Adnan Oktar A9 TV; 2 yanvar 2015

Təbliğdə nə olacaq? Əziyyət, məşəqqət, çətinliklər, təhdid olacaq. Bunlar artdıqca təbliğin dəyəri artar, Allahın razılığını daha çox qazanarsan. Məqsədin əgər Allahın rızasını qazanmaqdırsa, rəhmətini qazanmaqdırsa. İki günlük dünya həyatı üçün elə qorxaqcasına, ürkəkcəsinə yaşamaq çox alçaldıcı bir vəziyyətdir.

İnsanın müqavimət göstərmə gücü çox böyükdür. Beyninə əmr verəcək, etməyəcək. Məsələn, İslama xidmət etməlidir; "çox yorğunam" deyir. Təlqinlə edirsən, yorğun olmaq da nədir? Sənə 5 min lirə verəcəklərini eşitsən göyə uçarsan. Yalan deyirsən, elə bir şey olmaz. Əldən düşmüşəm, yorğunam, az qala yerə düşəcəyəm deyir. Bir mənfəətin olsa, bax gör necə dəliyə dönərsən.

Küfrdə möhkəmlik yoxdur. Adamla danışırsan, bir də görürsən ki, gedib pislik edir. Kənarda azğınlıq, manyaklıq edir. Mənfəəti qədər yanaşmaq istəyir. Mənfəəti olmayanda gəlmək istəmir. Halbuki, İslamda mənfəət olmadan Allaha qul olmaq var. Ona görə çox gözəl yaşanır. Davamlı olaraq sabit bir düzgünlük var.

Ən yaxşı dincəlməyin sirri (təbiidir ki, Allah dincəltsin deyə etmərik, ancaq Allah rizası üçün edərik) Allahla tam əlaqə qurmaqdadır. Başqa cür dincəlmək olmaz. Yəni Allahla olan əlaqə qətiyyən zəiflədilməməlidir. "Sonra artıraram" demək də səhvdir.

İnsanlar Allaha tam təslim olmurlar. Mənfəətləriylə zidd düşəcəyi vaxt, dini tərk edəcək çox böyük bir insan kütləsi olduğunu görürəm. Mehdi (ə.s) isə, bütün mənfəətləriylə zidd düşsə belə, daim Allahın razılığını istəyən bir insandır. Çünki həyatın bütün yönlərindən əl çəkdiyi hədislərdən aydın olur.

Din olmasa həyatın bir mənası yoxdur, Allah qorusun. Mən din üçün, Allah üçün yaşayıram. Hamımız eləyik, inşaAllah.

Mömin Allah rizası üçün yaşayar, Allah rizası üçün də ölər. Allah rizası üçün yaşamadığı zaman həyatı cəhənnəmə dönər. Hər şey Allah rizası üçün olarsa o zaman həyat gözəl olar. Cənnət də Allahın rizasıyla gözəl olur.

Bəziləri ehtiyac sahibi qardaşlarımıza kömək etmək məsələsində “pulu haradan tapacağıq?” məntiqiylə danışırlar. Allah qat-qat bərəkətini gətirər. Savabı əhəmiyyətlidir, Allahın rizasını qazanmaq əhəmiyyətlidir. Rizasını qazansan Allah da bərəkətini gətirər. Rizasını qazanmaq əvəzinə xəsislik etsən, Allah əlindəkini də alar, malın-mülkün hamısı əlindən gedər.

Biz bir insanı sevsək Allah rizası üçün sevərik. Allah rizası İslama xidmətinə görədir. Bu, müsəlmanları birləşdirirmi? Vəhdəti təmin edirmi? Fitnəni qaldırırmı? Müxalifliyin qarşısını alır mı? Bunları görürüksə Allah rizası üçün sevməyimiz lazımdır. İbadət olaraq sevərik.

Sevgidə şirk olarsa bu olmaz. Məsələn; "mən yoldaşımı çox sevirəm, həyat yoldaşımı çox sevirəm" deyir. Bəs Allahı necə? "Onu da sevirəm" deyir. Olmaz. "Mən həyat yoldaşımı Allah rizası üçün sevirəm, yoldaşımı da Allah rizası üçün sevirəm" deməlidir. "Allahın təcəllisi olaraq sevirəm" deməlidir.

Bizim könlümüz axirətdədir. Bizim könlümüz Rəbbimizin razılığındadır. Vəzifədə, mövqedə deyil.

Dünyada görülən hər iş Allah rizası üçün olarsa dünyanın dəyəri olar. Allah rizası üçün olmazsa, bu zaman dünyanın da dəyəri olmaz. Axirəti məqsəd qoyaraq Allah rizası üçün edilsə faydası olar.

Bizim mükafatımız Allahın razılığı, rəhməti və cənnətidir. Biz Allahın razılığının arxasındayıq, inşaAllah.

Axirətdə mələklərin hamısını görərsiniz. Məsələn, söhbət zamanı necə yanınızda dayanmış, heyrətlənəcəksiniz, təəccüblənəcəksiniz. Haralarda dayanmışlar, necə seyr etmişlər, necə məmnun olmuşlar, necə xoşbəxt olmuşlar, hamsını görəcəksiniz. Allah Öz adına edildiyi üçün çox sevər, bəyənər.

Əsərlərimdə əsas mövzu Allah sevgisi və Allah qorxusudur. Məqsədim isə yaxşı və gözəl olan hər şeyin dünyaya hakim olmasıdır.

Allah nə gözəl imtahan mühiti yaradıb. Zəif insanlara Allah Özünü örtür, güclü insanlara da Özünü daha da açır, göstərir. İman onda qiymətli, daha gözəl olur. Çünki axtararaq tapırsan, əziyyət çəkirsən.

Fələstinli, israillilərin sayı çox azdır. Divarları yıxın dedik, inşaAllah yıxdıracağıq. Allah qoruyar, divarda elə bir güc yoxdur ki, qorusun. Divarı bomba ilə də dağıtmaq olar. Allah qoruyacaq. Allahın şəfqətinə, sevgisinə, mərhəmətinə sığınacaqlar.

Ən böyük nemət səmimiyyətdir. Allah Quranda təkcə səmimi qullarının xilas olacağını bildirir.

İnsanlar, haşa, Allaha qarşı çıxanda Allah ruzilərini, bərəkətini kəsər. İqtisadi böhranın açıqlaması budur.

Bizim kökümüz İslam, Qurandır. Allah təkcə onda bərəkət yaradar. Təkcə onda hüzur, dinclik yaradar. Ondan kənarda dünya süründü, vəhşi kapitalizmlə, kommunizmlə, faşizmlə məhv oldu.

Əgər bir sistem düşünürsənsə, bir yaxşılıq etmək istəyirsənsə onun mənşəyində mütləq Allah qorxusu və Allahın razılığı olmalıdır. Əks təqdirdə, Allah ayədə bildirir ki, özünüz də məhv olar, cəhənnəmin dibinə gedərsiz.

Allah, nuru və məhəbbəti Özündən qorxana verər.

Bizə türk milləti adını Allah vermişdir.

Nə gözəl! Allah vardır, əlhəmdülillah.

Allah "dində məcburiyyət yoxdur" deyir. Fanatiklər isə öz məntiqlərinə əsasən insanları məcbur etmək istəyir.