Adnan Oktar A9 TV; 6 sentyabr 2017

Allah bütün dünyanı mehdiyyətə doğru yönləndirir. Bütün baş verənləri yaradan Allahdır. İnsanlar hz. Mehdi hadisələri hazırlayır zənn edirlər, bu doğru deyil. Mehdi, Allahın yaratdığı hadisələr ardıcıllığının nəticəsində qarşımıza çıxacaq və hakimiyyətə vəsilə olacaq insandır. Mehdiyyətin əsas hədəfləri sevgisizliyin və ədalətsizliyin aradan qalxmasıdır. Bütün insanların axtarıb istədiyi mehdiyyətdir.

Allah insanları bacı-qardaş olmaları üçün fərqli ümmətlər olaraq yaratmışdır. Xristian və musəvi düşmənçiliyi Qurana uyğun deyil.

Allah insanların dünyanı sevməməsi üçün çoxlu tədbirlər alıb. Buna baxmayaraq, insanların dünyanı dəlicəsinə sevmə hərislikləri çox ibrətamizdir.

Allah üçün ilk, öncə, sonra, yoxdur. Allah sonsuz qısa zaman içində hər şeyi bir anda yaratmışdır və bitmişdir.

Allahı sevən, Allahın sahibi olduğu həyatı da sevər. Allaha sevgi ilə yanaşan, həyatla da barışıqdır. Allah ilə barışıq olmayan özü ilə də, həyatla da barışıq olmaz. Allahı sevməyəni həyat da sevməz, həyat onu süründürər.

Allahın mövcudluğunun açıq-aydın dəlillərini gördükləri halda, insanları kortəbii təsadüflərin məhsulu olduqlarına inandırmağa çalışmaq çox böyük günahdır.

Axırzamanın ən böyük bəlalarından biri rəsmi, yuxarıdan aşağı baxan, özü kimi olmayan, sevgisiz insanların çoxalmasıdır. Bu, insanın təbii xarakterinə ziddir.

Bədiüzzaman Səid Nursi yay ayında qış kimi böyük bir hadisə baş verəcəyini, bunun da mehdiyyətin əlamətlərindən biri olduğunu söyləyir. Şeyx Nazim həzrətləri də illərlə əvvəl etdiyi bir çıxışında İstanbulda şiddətli dolu yağacağını, bunun Axırzaman əlaməti olduğunu izah edir.

Bərzani rəhbərliyinin İraqın konstitusiyasına zidd olmasına baxmayaraq, referendumda israr etməsi beynəlxalq qanunlara da ziddir.

Bir insan vicdanlı olma qərarı alıbdırsa onsuz da səmimidir. Özünü sıxmasına gərək yoxdur. Səmimi olub Allahın ilhamına tam tabe olacaq. Səmimiyyəti qorumaq da asandır. Qəlbimizə Allahdan gələn vəhyə tam tabe olduğumuz hər an səmimiyyəti qoruyarıq.

Bir məsələdə tənqid etdiyim zaman, yanlışı dediyim vaxt mütləq doğrunun nə olduğunu izah edər, yaxşılığa dəvət edərəm. Tənqidim sevgiylədir.

Bir ölkənin keyfiyyəti artdıqca iş saatları da azalar. Türkiyənin keyfiyyəti artdıqda, bu da düzələcək inşaAllah.

Darvinizm batil bütpərəst dinidir, şeytanın insanlara lağ etməsinin dinidir, darvinizmin keçərliliyinə dair heç bir elmi dəlil yoxdur.

Dini sanki haşa bir bəla halına gətirərək izah etdikləri üçün azad, şən, həyat dolu İslamı izah etdiyimiz zaman bəziləri şoka düşürlər. Din deyildikdə insanları sıxan, bezdirən, həyatdan qoparan bir sistem olmasının lazım olduğuna inanırlar. Bu dinsizliyi yaymaq planıdır.

Dünya sülhünün təmin edilməsi üçün tək bir ağılda birləşmək lazımdır. Bu da mehdiyyətdir. Mehdiyyət incəsənət, gözəllik, sevgi, qardaşlıq, ağıl deməkdir.

Ərəb nifrəti doğru deyil, millətimizin ənənəsinə də, inancına da uyğun deyil. İman edən insan irqə görə qiymətləndirmə aparmaz.

Hədislərə görə Axırzamanda 30-dan artıq böyüklü-kiçikli, aralarında qadınların da olduğu, dəccallar çıxacaq. İnsanlar hamısını bir-bir görəcəklər.

Hər insana xəstəlik hərdənbir tuş gələr və insanlar xəstəliklərlə imtahan olunarlar. Şəfanı da, xəstəliyi də yaradan Allahdır.

Hökumətimiz yaşlılara göstərilən qulluğu daha da yaxşılaşdıra bilər, lakin gənclər könüllü surətdə vəqf və dərnəklər vasitəsilə yaşlılara dəstək verə bilərlər. Gücü çatdığı halda yaşlı bir insanı qocalar evinə qoymaq düzgün olmaz. Yaşlıların tanıdıqları ilə, sevdikləri ilə birlikdə yaşaması gözəl olar.

İmtahan əziyyətlə olduğu zaman imtahandır. İnsanın ruhunun keyfiyyəti çətinlik və əziyyət zamanı ortaya çıxar. Dünyada əziyyət çəkməliyik ki, Allaha olan dəlisov sevgimiz tam ortaya çıxsın. Əgər əziyyət yoxdursa sevgi və eşq yaranmaz.

İnsan ağlı ilə hər şeyi, özünü də, ətrafını da gözəlləşdirə bilər. Bunun üçün əvvəlcə Allahı çox sevməsi və Allaha çox güvənməsi lazımdır.

İnsan hər nemətdə; "təşəkkür edirəm Allahım" deməlidir. Təşəkkür etdiyini görən başqaları da bu gözəl əxlaqdan nümunə götürər.

İnsan sevdiyini xoşbəxt görəndə o da xoşbəxt olar. Sevdiyini xoşbəxt görməyin zövqü ayrı şeydir, insana çox böyük həzz verər.

Münafiqlər öz düşüncələrinə görə Qurandan ayrı bir müsəlman modeli yaradırlar. Bu modelin mahiyyətində təkbaşına, yalnız var. Allah Quranda bir çox ayə ilə müsəlmanların birlik olmasının lazım olduğunu, ayrılıb dağılmağın isə haram olduğunu açıqca bildirmişdir. Müsəlmanların dağınıq olmasının lazım olduğunu demək, Qurana görə haramdır. Lakin İngiltərə dərin dövlətinin istədiyi müsəlmanların parçalanmasıdır. Buna görə münafiqlər də İngiltərə dərin dövlətinin istədiyi müsəlmanlıq anlayışının modeli olmağı üzərinə götürər və ağılsızcasına ayrılmağı müdafiə edər.

1400 il ərzində tale həmişə Peyğəmbərimiz (s.ə.v)-in dediyi kimi inkişaf etdi, bundan sonra da belə inkişaf edəcək. Bu əzabların sonunda gözəl günlər var.