Adnan Oktar A9 TV; 27 oktyabr 2016

Ənənəçi müsəlmanlıq, dinin mütləq çətin olmasını istəyir. Əsasən vəsvəsə hakim olur. Quranın kafi olduğunu anlamaları çətin olur.

Dünyada imtahan üçün verilən müddət də tam idealdır. İslam asanlıq dinidir. Allah insanlardan çətinlik istəmir, "Məni sevin sizi Sevim" deyə buyurur.

Mehdiyyətin əsas xüsusiyyətlərindən biri insanları gözəlliklə doğruya dəvət etməsi və dini Quranda olduğu kimi asanlaşdırmasıdır.

Dəccaliyyət dini mümkün qədər çətinləşdirər. Mehdi isə dini mümkün qədər asanlaşdırar. Bu asanlaşdırma Allahın möminlərə nemətidir.

Dini, yaşanması qeyri-mümkün bir şey kimi və ürküdücü göstərirlər, dinə xidmət edirmiş kimi görünüb insanları dindən uzaqlaşdırırlar.

Bizim həyat dolu İslam anlayışımız Quran müsəlmanlığıdır. İnsanlara İslamı çətin göstərən dəccaliyyətdir. Gözəl olan hər şey İslamdadır.

Dinin asan olduğu Allahın hökmüdür. Allah Quranda İslam barədə, "İbrahimin dini kimi asandır" deyə buyurur. Dini çətinləşdirmək şeytanın oyunudur.

Din ənənəpərəst müsəlmanların göstərdiyi kimi çətin deyil, asandır. Şirkə alışanlar dinin asan olduğunu gördükdə heyrətlənirlər. (Həcc surəsi, 78: Allah üçün lazım olduğu kimi mübarizə aparın. O, sizi seçmiş və dində sizin üçün heç bir çətinlik yaratmamışdır, atanız İbrahimin dini(ində olduğu kimi). O (Allah) bundan daha əvvəl də, bunda (Quranda) da sizi "müsəlmanlar" olaraq adlandırdı; elçi sizə şahid olsun, siz də insanlara şahid olasınız deyə. Artıq doğru-düzgün namazı qılın, zəkatı verin və Allaha sarılın, sizin mövlanız Odur. Budur, necə də gözəl mövla, necə də gözəl köməkçi.)

Allah Quranı insanların öyüd alması üçün asanlaşdırdığını bildirir. Şirk zehniyyətində olanlar isə Quran anlaşılmazdır deyə yalan söyləyirlər. (Qamər surəsi, 17: And olsun ki, Biz Quranı zikr (öyüd alıb düşünmək) üçün asanlaşdırdıq. Amma öyüd alıb düşünən vardırmı?)

Din insanı çıxılmaz vəziyyətlərə sürükləməz. Allah səmimiyyəti əsas götürər. Din sadə və asandır.

İnsanlara namazı çox çətin göstərdikləri üçün bir çox insan namaz qılmaqdan uzaq qalır. Namaz çox zövqlü və asan ibadətdir. Namazı və dəstəmazı çətinləşdirmək şeytanın insanlara oyunudur. Allah Quranda dəstəmazı bir ayədə izah edir, insanlar onun barəsində 300 səhifə kitab yazırlar.

Dini çətinləşdirmək, içindən çıxılmaz hala gətirmək və dini yaşamayan kütlə meydana gətirib, dini yox etmək şeytani sistemdir. Halbuki, Allah bizə Quranla çox asan bir din təqdim edir. Bütün cəmiyyətlərin yaşayacağı bir din. Bunu tərk etdirib, yerinə, yaşana bilməyəcək, cəhənnəmə çevrilmiş bir din anlayışı gətirirlər.

İslamı yaşana bilməyəcək hala gətirdikdə bunu qəhrəmanlıq zənn edir. Haramların çox olmasını istəyir. Öz meydana gətirdiyi haramlara da tabe olmur. Yoxsa "hər şey halal olar" deyir. Qardaşım, hər şey halaldır, doğru. Çox az haram var. İslamda belə çətinlik yoxdur. Namazlar da olduqca asandır. Dini çətinləşdirib məhv edirlər.

Din, ənənəvi İslam anlayışına sahib insanlar tərəfindən cəhənnəm kimi təqdim edilir. İnsanın ağlını, fərasətini, bəsirətini bağlayan, bütün mühüm yönlərini yox edən, incəsənəti, estetikanı və gözəlliyi məhv edən, sanki insanın xoşbəxtliyinə düşmən olan bir sistem kimi. İnsanı şizofren hala gətirən, məhv edən sistem. Ənənəvi sistemdə bir insanın ruh və bədən sağlamlığının normal qalması qeyri-mümkündür.

Şeytan namazdan uzaqlaşdırmaq üçün insanı təfsilatlara boğmaq istəyər. Namazı pozan minlərlə əlavələr gətirib namazı çətinləşdirirlər, halbuki namaz asandır. Buna görə də, Allah Quranda heç bir təfsilat qeyd etməmişdir; rüku, səcdə və qiyam. Qıl, çıx. Bu qədər.

İslam asan və sadədir. Dini yaşamaq asandır. Bütün məsələ səmimi olmaqdadır.

Dini o qədər qarışıq hala gətirdilər ki, insanlar İslam deyə tam fərqli xurafat dini öyrəndilər. Quran kifayətdir, açıqdır və dəqiqdir.

İslamı, elm, incəsənət və həyatın gözəl tərəflərini öldürən sistem zənn etdikləri üçün dindən uzaq dayanırlar. Halbuki İslam sevincin, həyatın özüdür. İslamı sevinci yox edən sistem zənn etdikləri üçün qocalanda dini yaşayarıq deyirlər. Halbuki İslam insanlara təzyiq tətbiq edən bütün qaydaları aradan qaldırar.

Bəziləri İslamı yaşanması çətinmiş kimi göstərərək insanları dindən uzaqlaşdırmağa çalışırlar, halbuki İslam azadlıqlar dinidir. İslamın yayılmasını istəməyən bəzi kəslər, dini dekolteyə qarşı kimi göstərməyə çalışırlar, boşuna çalışırlar.

Peyğəmbərimiz (s.ə.v)-in vəfatından bir müddət sonra İslam əslindən uzaqlaşıb şirk dininə döndü, bu şirk dini getdikcə inkişaf etdi və İslam aləmi şirkin içində boğulan oldu. Dəccaliyyətin işi o qədər asanlaşdı ki, müsəlmanların əlindən elmi, incəsənəti, sevinci, həyatı aldı və asanlıqla əzdi. Biz də Qurana görə İslamda bunların hamısının qanuni və doğru olduğunu göstərdik.

Peyğəmbər adından uydurulmuş xurafatları din halına gətiriblər. Bu İslam deyil, xurafat dinidir. İslam dini Quranda izah edilən dindir.

İslamda çətinlik yoxdur. Allah asanlıq olmasını istəyir, ayədə dəfələrlə vurğulayır, "hz. İbrahim (ə.s)-ın dini kimi asandır" deyir. Başqa bir ayədə isə: "Allah sizin üçün çətinlik istəməz, asanlıq istəyər" deyir. İslam bayram kimidir, sevinc dinidir. Asıb-kəsmək, döymək, söymək və qadınlara həyatı zəhər etmək; bunlar yoxdur. İslamda qadınlar çiçək kimidir.

Dini o qədər qarışıq hala gətirdilər ki, insanlar İslam deyə tam fərqli bir xurafat dini öyrəndilər. Quran yetərlidir, aydındır və konkretdir.

Ənənəçi ortodoks İslam anlayışında həyatla ölüm arasında fərq yoxdur, insanlara dünyada olarkən ölmələrinin lazım olduğu deyilir. Bu anormallığı görən Qərb dünyasının İslam deyildikdə narahatçılıq hiss etməsi haqsız deyil. Quran müsəlmanlığı izah ediləndə bu aradan qalxar. İslamın keyfiyyət və incəsənətin dini olduğunu, insanlara sonsuz azadlıq verdiyini ən gözəl şəkildə vurğulamağımız lazımdır.

İman, din, İslam, Quran, Allahı sevmək, həyatı çox keyfiyyətli, rəngli və gözəl edər. Əks təqdirdə problemdən başqa heç nə olmaz.