keçəcəyik. Yuxudan oyanar kimi. "Allah Allah" deyəcəyik, "Necə bir həyat idi o, çox maraqlı" deyəcəyik. Yəni "Açıq şəkildə yuxudaymışıq" deyəcəyik.

Allah davamlı olmayan zikr etməyi, təbliği zəif davranış olaraq qəbul edir. Zəif davranmağı da qəbul etmir. İntensiv olmasını istəyir Allah. Çox sıx, ola biləcək ən sıx dərəcədə.

Fələstində edilməsi lazım olan iman həqiqətlərinin izah edilməsidir, Quran möcüzələrinin izah edilməsidir. Darvinizm, materializmə qarşı bu Yaradılış Atlasları ilə gənclər orada elmi mübarizə etsələr məşhur sol düşüncəyə qarşı dərhal nəticə əldə etmək olar.

Allah iman edib səmimi əməllərdə olan qulları ilə əlaqəli olar. Onların sözünü, tələbini dinləyər, dualarını qəbul edər. Ayədə "və onlara Öz fəzlindən artırar" buyurur. Məsələn, sağlamlıq verdisə artırır, səhhət verdisə artırır, mal verdisə artırır, təsir verdisə artırır, güc verdisə artırır, artırar.

Cənab Allah İsa Məsih üçün, "Əhli Kitabdan sənə iman etməyən heç bir fərd qalmayacaq." deyir. Nədir bu? Masson da iman edəcək deyir, Buddist olan da iman edəcək, hər kəs sənə iman edəcək deyir Allah. Amma İsa Məsih necə davranacaq? Hamısına sevgi ilə davranacaq, şəfqətlə. O dövrdə də İsa Məsih hər kəsi bağrına basırdı. Hər kəsə qarşı mərhəmətli idi.

Gözəl şeylər gözəl insanlara layiqdir. Gözəl olan hər şey ondan anlayana, ona şükür edənə, onu Allahdan gələn bir nemət olaraq görənə layiqdir.

Açılan İslami mərkəzlər iman mübarizəsi aparan elmi mərkəzlər olmalıdır. Bu mərkəzlərdə yaradılışın elmi dəlilləri, qalıqlar sərgilənməlidir. Quran möcüzələri və iman həqiqətləri izah edilməlidir. O zaman haqqı ilə faydalı olar.

Təbliğ edilən bir adama əvvəl ibadət deyil, iman təklif edilər.

İman həqiqətlərini izah edənlərə dəstək olmaq çox əhəmiyyətlidir. Quran möcüzələrini, Darvinizmin, materializmin etibarsızlığını, saxtakarlığını izah edən insanlara dəstək olmaq çox əhəmiyyətlidir. O zaman insanlar ortaq nöqtəyə gələrlər.

Türkiyə, Mehdiyyətin kölgəsi altındadır. Meydana gələn müvəffəqiyyətdə əsl təsir Mehdiyyətin ruhaniyyətidir. Yəni əsgəri həllə nəticə alınan deyil. Ruhaniyyətlə, Allahın xüsusi bir elmi ilə nəticə alınır.

Keyfiyyətsiz cəmiyyət yıxılmağa məhkumdur. Allah keyfiyyətsiz cəmiyyəti yıxır. Hz. Süleyman (ə.s) dövründə müasirlik, gözəllik, estetika, sənət, sevinc vardı. Allah dünya hakimi etdi. Hz. Zülqərneyn zamanında da elə sevinc, gözəllik, estetika, elm vardı. Allah dünya hakimi etdi. Allah onun xaricində icazə vermədi.Həmişə məhv oldu. Səbəb fanatizmdir.

Elə günlər gələcək ki, qadınlar tək başına Şama qədər gedə biləcəklər. Nə kommunist hücumu, nə PKK hücumu, nə qadınların bıçaqlanması, vurulması nə qadına zorakılıq, rüsvayçılıqlar, nə bu qoçuluqlar, bunların heç biri olmayacaq. Hər kəs qardaş olub bir-birini sevəcək. Hüzur və güvən içində yaşayacaqlar. Bu günlər çox yaxındadır. Yəni 3-5 ilə qədər hər şey çox dəyişəcək. inşaAllah, səy göstərməyə davam edək.

İnsan əsəbləşə bilər, boş ola bilər. İradəsini istifadə edib məğlub edəcək, sakitləşəcək. Özü haqlı belə olsa intiqam hissi duymadan , “tamam qardaşım” deyib kin saxlamadan haqqından imtina edəcək.

Hökumətlərin sosioloji, siyasi baxımdan, texniki istiqamətdən ən əhəmiyyətli ehtiyacları fəlsəfi dəstəkdir.

Peyğəmbərimiz (s.ə.v), "Mehdi (ə.s)-ı görən, qış olsa da, qar olsa da, buzda sürüşmək olsa da, sürünsə də onun yanına getsin" deyir. Orada nəzərdə tutulan "Soyuq hava deyə xidmətdən imtina etməyin." "Əgər Mehdi (ə.s)-ı tanıdınızsa, Mehdi (ə.s)-a ürəkdən bağlandınızsa fəaliyyətinizə davam edin". Mənası budur. Soyuq hava insanları fikrindən daşındırar bəzən. Soyuğu, qışı, qarı bəhanə etməyəcəksən, xidmətə davam edəcəksən.

Fəlsəfi dəstəkdə sol iflic olar. Biz hökumətə fəlsəfi dəstək təmin edirik. Solun iflic olmasının səbəbi Darvinizmi- materializmi yıxmağımızdır.