Adnan Oktar A9 TV; 25 may 2016

İman, dərin iman bütün məsələ budur. Yoxsa çoxbilmişlik etmək, çox dünyagörüşlü olmaq, səkkiz dil bilmək, bütün ziyalı dünyagörüşünü su kimi əzbərdən oxumaq, izah etmək sıfırdır. Hətta bu insanlara xoş gəlməz, qəzəbləndirər. İnsanlar hikmət insanlarını sevər, dərin insanları sevər, dərin imanlı səmimi insanları sevərlər.

İslamın hakim olmasını istəyən, çox dərin imanlı olmalıdır. Çox ixlaslı və səmimi olmalıdır, heyrətamiz dərəcədə dərinləşməlidir. Allahın onu izlədiyini bilməlidir. Allahın hadisələri necə meydana gətirdiyini də izləməlidir.

Müsəlman son dərəcə həlim olmalıdır. Əziyyətə səbir edən, çətinliklərə səbir edən, acıya səbir edən olmalıdır. Zəiflik və kədərlənmə haqqul-yakin imanda olmaz.

Dərin imanlı çox az sayı olan bir cəmiyyət olsa, İslam dünyaya dərhal hakim olar. Bütün məsələ dərin imandadır. Allah insanların səyindən asılı etmir, insanların imanından, səmimiyyətindən asılı edir.

Allah bir ölkədə iman gətirən biri olduqda onu dərhal görər. Çünki Özü yaradır. Həmçinin hadisələr həmişə o insanın ətrafında ona görə meydana gələr. Allahın ən çox əhəmiyyət verdiyi dərin imandır, çox səy göstərmək deyil.

İnsanlarda ağıl az olub, zəka çox ola bilər. Dünyagörüşü, bilik çox olur, ətrafı, imkanları geniş olur. Lakin Allahı anlama və Allaha hörmət bəsləmə, Allahı sevmə gücü yüksək vicdan sahiblərində ola bilir.

İslam adı altında müsəlmanları gettolara dustaq edən, öz daxilində çürüyən bir sistem yaratmışdılar. Biz İslamın həyatın özü olduğunu göstərdik. Nəhəng və mərhəmətsiz bir hiyləni, müsəlmanları kilidləyən, çox kiçik dar bir sahəyə, gettolara həbs edən hiyləni yerlə-yeksan etdik. "Müsəlmanlar hər yerdədir" dedik. "İman hər yerdədir, Allah hər yerdədir" dedik.

Münafiqlik iman və səmimiyyətin qarşısında dayana bilməz. Darmadağın olar. Bu Allahın möcüzəsidir.

Meyvələrin hər birinin içindəki minerallar, vitaminlər, şəkər nisbəti, karbohidrat nisbəti, qoxuları, uyğunluğu, hamısı müəyyən və tam olması lazım olduğu qədərdir. Təsadüf demək çox böyük zülmdür. Qara torpaqda belə şey təsadüfən olmaz.

Necə ki, biz cəhənnəmi gördükdə cənnətin qiymətini daha yaxşı anlayırıqsa, cəhənnəm əhli kimi olan münafiqi gördükdə də müsəlmanların və imanın qiymətini daha yaxşı anlamış olarıq. Müqayisə aparmağa imkan yaradar.

İslam Birliyi üçün, əvvəlcə darvinist materialist düşüncə aradan qalxmalıdır. Dövlətin, təhsil müəssisələrində, hər yerdə elmi izahat verməsi lazımdır. İman həqiqətlərindən, Quran möcüzələrindən bəhs edilməli, imanla, Quranla meydana çıxılmalıdır.

Dünyadakı çətinliklər güclü imanın və Allah sevgisinin göstərilməsi üçün lazımdır. Çətinliklərin nemət tərəfini görüb Allaha həmişə şükür etmək lazımdır. Hz. Musa (ə.s)-ın imtahanındakı çətinliklərin hər biri Allahın onu sevməsi üçün vəsilə oldu.

Allah sevgisi, məşəqqət, səbir, ruhu çox gözəlləşdirdiyi zaman, insan cənnətdə Allahın təcəllisini gördüyü üçün, Allahı sevdiyi üçün çox güclü zövq alır. Buna görə də, dünyadakı hər 5-10 dəqiqə belə təhsil baxımından çox əhəmiyyətlidir.

Yarı imanla yaşamağı qəbul etməmək lazımdır. İnsanlar anadan, atadan iman öyrənirlər, onu sonuna qədər davam etdirmə zehniyyətində olurlar. Bu cür olmaz; təhqiqi, çox güclü, dərin sevgiyə əsaslanan iman olmalıdır.

İman çox ləzzətlidir və dünyadakı ən böyük nemətdir. İman zəifliyi isə əziyyətdir, ömür boyu iztirabdır.

Hər şey Allah sevgisi ilə gözəldir. Allahın hədiyyəsi olduğunu düşündüyün zaman nemətlərdən zövq alınar.

İslamın sevgisi, mərhəməti aparıcı olacaq, müasirlik, keyfiyyət, incəsənət, demokratiya, dünyəvilik, gözəllik, Allah qorxusu, Allah sevgisi, bütün dinlərə hörmət hər yerə hakim olacaq, Türkiyə də aparıcı olacaq.

Allahı sevən, peyğəmbərləri sevən, yaradılışın doğru olduğunu bilən dindar xristianlarla ittifaq etmək Axırzamanda çox əhəmiyyətlidir.

Estetika, incəsənət, gözəllik və ehtişam Allah qorxusu və sevgisi ilə meydana gələr. Allahı çox sevən gözəllik üçün çox diqqətli olar.

İman, ağıl, əlində də Quran; dünya belə bir insanın öhdəsindən gələ bilməz. Ən mühüm məsələ səmimi iman gətirmək, səmimi surətdə Allahı sevmək, səmimi surətdə Allahdan qorxmaqdır. Bunun üçün də, elə ədabazlıq edərək, hiyləgərlik edərək, söz güləşdirərək, söz ataraq İslamı hakim etmək mümkün olmaz.

Allah çox sevilmək istəyər. Allah bizi çox sevməyi, bizim də Özünü çox sevməyimizi istəyir.

Müsəlman Allahın ruhu ilə, Allah sevgisi və Allah qorxusu ilə sevər və nəticəsində də gözəl əxlaq, sevgi və ehtiras ruhuna sahib olar.

Allahı inkar edən, Allahı anlaya bilməyən bir insanın sevgini yaşaması mümkün deyil. Allaha vəfa göstərməyən sənə necə vəfa göstərsin. Allahın sənətini görə bilməyən, sənin gözəlliyini necə görsün. Allaha təşəkkür etməyən sənin necə qiymətini bilsin. İman olmadan sevgi olmaz. Allahı sevə bilməyən Onun gözəlliklərini görə bilməyən insanı heç vaxt sevə bilməz.

Mənim və dostlarımın şüarı dürüstlük, səmimiyyət, Allahdan qorxmaq, Allahı çox sevməkdir.

Münafiq və kafir oxuduğu kitablardan öyrəndiyini zənn edər. Cəhalət düşüncəsi ilə baxan Allahın öyrətdiyinə inanmaz. Məlumatı Allahın verdiyinə inanmaz. Həmçinin cahil elmə əsas elm gözüylə baxar. Halbuki müsəlmanları maraqlandıran əsil elm Qurandakı elmdir.