Adnan Oktar A9 TV; 9 sentyabr 2017

Allah bütün dünyanı mehdiyyətə doğru yönləndirir. Bütün baş verənləri yaradan Allahdır. İnsanlar hz. Mehdi hadisələri hazırlayır zənn edirlər, bu doğru deyil. Mehdi, Allahın yaratdığı hadisələr ardıcıllığının nəticəsində qarşımıza çıxacaq və hakimiyyətə vəsilə olacaq insandır. Mehdiyyətin əsas hədəfləri sevgisizliyin və ədalətsizliyin aradan qalxmasıdır. Bütün insanların axtarıb istədiyi mehdiyyətdir.

Allah insanları bacı-qardaş olmaları üçün fərqli ümmətlər olaraq yaratmışdır. Xristian və musəvi düşmənçiliyi Qurana uyğun deyil.

Allah insanların dünyanı sevməməsi üçün çoxlu tədbirlər alıb. Buna baxmayaraq, insanların dünyanı dəlicəsinə sevmə hərislikləri çox ibrətamizdir.

Allahın mövcudluğunun açıq-aydın dəlillərini gördükləri halda, insanları kortəbii təsadüflərin məhsulu olduqlarına inandırmağa çalışmaq çox böyük günahdır.

Axırzamanın ən böyük bəlalarından biri rəsmi, yuxarıdan aşağı baxan, özü kimi olmayan, sevgisiz insanların çoxalmasıdır. Bu, insanın təbii xarakterinə ziddir.

Bir insanın həqiqi üzünü görə bilməmək, həmişə taktika yürüdən bir insanla əlaqə qurmağa çalışmaq çox əzablı və çətindir. Səmimi insan çox olmur. İnsanların çoxu həyatı boyu olduqları kimi yaşamır. İnsanların həqiqi üzünü görmədən onlarla yaşamaq qorxuncdur. İnsanlar bir-birilərinin səmimi üzünü görə bilmədikləri üçün bir-birindən uzaq dayanırlar, yolda bir-birilərinə salam belə vermirlər.

Bir tərəfdən ənənəçi İslam anlayışı, digər tərəfdən darvinizmlə insanların incəsənət üfüqünü, mühakiməsini, düşüncə gücünü sındırdılar. İnsanların ruhlarında böyük boşluq yarandı. Bu boşluğu seriallar, lazımsız internet söhbətləri kimi boşluqlarla doldurmağa çalışırlar.

Cəhalət əslində ruhun qüsurudur. Allahı tanımayan, Allahı sevməyən, Allahdan qorxmayan insanların ruhlarındakı boşluqdur.

Cəhənnəmin mövcudluğu insanların daha tutarlı, tarazlı və ağıllı olmasını təmin edər. Müsəlman cəhənnəmin mövcudluğunu düşünərək ağıllı olar.

Dəccaliyyət hava, su kimi ehtiyac olan sevgini insanların əlindən aldı. Bu neməti zorla dəccaliyyətdən geri alacağıq, sevgi hakim olacaq.

Dəccaliyyət insanları bir tərəfdən darvinizmlə, digər tərəfdən ənənəçi ortodoks sistemlə mühasirəyə almış vəziyyətdədir, sevgini əllərindən alır.

Dəccaliyyətin sevgisizliyinə tabe olan insanlar mütləq düşmən olacaq birini tapırlar. Ələvi, yunan, ərəb, kürd, musəvi fərq etmir.

Ehtiras və sevgi Allahı çox sevənlərə cənnətdən gələn lütfdür. Süni, ruhunu robotlaşdırmış insanların heç vaxt sahib ola bilməyəcəyi nemətdir.

Gənclərin və insanların həsrətini çəkdiyi azadlıq, hüzur və keyfiyyət mehdiyyət dövründə qüsursuz olacaq inşaAllah.

Heç bir möcüzə ağlın ixtiyarını aradan qaldıracaq şəkildə olmaz, insanların məqbul görəcəyi şəkildə olar.

Hər insana xəstəlik hərdənbir tuş gələr və insanlar xəstəliklərlə imtahan olunarlar. Şəfanı da, xəstəliyi də yaradan Allahdır.

Hər kəsin başına polis qoymaq, insanlara nəzarət etmək mümkün deyil, lakin insanların vicdanını açmaq mümkündür. Bu da Quran əxlaqının yayılması ilə olar.

Həyatdakı ən mühüm prioritetimiz Allahın rizasının ən çoxunu qazanmaqdır. Bəzi insanlar hərdənbir Allaha güvənər, ona görə də çox əzab çəkər. Allaha hər zaman, hər vəziyyətdə tam güvənmək lazımdır. Allahın hər etdiyinin xeyir olduğunu bilmək lazımdır.

Heyvanların üzündəki məsumluq insanların məsumluğa olan ehtiyacını, məsumluğu görməyə olan ehtirasını qane etdiyi üçün çox sevilir.

İnsanlar bir-birindən qorxur, heç kim heç kimə salam vermir, güvənə bilmir, bu sevgisizliyi elmlə, irfanla aradan qaldıracağıq inşaAllah.

İnsanlar Quranı öyrənsələr, dini Qurandakı kimi yaşasalar İslamın çox asan olduğunu görər və sevə-sevə dindar olarlar.

İnsanların bir qismi iman etdiklərini deyirlər, lakin Allahdan qorxmurlar. Allah qorxusu hakim olsa, heç vaxt zorakılıq və müharibə olmaz.

İnsanların pullarını itirdiyi zaman ətrafındakıları da itirməsi bir çox insanın necə vicdansız hala gəldiyini göstərir. İmana əsaslanan sevgi olduqda insan pulu olsa da, olmasa da dostlarını heç vaxt itirməz. Həyat təkcə imanla yaşandığı zaman məqbul olur.

İnsanların ruh sağlamlığının güclü olması üçün Qurandakı ağılla və ruhla insanlara yanaşmaq lazımdır.

İnsanların sevdiyi insan sayı çox az olduğu üçün mənim coşğulu, səmimi, imandan irəli gələn sevgimi anlamaqda çətinlik çəkirlər. Mən səmimi olan hər kəsi çox sevərəm. İnanan, səmimi olan hər müsəlmanı sevmək fərzdir, əksi müsəlman üçün doğru olmaz.