Adnan Oktar A9 TV; 21 iyun 2016

Anqlosaks irqinin üstünlüyünə inananlar mənasız təkəbbürlük edirlər. Üstünlük, gözəl əxlaq və səmimiyyətdən asılıdır. Hər irqin bir-birindən gözəl yönləri var.

Vicdanının səsini dinləməyən gah ora gedər, gah bura, səndələyər. Vicdanının səsini dinləyərək səmimiyyətin yolundan heç ayrılmayan bir insanı Allah həmişə qoruyar. Bütün dünya bir yerə toplansa yenə heç nə edə bilməz.

Səmimi olmağın xüsusi bir sirri, xüsusi bir yolu var. Allah hər kəsə bunu nəsib etməz. Bu yolu tapan, bu səmimiyyət yolunda vicdanından heç uzaqlaşmadan davam edir. Məhz buna "siratəl-müstəqim" deyilir.

Səmimi olmaq asan deyil, çox çətindir. Səmimi olmaq, beyinin ən böyük sənətidir, vicdanın ən böyük sənətidir.

Münafiqlik iman və səmimiyyətin qarşısında dayana bilməz. Darmadağın olar. Bu Allahın möcüzəsidir.

İman, dərin iman bütün məsələ budur. Yoxsa çoxbilmişlik etmək, çox dünyagörüşlü olmaq, səkkiz dil bilmək, bütün ziyalı dünyagörüşünü su kimi əzbərdən oxumaq, izah etmək sıfırdır. Hətta bu insanlara xoş gəlməz, qəzəbləndirər. İnsanlar hikmət insanlarını sevər, dərin insanları sevər, dərin imanlı səmimi insanları sevərlər.

Səmimiyyət çox mühümdür. Yoxsa səhərə kimi də danışarıq, heç nə olmaz. İxlasla izah edilən on dəqiqəlik bir izahat bütün dünyanı sarsıdar.

İslamın hakim olmasını istəyən, çox dərin imanlı olmalıdır. Çox ixlaslı və səmimi olmalıdır, heyrətamiz dərəcədə dərinləşməlidir. Allahın onu izlədiyini bilməlidir. Allahın hadisələri necə meydana gətirdiyini də izləməlidir.

Dərin imanlı çox az sayı olan bir cəmiyyət olsa, İslam dünyaya dərhal hakim olar. Bütün məsələ dərin imandadır. Allah insanların səyindən asılı etmir, insanların imanından, səmimiyyətindən asılı edir.

Həqiqi sevginin ola bilməsi üçün insanın qarşısındakının səmimiyyətini görməsi lazımdır. Səmimiyyəti görən qadın ehtirasla sevər.

İnsanlar informasiyanı hər yerdə tapa bilər, lakin əsil axtardıqları şey səmimiyyətdir. Buna görə möminlərin səmimiyyəti təbliğdə çox əhəmiyyətlidir.

Mənim və dostlarımın şüarı dürüstlük, səmimiyyət, Allahdan qorxmaq, Allahı çox sevməkdir.

İmam Mehdi (ə.s)-ın mədrəsə təhsili yoxdur. Bir alimə, hocaya bağlı deyil. İmanıyla, səmimiyyətiylə təsir göstərəcək.

Hazırda müsəlmanların etdiyi təbliğ üsulunda məlumat kafi deyil, mədəniyyət kafi deyil, müasirlik qəti kafi deyil. Bunlarla olmaz. Dərin iman, dərin səmimiyyət, dərin ağılla olar. Ən təsirlisi budur.

İnsanlar Allaha qarşı dürüst olmasalar Allahın rahatlıq verməyəcəyi bəllidir. Allaha müqavimət göstərirlər, müqavimət göstərdikcə də Allah əzir. Halbuki Allaha müqavimət göstərməsələr Allah əzməz, çox rahat olarlar. Bəziləri özlərini çox ağıllı zənn edir. Haşa Allahla döyüşdüyünü zənn edir. Halbuki Allah üçün onlar heç nədir.

Mənəvi təxribat dayandırılmadıqca heç bir əsas mövzuda tam çözüm yarana bilməz. Səmimi imana vəsilə olacaq bir təhsil sistemi olmalıdır.

Din olması üçün səmimiyyət olmalıdır. Bunun üçün də dinsizliyin fəlsəfəsi olan darvinizmə elmi yolla cavab vermək lazımdır.

Allah sevdası, səmimi olan və Allahı dərin eşqlə sevənlərə möcüzəvi nemət kimi yaşadar.

Allahı səmimi sevənlər bir-birlərini çox yaxşı qorusunlar. İngiltərə dərin dövlətinin oyunlarına qarşı Allahı səmimi sevənlər müttəfiqdir.

Quranı doğru təfsir etmək və Qurana tam tabe olmaq üçün ərəbcə bilmək şərt deyil. Ərəbcə bilmək şərt olsaydı, milyonlarla ərəb ən yaxşısı olardı. Mühüm olan səmimi və dərin imandır. Bu da iman həqiqətləriylə, qəlb və ağlın imanı ilə mümkündür.

Qadınlar çox ağıllı olduqları üçün qarşılarındakı insanın səmimiyyətsizliyini, ağıl zəifliyini dərhal görürlər. Ağlı zəif bir insanın ağıllı kimi davrandığını zənn etməsi, qarşısındakını aldatdığını zənn etməsi qadınları daha da hirsləndirər. Demək olar ki, sevəcək birini tapa bilmirlər. Rola girmədən, maska taxmadan, oyun oynamadan yanlarında bir üzlü kimsə olmur. Ömür boyu tənha, sevgisiz yaşayırlar.

Mehdinin etdiyi təbliğ insanların qəlbinin ən dərinliyinə işləyəcək, səmimi imana vəsilə olacaq inşaAllah.

Ən mühüm olan səmimiyyətdir. Allah səmimi qulların xilas olacağını bildirmişdir.

Səmimi olmaq zövqlüdür. Bədən üçün xeyli şəfadır. Səmimiyyət insana fərahlıq verər. İnsan səmimi olmasa sıxılar, yəni ağlı kütləşər, sıxıntıya qapılar. Səmimi olduğu zaman rahat olar.

Səmimi mömin, yaxşı insan əsla çirkin olmaz. Allah onu mütləq gözəlləşdirər.