Adnan Oktar A9 TV; 15 Mart 2013

Müsəlman səmimi olur. Eşqlə Allahı sevir. Simasını dəyişmir, canından olur. Səmimiyyətimizə təəccüblənirlərsə qoy təəccüblənsinlər. Sona qədər səmimi olmağa davam edəcəyik, inşaAllah.

Bir kəsi özündən çıxaracaq tərzdə danışıqlardan çəkinmək lazımdır. Həmişə İslam Birliyinin İsraili də qoruyacağını, qoruyucu ruhu olduğunu vurğulamaq lazımdır. Daxili, xarici işlərinə müdaxilə edərək deyil, sevgi ilə qoruyacaq.

Türkiyə böyük gücdür deyiləndə əsgəri, tankları, topları olan, hərbi güc mənasında başa düşürlər. Əslində isə sevgi, mehdiyyət böyük gücüdür. İsa Məsihdən qaynaqlanan, Allaha əsaslanan mükəmməl bir gücdür. Sevgi və məhəbbət, mərhəmət, şəfqət və qulluqdan qaynaqlanır. Yoxsa qoçuluq, böyüklük, böyük qardaşlıq, sıraya gətirmək ruhu deyil.

Amerika böyük gücdür, amma vurub yıxmaq mənasında deyil. Türkiyə mükəmməl sevgi gücüdür, mükəmməl iman gücüdür, Quranın mükəmməl gücüdür.

Müsəlmanın ilk xüsusiyyəti sevgi dolu olmasıdır. Sevgi dolu deyilsə o müsəlman deyil.

Daxili İşlər Nazirimizi Bədiüzzamana göstərdiyi hörmətə görə təbrik edirik. Ustadımıza olan sevgisi ilə könülləri fəth etdi.

Bizim modelimiz Quran modelidir, mehdiyyət modelidir, sevgi, eşq, söhbətin coşğusu modelidir.

Millətimiz harada sevgi, şəfqət var oraya dönər. Qəddarlıqdan qaçar, heç bir şəkildə oyunu verməz.

Biz sevgi üzərinə yaradıldıq. Sevgi ilə ürəyimiz rahatlayar. Nifrətdə boğularıq, bacarmarıq. Yəni ətimiz, sümüyümüz onu qaldırmaz. Bağışlayacağıq, hamısını qucaqlayacağıq.

Müsəlmanlar bir-birlərinə sevgilərini artırsınlar, bir-birlərinə bağlılıqlarını, məlumatlarını artırsınlar. Məsələləri mərhəmətlə, şəfqətlə, sevgi ilə həll etməyin üstündə dayansınlar.

Heç bir ölkəni, heç bir milləti alçaltmaq olmaz. Hamısına hörmətlə, sevgi ilə və şəfqətlə yaxınlaşmaq lazımdır.

Qürurla, üstünlük iddiası ilə İslam Birliyi olmaz, bunu heç bir ölkə qəbul etməz. Xidmət ruhu ilə, hörmətlə, sevgi ilə, şəfqətlə olar.

Dünya mərmi ilə deyil, iman və sevgi ilə düzələr.

Diyanət İşləri Başçılığı son dərəcə lazımlı və faydalı bir təşkilatdır.

Xəstəxanaların hotel kimi son dərəcə qəşəng və gözəl olması lazımdır.

Allah böyük hadisələrlə dünyaya bir şeyi xatırlatmaq istəyir. Hadisələrin hikmətlərini araşdırarkən ən son gəldiyimiz nöqtə yenə Mehdiyyətdir.

Keyfiyyətsizlik, çirk bir məmləkətdə yayılsa orada sənət, elm, estetika, ruh ölər, Allah əsirgəsin. Bu heç də gözəl deyil. Buna görə də gözəlliyi, estetikanı sona qədər axtarmaq, hər yeri gözəlləşdirmək lazımdır.

Süfyani Dəccalın Şamda qan axıdacağı məşhurdur. Mehdiyyətin son əlamətlərindəndir. Süfyan məğlub olacaq, qədəri elədir. Fərman Allahdandır. Allah elə yaratmışdır, inşaAllah.

Allahın razılığı, ən əhəmiyyətli mövzudur. Müsəlman bir şey edərkən həmişə Allahın razılığını tələb edəcək. İnsanlar nə deyirsə desin, nə edirsə etsin, mömin əsl məqsədi heç bir şəkildə unutmayacaq.

Sırf Mehdi (ə.s)-ı sevmək, İslam Birliyini istəmək belə bir qurtuluşdur.

Sevgisizlik ağılı dayandırdı. Ağıl dayananda iqtisadiyyat da dayanar. İnsanların şövqü, həyəcanı qalmadı. Bir-birlərinə yad oldular. Məhəbbət, dostluq yoxdur. Elə olunca ağrılar, iztirablar, çətinliklər bütün dünyanı bürüyür. Buna qarşı tədbir hz. İsa Məsihi Allahdan istəmək, Mehdi (ə.s)-ı Allahdan istəməkdir.

Mehdiyyət uyğunluq, mehribanlıq, yaxşılıq, gözəllik, hüzur, dinclik, şəfqət və mərhəmət deməkdir. Mehdiyyət dünya üçün vacib ehtiyacdır.

Mehdilərin xüsusiyyəti asanlaşdırmaqdır. Dini, əmri, həyatı asanlaşdırar, insanlar üzərindəki ağır zəncirləri qırarlar. Mehdi (ə.s)-ın da vəzifəsi asanlaşdırmaqdır. Ağır şərt zəncirlərini aradan qaldıracaq, amma xurafatçılar deyəcək ki, onların dinini öldürdü. “Bizim dinimiz ağır şərtli bir din idi, çox şərtlər vardı, bu dinimizi asanlaşdırdı, dini öldürdü" deyəcəklər.

İxlas bir şeyi yalnız Allah rizası üçün etməkdir. Yəni insanların təqdiri üçün etsə o etdiyi tamamilə faydasız olar, itər. Saflıqla "Allah nə deyər?", "Allah bəyənərmi?", "Allah razı olarmı?", "Allah məmnun olarmı?" müsəlman bunları əsas götürəcək. Bunu unutmamaq lazımdır. İxlasın əsas xüsusiyyəti budur.

Allah hər yerdə, təcəlli olar: Üzümüzdə, başımızda, qollarımızda. Allah hər yerimizi görər, təcəllisi hər yerimizi əhatə etmişdir. Daxilimizi, xaricimizi hər yerimizi bilər. Cənab Allah elmi ilə, təcəllisi ilə hər yeri əhatələmişdir.