Adnan Oktar A9 TV; 8 sentyabr 2013

Qurana tabe olan müsəlmanlar hər şeyi xoş qarşılamalı, hər şeyə ağılla yanaşmalıdırlar. Həyəcanla baxmamalıdırlar.

Bəzi müsəlmanlarda “yaşasın holdinqçilik” düşüncəsi hakimdir. Bəzilərinə görə isə müsəlmanlıq ağac əkmək, sənayeni inkişaf etdirməkdən ibarətdir.

Şübhəli, ürəyi qara, yaxşı niyyətli, dürüst olmayan, ürəyində fəsad olan, insanların yaxşılığını istəməyən, sevgiyə, məhəbbətə istək duymayan bir insanın bəsirətini, fərasətini Allah bağlayar. Hərəkətlərinin yerini bilməz. Baxışı, danışığı, məntiqi pozular. Allah yolunu bağlayar, bərəkətsizlik verər.

Allah ağılı anbaan yaradır. Ağıl davamlı axar. Ağıl beynin içində durmaz. İnsanlar zənn edir ki, ağıl küp kimi mühafizə olur, elə bir şey yoxdur. Başın içi bomboşdur. Ağıl başa Allah tərəfindən çay kimi dayanmadan axar.

Allah səmimi insana ağıl verər. Bu açıq olan bir şeydir. Həmişə bütün peyğəmbərlərin, gözəl insanların ağıllı olduğu məlumdur.

Sən səmimiyyəti buraxsan əksiklik, çatışmazlıq da səni buraxmaz. Dürüst, səmimi olsan, əksiklik, çatışmamazlıq kimi görünən şeylərin doğru olduğunu, hər şeydə xeyir olduğunu görməyə başlayarsan.

Allahı sevmək ağıl və əmək tələb edir. Eləcə də həqiqi dindarlıq ağıl, incəlik, vicdan tələb edir.

Quran və ağıl bir-birilə çox bağlıdır. Quran saf ağıldır. Ağılın yoludur. İnsan Qurana uymaqla ağıllı olar. Quranın xaricində ağıllı olmaq mümkün deyil. Zəkalı ola bilər, amma ağıllı ola bilməz.

Qürur, eqoizm insanı dəli kimi göstərər. Eqoizm edən insan ağlını itirər, çirkinləşər.

Allahın sonsuz ağıl sahibi olması biz qulları üçün möhtəşəm rahatlıqdır. Əlhəmdülillah.

Əgər çox səmimi olsaq, Allahı eşqlə sevsək, onsuz da Mehdi (ə.s) tapılar. Sevgisizlikdən, səmimiyyətsizlikdən Mehdi (ə.s) tapılmır.

Quran, eyni zamanda, ağıl öyrədən kitabdır.

Quran çox sadədir. Quranın demək olar ki, yarıdan çoxu təkrardır. Bu, ayələrin daha da yaxşı qavranılması üçündür. Başqa sözlə, Allah bizə ağılın yığcam və sadə qaydalarını izah edir. Onu tətbiq edəndə xeyli ağıllı, qərarlı olarıq.

Quran oxuyan insanlar hər oxuduqları ayədən ağıllarının, əxlaqlarının daha da dərinləşdiyini biləcəklər. Bu Tövratda da vardır. Ona görə yəhudilər Tövratı gecə-gündüz oxuyarlar. Bilavasitə həm əxlaqı, həm şəxsiyyəti inkişaf edir.

Ən çox savab imanını artıraraq qazanılır. Yəni əgər sən savabının artmasını istəyirsənsə, səmimiyyətini çox artırmalısan, çox-çox savab qazanarsan. Səmimiyyətə bağlı olaraq imanını çox artırsan ondan da çox savab qazanarsan. Ən çox savab buradadır.

Səmimi olan hər kəslə dost olmaq olar. İnsanlar dürüst, səmimi olmalıdırlar. Yalan danışmamalıdırlar. Daxili ilə zahiri bir olmalıdır. Belə olan kəs nur kimi insandır.

İnsanın keyfiyyəti təmizliyindədir. Çirk və natəmizlik keyfiyyətsizliyin ən birinci əlamətidir. İnsanın düşünmədiyini göstərər. Ağıllı bir insan çirkdən, murdar olandan narahat olar. Olmursa bir problemi vardır. O adam keyfiyyətdən bəhs edə bilməz.

Səmimi müsəlman olduqdan sonra təşvişə düşməyə ehtiyac yoxdur. Səmimi müsəlman hər zaman qalib olur. Tövratda Allah bütün dünyada yalnız on adam olsanız, kifayətdir deyir.

Səmimi, yaxşı insanlar dünyada o qədər də çox deyil. Yaxşı, səmimi, sevgi dolu insanların bir-birini qoruması lazımdır. Əksinə, onların bir-birinin əleyhinə olması çox böyük sadəlövhlükdür.

Dua səmimi edilməlidir. Bunu xüsusi olaraq fikrini cəlb etməklə, səmimiyyət ruhu ilə əldə etmək lazımdır. Bir də çox uzun dua deyil, köklü, dərin və səmimi dua çox əhəmiyyətlidir. Səmimi olması lazımdır, inşaAllah.

Həqiqətən, əgər səmimi iman etsə, bir adam belə olsa, dünya hakimi olar. Məsələn, hz. Süleyman (ə.s) çox imanlı idi, Allah dünya hakimi etdi. Zülqərneyn (ə.s) tək idi, imanlı idi, Allah dünya hakimi etdi. Səbir, iman, səmimiyyət və dünyadan keçmək kifayətdir.

İslam Birliyi və mehdiyyət Risalə-i Nurun özüdür.

Qatı dinçilərin gizli dünyaları tam fərqlidir. Bu səmimiyyətsizliyi gördükləri üçün öz uşaqları belə qatı dinçilikdən iyrənir.

Biz Türkiyədə müsəlmanların parlaq simasıyıq.

Kini, əsəbi imanla aradan qaldırmaq lazımdır. Qurana tabe olan müsəlman hər şeyə məqbul, ağılla baxar. Bir insana əsəbləşmək yerinə onu qazanmağı əsas götürər.