Adnan Oktar A9 TV; 18 avqust 2017

Allah atomlardan çiçəklərə qədər hər yerdə böyük nizam və gözəllik olaraq təcəlli edir. Bunu ağlı ən zəif olan belə görər.

Allah hər sevənin köməkçisidir. Sevən sevgisini ifadə etmək istədikdə Allah o sevgini gözündən sevdiyi insanın qəlbinə axıdar.

Allah hər şeyi sonsuz qısa zamanda ən gözəl surətdə yaradıb bitirdiyinə görə Allahın uca ağlına güvənmək lazımdır. Təşvişə qapılmaq ağıl çatışmazlığını göstərər. Ağıllı olan təvəkkül etməkdir.

Allah sevgisi, Allaha aşiq olan üçün sirdir. İmanda səmimi olanlara verilən xüsusi elmdir. Bu elmi bilən böyük güc qazanar.

Allah yüzlərlə ayə ilə müsəlmanların himayədarlıq sistemində bir-birini qorumasını fərz etmişdir. Münafiq bu sistemi dağıtmağa çalışar. Münafiq möminləri deyil, küfr əhlini dost qəbul edər. Möminləri tərk edib küfr əhlinin yanında onlarla birlikdə yaşamaq Allahın istədiyini tərk etməkdir. Münafiq bütün bunları edərkən öz axmaq ağlı ilə Quran ayələrindən istifadə edər. Quranla Qurana qarşı mübarizə aparana Allah böyük bəla verər.

Allah zamandan asılı deyil. Zaman insan üçün keçərli olan məfhumdur. Əvvəl və sonra insan üçün keçərlidir. Allah dərgahında əvvəl-sonra yoxdur.

Allahı çox sevsək, yeganə eşqimiz olan Allahı çox zikr etsək, Ona çox yaxın olsaq Allah bizə həmişə doğru yolu göstərər.

Azərbaycan bizim canımız, qəlbimiz, parçamızdır. Çox dəyər verdiyimiz tərtəmiz mübarək insanların yaşadığı qardaş ölkəmizdir. Azərbaycanda da hər ölkədə olduğu kimi pislik istəyən zalımlar var. Bunlar Azərbaycana zərər vermək istəyir. Allah onları məğlub etsin. Azərbaycanın yeri mənim üçün ayrıdır. Azərbaycanın hüzur və sülh içində yaşamasını istəyirik. Azərbaycanlı qardaşlarımızı qətlə yetirən ermənilərdən bu zalımlığın mütləq hüquqi haqq-hesabı soruşulmalıdır. Lakin bütün ermənilərə nifrət etmək düzgün olmaz. Zalımlara qarşı olacağıq, məzlumların isə hamısını qoruyacağıq. Cinayət törətməmiş dinc günahsız insanlara nifrət etmək müsəlmana yaraşmaz. Yaxşılar ittifaq edəcək, dost olacaq. Azərbaycan və Türkiyə iki dövlət bir millət olaraq inşaAllah tarixdə gözəl şan qoyacaqlar.

Edam terrora həll yolu deyil. Terrorun ideologiyası, yəni həqiqi beyni aradan qaldırılmadan həmişə yeni liderlər və militanlar ortaya çıxar.

"Ey Rəbbim Sən mənim hər şeyimsən, Səni canımdan çox sevirəm, mənə yol göstər" deyə dua edənə Allah mütləq yol göstərər.

Həqiqi dost tapmaq dərin iman tələb edər. Dərin imanı olan insana Allah mütləq sevəcəyi, dost olacağı insanları yanına gətirər.

İran və Türkiyə iki dost ölkədir. Aramızı vurmağa çalışanlar boşuna çalışdılar. Şiələr nur kimi müsəlmandır, İranla həmişə dost olacağıq.

İslam Birliyi və mehdiyyət olmadan nə Arakan, nə Suriya, nə də başqa bölgədəki zülm üçün uzunmüddətli həll yolu olmaz.

Qadınların qorunması üçün əlimizdən gələnin ən yaxşısını etməyə çalışaq, gənclərimizi də bu məsələdə şövqləndirək. Qadınları qorumaq igidlikdir, onların sağlamlığını, səhhətini, imanını qorumağı təşviq etmək lazımdır, buna da həll yolu mehdiyyətdir.

Səmimi dost çətin tapılar. Allahdan səmimi qorxduğunu, Allahı çox sevdiyini, düşündüyün bir insanın Allahı daha çox sevməsinə vəsilə olsan o zaman o insanda Allah daha çox təcəlli edər və sən Allahın möhtəşəm təcəllisi ilə dost olarsan.

Qurana çox möhkəm sarılan insanın zehnində heç bir çaşqınlıq olmaz. Allahı tərk etdiyin an zehin çaşqınlığı başlayar, Allah qorusun.

Allah ilə hər an yüksək konsentrasiyada, dərin könül bağı ilə əlaqədə olmaq lazımdır.

İnsan üçün ən mühüm məsələ Allahı hər an yadda saxlamaqdır. Allah ilə əlaqənin kəsilməsi fəlakətin başlanğıcıdır. Əlaqədə bir an belə kəsilmə olmamalıdır. Allah ilə əlaqənin bulanıqlaşması belə fəlakətdir. Allah ilə həmişə olduqca konkret və iti əlaqə olmalıdır.

Allah duanın, səmimi, insanın özünün eşidəcəyi səslə için-için və ixlasla olmasının lazım olduğunu Quranda bildirmişdir.

Allah mənə 300-dən çox 65 min səhifədən ibarət külliyyat yazmağı nəsib etdi. Bu kitablar 100-dən çox ölkədə satılır. Kitablardan hazırlanan 1000 internet saytı var. Saytları hər ay 47 milyon insan ziyarət edir. Münafiqlər fitnə-fəsadla, pisliklə vaxt keçirərkən möminlər hər an xeyirli işlər görürlər.

Allah müsəlmanlara sevginin tam yaşama zəminini təqdim etmişdir. Küfr əhlində də sevginin tam yaşama zəminini əllərindən alır Allah. Sevginin yaşanması üçün lazım olan çox şərt vardır. Ən başda insanın Allahı çox sevməsi, Allahdan çox qorxması lazımdır. Eqoist olmaması, səmimi, vəfalı, təmiz, bağışlayan olması lazımdır. Bu cür onlarla şərt həqiqi sevginin yaranması və yaşanması üçün zəruridir. Bu şərtlərdən təkcə biri çatışmadıqda belə sevgidə ciddi sarsıntı yaranar. Küfr əhlində isə bu şərtlərin demək olar ki, hamısında əksiklik olduğu üçün, küfr əhlində sevgi ölü doğar.

Allah Özünü unudan insanlara az və ya çox sıxıntılar verərək Özünü xatırladar. Allah insanı mütləq müəyyən yolla Özünə yaxınlaşdırar. Bu, Allahın gözəl nemətidir.

Allah qəti var. Bəzi insanlar; "Allahdan əvvəl nə vardı?" deyirlər. Zamansızlığı düşünmədikləri üçün bu sual ağıllarına ilişir. Allah dərgahında əvvəl və sonra yoxdur, tək bir an var. Əvvəl-sonra anlayışları müasir fizikaya görə də yoxdur. Zaman insan üçün yaradılmış anlayışdır. Sonsuz qısa zamanda, yəni bir an içində, sonsuz uzun zaman yaşanıb bitmiş vəziyyətdədir.

Allah qorxusu hörməti təmin edər. Hörmət olmadan sevgi olmaz. Allah qorxusu və Allah sevgisi iç-içədir. Allah qorxusunun içində olan ən güclü duyğu Allaha qarşı xəcalətli olmamaq istəyidir.

Allahın razı olduğu yeganə şey sevgidir. Allah xromosomları, çiçəkləri, bitkiləri, böcəkləri, səmanı, içi maqma dolu yer kürəsinin üzərində güvən içində yaşamağımızı, hər şeyi təkcə sevgi üçün yaratmışdır. Allah sevildiyini görsə qulunu heyrətamiz sevər. Allah bütün gözəlliyi, yaxşılığı göstərdiyi halda, haşa Özü ilə maraqlanmayan, hətta Özünü unutmağa çalışan rəftar görsə bu Allahın qəzəbini cəlb edər.