Adnan Oktar A9 TV; 15 fevral 2017

Qulağa gələn atomları və elektriki beyində danışıq, musiqi, tiz və bas tənzimləməsi icra edilmiş şəkildə eşitmək heyranedici möcüzədir. Qulaqdan gələn elektrik keyfiyyətini insan təkcə uğultu şəklində qəbul edə bilər. Lakin musiqi kimi eşidir, istiqaməti bilir, əsas tiz və bas seçimi edir.

Görmənin gözlə əlaqəsi yoxdur. Göz təkcə elektriki ötürən mövqedədir. Təsviri beyinin içində işıltılı görən biri var. Təsvirin yaranması üçün beyinə gələn elektrik çox zəif elektrikdir. Bu zəif elektriki üçölçülü aydın təsvir kimi görmək böyük möcüzədir.

Beyinin içində gözü olmadan görən kimdir? İnsanlar bunu sorğu-sual etməlidir. Elektrik siqnallarını üçölçülü mükəmməl təsvir olaraq görən ruhdur.

Bəzi insanlar dolanışıq dərdinə qaldıq deyirlər, zülm altında əzilən müsəlmanları unudub qəflətə qapılırlar. Bu böyük vicdansızlıqdır. Dolanışıq dərdinə qalıb qəflətə qapılanlar ölümlə birlikdə hər şeyi geridə qoyacaqlarını unudur, sanki qəflət yarışına girirlər.

Atomda, molekulda, xromosomda görünən ağıl insanın ağlından qat-qat üstündür. İnsanların bunu düşünməməyi şeytani qəflət ucbatından olur.

İnsan ağlı qəflətə çox meyillidir. Tək bir saç telində o insanın eynisi var, o insana dair bütün məlumatlar var. Lakin qəflətlə baxan düşünə bilmir.

Allah sevgisi insanda ətalətə icazə verməz. Müsəlman qafil olmaz. Hər zaman çevik, canlı və diqqəti açıqdır. Qafil olsa bəla hər tərəfdən bürüyər insanı. Allah qorusun.

Əyləncə, İslam, Quran, yemək-içmək, hər şey; həyat tək halda bütövdür. İslamdan ayrı həyat yoxdur. Yəni; "bir hissəsi İslami, bir hissəsi də qeyri-islami" olmaz. Hər nəfəsində İslam var; əylənərkən, gülərkən, yatarkən, uzanarkən, qalxarkən; ağlına gələn hər yerdə İslam var. İslamın olmadığı bir yer qəflət deməkdir, pərişanlıq deməkdir.

Kainatın uca Memarı, uca Yaradanı Allah Özünü pərdələmişdir. Sevənə pərdəni açır, qəflət gözüylə baxana pərdəsini bağlayır, o zaman onlar görə bilmirlər. Axırzaman şəxsi (Mehdi) üçün də elədir; sevənə pərdəsini qaldırır, Özünü sevməyənə o adamı da göstərmir.

Gözün , görmə mərkəzinin kor olduğunun şahidi oluruq . Bəs onda görən, beyindəki elektrik cərəyanını izləyən kimdir? Baxın, əsl “mən”, insan deyilən varlıq odur, yəni əsl görən varlıq odur.

Gözlər yalnız kamera funksiyasını həyata keçirir. Adi iki ədəd kamera kimidilər. Kameralar elektrik cərəyanını video qeyd ediləcək yerə necə aparırsa, o da eynilə aparıb beyindəki lazımi görmə mərkəzinə lentləri yerləşdirir, elektrik olaraq çatdırır. Bununlada işi bitir.

"Görmək üçün gözə ehtiyac var" deyirsən. Ruh gözsüz görür. "Eşitmək üçün qulağa ehtiyac var" deyirsən. Ruh qulaqsız eşidir. Ruhun toxunmağa barmağı yoxdur, lakin hiss edir. Ağzı yoxdur, dad bilir. Dili yoxdur. İNSANLAR ƏSL İNSANI BİR TƏRƏFƏ QOYUB, CƏSƏDLƏ MƏŞĞUL OLURLAR. Artıq o cəsəddir.

Allah bu qədər təfərrüat yaratdığı halda bir insanın, haşa Allahı heç düşünməməsi ola biləcək ən böyük nankorluq, vəfasızlıq və əxlaqsızlıqdır.

Arıda, quşlarda, baxdığımız hər yerdə böyük incəsənət var. İnsanların bir hissəsi isə heç düşünmədən bir-biri ilə döyüşməklə məşğuldur.

Allah çox böyükdür. İnsanların bir hissəsinin Allahı heç düşünmədən yaşaması çox təəccübləndirici haldır. Bunu anlamaq qeyri-mümkündür.

Atomların quruluşu çox möhtəşəmdir, atomlar 15 milyard ildir ki, enerjisi bitmədən, heç vaxt bir-birlərinə toxunmadan həmişə hərəkət edirlər.

Allah sonsuz gözəl varlıqdır. Dəyərinin ən çox bilinməli, ən çox sevilməli olan varlıq Odur. İnsanların böyük əksəriyyəti çox nankordur, bu nankorluğa necə sahib olduqları çox təəccübləndirici haldır. İnsanların Allahın dəyərini bilməmələri çox ibrətamizdir.

Çiçəyin torpağın içində çox nazik kökləri olur, bu köklərlə torpaqdan kalium, maqnezium, faydalı hər şeyi qəbul edir, zərərli olanı isə qəbul etmir. Köklə torpaqdan qəbul edilən metalları su ilə daşıyır, incə-incə hansı rəng üçün hansı maddədən istifadə edəcəyini bilir, tam ölçüsündə istifadə edir. Gözü olmadığı halda tək-tək yağlı boya portreti kimi boyama fəaliyyəti icra edir, hər rəngin sərhədləri müəyyən olur və çiçəyin möhtəşəm rəngləri meydana gəlir.

Gənc qızların bir hissəsi evlilik məsələsində maddiyyata görə düşünüb sanki dəliyə dönürlər. Evliliyə verdikləri əhəmiyyəti, haşa Allaha vermirlər.

Planetlərin orbitləri üzrə fırlanmaları nəticəsində ortaya çıxan naxışlar Allahın möhtəşəm həndəsi sənətinin təcəllisidir.

İnsanların zalım, nankor olması Allahın sevmədiyi haldır. Nankorluq çox qorxunc əxlaqdır. Allahın verdiyi nemətləri həmişə saymaq lazımdır. Müsəlmanın nemətləri həmişə yadda saxlaması və Allahı çox sevməsi lazımdır.

Namaz çox köhnə, qədim bir ibadətdir. Tarix boyu bütün qövmlərdə namaz ibadəti olmuşdur. Qayaüstü təsvirlərdə də bu həqiqət görünür.

Buddizm haqq dinin pozulmuş halıdır. Budizmin içində də namaz, oruc, zəkat kimi ibadətlər dəyişmiş halda var.

Allah möhtəşəm gözəlliklər yaradır. Bu gözəllikləri, bu nemətləri həmişə xatırlamaq, bəhs etmək əhəmiyyətlidir.

Amerika ilə Rusiya arasında gərginlik yaranmasının heç bir zərurəti yoxdur. İki ölkə arasında müdafiə paktı bağlansın, rahat yaşasınlar. Rusiya ilə Amerika silah xərclərini yarıbayarı azaldıb xalqlarının rifahı üçün xərcləsinlər.