Adnan Oktar A9 TV; 25 oktyabr 2014

Hər yerə fikir adamı, düşünəbilən insan göndərmək lazımdır. Türkiyənin, Amerikanın çox gözəl imkanları var; radioları, televiziyaları, qəzetləri var; istifadəmizə versinlər, çox gözəl bir təbliğat fəaliyyəti icra edək. Bir ay belə çəkmədən hər yerde əminamanlıq olar.

Hz. Süleyman nemət əldə etmək üçün çalışmadı, nemətdən qaçdı, nemət ona tərəf gəldi. Hz. Yusif (ə.s) nemətdən qaçdı, nemət onun arxasınca getdi. Mən ömrüm boyu nemət əldə etməkdən qaçdım. Həmişə neməti Allah yanıma göndərdi. Əlhəmdülillah.

Səhabə dövründə həmişə şəfqətlə, sevgiylə xeyir qazanılmışdır. Həmişə Peyğəmbərimiz (s.ə.v)-in sevgisi ad-san qazanmışdır, yüz minlərlə insan karvanlar halında müsəlman olmuşdur. Şiddətdən istifadə edildiyi üçün deyil; sevgidən ötrü iman etmişlər.

Cihad “cəhd etmək”, səy göstərmək deməkdir. Adam “Cihad”-ı qırğın olaraq anlayır. Birini sən qırğın edərək razı salacağına, fikirlə razı etsən daha doğru deyil? Sən adamı öldürəndə adam yox olar, bir daha müsəlman ola bilməz o! Təbliğ etsən, izah etsən iman edər.

Dövlət bizə TRT 6 və ŞEŞ TV kanallarını açmalıdır. Biz konfrans keçirməklə nəhəng Cənub-Şərq bölgəsini, Anadolunu xəbərdar edə bilmərik. Dövlətin professorları, dosentləri var. Biz məlumatı verək, onlar da çıxıb izah etsinlər. Bunun başqa yolu yoxdur.

Bizim Cənub-Şərq bölgəsində evbəev, küçəbəküçə gəzib anti-kommunist, anti materialist təbliğat aparmağımız mümkün deyil, amma Şeş TV vasitəsilə bu çox asanlıqla edilə bilər.

Dövlət Şeş TV-ni nağara-zurna havasının yayımlandığı bir kanala yox, kommunizmin, darvinizmin etibarsızlığını, Stalinizmin vəhşiliyini izah edəcəyimiz televiziya proqramlarının yayımlandığı bir kanala çevirsin. Bu çox vacibdir.

PKK Cənub-Şərq bölgəsini səs-küylə boğacağını zənn edir. Bütün küçələr, prospektlər, bir sözlə, hər yer PKK tərəfdarları ilə dolsa belə, bizim oranı təmizləməyimiz ən uzağı 48 saat çəkər. Beləliklə də, PKK qaçıb gizlənəcəyi bir deşik axtarar. Ağıllarını başlarına yığsınlar.

Təhdid nemətdir. Təhdid olan mühitdə İslamı izah etmək ibadətdir. "Təhdid olmasın, mən də ibadət edim" deyir. Elə olduqda ibadətin savabı xeyli azalar. Halbuki, müsəlman çox savab qazanmaq istəyir. Bir milyon savab qazanmaq olduğu halda, niyə bir savaba razı olursan?

Allah Öz yolunda olmayana rahatlıq verməz. "Təbliğ edərəm, amma bir şərtlə ki, gərək çox rahat olam". Sən onsuz da təbliğ etmək istəmirsən. Təbliğ, rahatçılıq olmadan edilən fəaliyyətə deyilir.

Təbliğdə nə olacaq? Əziyyət, məşəqqət, çətinliklər, təhdid olacaq. Bunlar artdıqca təbliğin dəyəri artar, Allahın razılığını daha çox qazanarsan. Məqsədin əgər Allahın rızasını qazanmaqdırsa, rəhmətini qazanmaqdırsa. İki günlük dünya həyatı üçün elə qorxaqcasına, ürkəkcəsinə yaşamaq çox alçaldıcı bir vəziyyətdir.

Biz dünya səviyyəsində darvinizmi elmlə, mədəniyyətlə məhv edincə müsəlmanların əli hər yerdə gücləndi. Müsəlmanlar sinələrini gərərək gəzirlər. Solun başı yerə düşdü.

Mehdiyyət sırf təbliğ ilə dünyaya hakim olan bir güc deyil. Hal-hazırda mehdiyyətin bütün qapıları açılır. Bunu edən mehdiyyətdirmi? Mehdi (ə.s) edirmi? Xeyr, Allah edir. Hal-hazırda mehdiyyətin önündəki bütün maneələr bir-bir aradan qaldırılır. Mehdiyyətin bütün sistemi hazırlanılır. Bu Allah tərəfindən yerinə yetirilir.

Bizim izah etdiyimiz, dünyanı qurtaracaq bir müsəlmanlıq anlayışıdır. Sevgi, sülh, qardaşlıq, xeyirxahlıq, gözəllik, sənət, estetika var, qadınlar baş tacı edilir, qadınlar sərbəstdir, uşaqlar və cavanlar azad və sərbəstdir, hər yerdə nəşə, sevinc hakimdir.

Dürüst, səmimi, açıq, parlaq bir zehniyyət, şəffaf bir dünyadan bəhs etmək lazımdır. Mövzuları Quranla, ayələrlə izah etdikdə insanların qəlbində bir rahatlıq və hüzur meydana gəlir. Yoxsa insanlara əhli dünya üslubu istifadə edirsən, insan öləcəyini bilir. Sən sanki uçursan, amma sənin uçmağın onu qorxudar, ürküdər. Amma sən Allahın varlığından xəbərdarsansa adamın qəlbinə rahatlıq gələr.

Müsəlmana güllə atılmaz. Bu uğursuzluq gətirər, bəla gətirər. Çox böyük bir əxlaqsızlıqdır. Qarşılığı əbədi Cəhənnəmdir. Müsəlmana təbliğ edərsən, izah edərsən ayə ilə, hədislə, Quranla. Sən qatilsən ki? Havadan bombardman etmək nə deməkdir? Mühakimə edərsən, günahı varsa həbs edərsən.

Biz dindarlığı Türkiyədə yayırıq, amma xurafatçılıq şəklində düşünürlərsə buna icazə vermərik.

Siyasət öz daxilində çox mərhəmətsizdir. Asan iş deyil. Ona görə də İslamı yaymağa səy göstərən insanların edəcəkləri şey; iman həqiqətlərini izah etmək, Quran möcüzələrini izah etmək, imanı gücləndirmək, öz imanını gücləndirmək, şövqünü artırmaqdır. Yoxsa bu cür şeylərin öhdəsindən gələ bilməz.

"Hocam izah edirik, təbliğ edirik, bizimlə lağ edirlər" deyirlər, kim lağ elətdirir? Allah elətdirir. Təbliğ ilə lağ eyni anda yaradılır. Təbliğin, ibadətin qiymətini artırmaq üçün Allah tərəfindən edilən gizli bir nemətdir bu. Küfrün əleyhinə, möminlərin lehinədir. Mömin üçün lütfdür, küfr üçün bəladır. Sən lağ etmələrinə fikir vermədikdə savabın qat- qat artır.

Təbliğ edərkən savabın üçdürsə, lağa qoyularkən davam etsən otuz olar. Lağın dərəcəsi böyükdürsə üç yüz olar. Olduqca böyükdürsə üç min olar. Sənin məqsədin nədir? İbadət deyildirmi? Allah sənin üçün ibadət yaradır.

Amerika Allaha təslim olsun, darvinist-materialist təhsili dayandırsın. Dinsizliyə qarşı öz münasibətini bildirsin. Amerika dindar olduğu vaxt çox zəngin idi, dindarlığı tərk etdikdən sonra kasıblaşdı.