Adnan Oktar A9 TV; 27 fevral 2015

“Yoxsulluq lobbisi” dəccaliyyətin nəzarəti altındadır. Dəccal xüsusilə insanları əzmək üçün bu sistemdən istifadə edir. Kəndlini əzər, işçini əzər. Xüsusi bir sistemdir. Əzab çəkdirər, cinayət işləyər, qan tökər. Dəccaliyyət və şeytaniyyət bu əzab sayəsində qidalanar. Mehdiyyət də axan qanı dayandırar, əzabı dayandırar, yoxsulluq problemini həll edər.

Xüsusi yolla meydana gətirilən böyük bir yoxsulluq lobbisi var. Bu yoxsulluq lobbisini, yoxsulluğu meydana gətirən sistemi Mehdi (ə.s) aradan qaldırır. O zaman dünya avtomatik şəkildə, öz-özünə zəngin olur. Amma axırıncı dəfə zəngin olur.

Dünya səviyyəsində xüsusi bir yoxsulluq qruplaşması var. Bu qruplaşma böyük dövlətlərin qabaqcıl şəxslərinin, tanınmış kapitalistlərin, bir çox mərkəzi bankın dəstəyi ilə meydana gətirilir.

Dünyadakı yoxsul qruplaşmaları meydana gətirən sistem mehdiyyət dövründə sürətli formada ələ keçiriləcəyi üçün, artıq yoxsul qruplaşmalar təşkil edilə bilməyəcək. Çünki, yoxsul qruplaşmalar hal-hazırda təşkil edilərək meydana gətirilir.

Hal-hazırda xəsisliyə görə bütün dünya sürünür. Çox az varlı insan vardır, dünya əhalisinin 1%-i varlı, 99%-i isə kasıbdır. Ayənin bir təcəllisi olaraq dünya sürünür. Xəsislikdən imtina etdikləri təqdirdə bütün dünya varlı olacaqdır.

Dünyada kasıblığı təşkil edən xüsusi bir sistem var. Bu sistemin başında duran şəxslər var. Bunlara da əmr verənlər var. Əmir verənə, əmr verən var. Görə bilmədikləri əmr verən biri var. Kasıblıq xüsusi olaraq yaradılır və kasıblığın qarşısını ala bilmirlər. Allah; "Şükür edilmədikdə kasıblıq meydana gətirərəm" deyir. Allahın dediyi olur, insanlar qarşısını ala bilmir.

İman və Allah sevgisiylə zəngin olmaq çox gözəldir. Onda səxavətli olarsan, dost olarsan, uşaqlara bir şeylər verərsən, insanlara bir şeylər verərsən. Bol qazanarsan amma bol xərcləyərsən. Hal-hazırda nə bol gəlir var, nə də bol xərc. Geniş şəkildə yayılmış bir kasıblıq var.

Allah dünyanı süründürür, bütün dünya sürünür. Bu xüsusi olaraq yaradılır. Bəlkə də, dünyanın kasıb olması üçün heç bir səbəb yoxdur. Torpaq sahəsi olduqca genişdir. Hər cür əkin işi aparılacaq kimidir. Texnologiya, hər şey var. Allah, heyrət oyandıracaq şəkildə iqtisadi böhran və aclıq meydana gətirir. Heç bir səbəb olmadan. Möcüzə olaraq meydana gətirir. Çünki Allahı unudurlar. Allahı zikr etsələr olduqca böyük zənginlik hakim olar.

"Mən çox zənginəm" deyir. Sən necə zəngin ola bilərsən? "Yaxtam var" deyir. Yaxta haradadır? Beyninin içindədir. Yaxta haradadır? Mənim beynimin içindədir. Sən necə zəngin ola bilərsən? Bütün mal, mülk Allaha aiddir. Allah kölgə varlıq olaraq yaradır.

Müsəlman kasıb da olar, zəngin də. Peyğəmbərimiz (s.ə.v) əvvəlcə kasıb idi, sonra, Allah: "Kasıb olduğun zaman səni varlı etmədim mi?" deyir. Müsəlman çətinlik anlarında səbirli, zənginlik anlarında gözəl əxlaqlı olur. Peyğəmbərimiz (s.ə.v) yetim olaraq uzun illər yaşadı, bütün uşaqlığı kasıblıq içində keçdi.

Sevgi çox qəribə, çox mükəmməl bir duyğudur. Nə yeməyə bənzəyir, nə də içməyə. Ən çox zövq alınan nemətdir. "Yemək, yoxsa sevgi?" desən, sevgi. "Sənə yaxta verəcəyik, yoxsa sevgi istəyirsən?" desələr, sevgi. Yaxtanın nə faydası var, taxtadan olan nəhəng bir şeydir. Dənizin ortasında hərəkət etdiyini düşün. Sevgi yoxsa nə edəcəksən? Hansı işinə yarayar? Yaxud sənə qəsr verdilər, amma sevgi yox. Belə olduqda bu qəsr sənin üçün nəhəng bir həbsxana olar. Heç bir işinə yaramaz.

İnsanlar var-dövlət, güc və hakimiyyət sahibi olmağı xoşlayırlar. Gözəl qadınlar, gözəl avtomobillər, gözəl musiqi, gözəl həyat, gözəl paltarlar insana çox müsbət təsir edər. Normal, qanuni ölçü çərçivəsində bunlara sahib olub, dini də izah etsən, din insan həyatına daxil olar, İslam geniş kütlələrə çatar.

İslam aləmində bayram mehdiyyətlə birlikdə başlayacaq. Tək bir kasıb belə qalmayacaq. Mal-dövlət həmişə paylanacaq.

Hz. Mehdi (ə.s) bir bayram başladır. Bir anda insanların qəlbi zənginləşir. O buna malını verir, bu ona pulunu verir, o buna imkanını verir, hər kəs bir-birini himayə edir. Ağlasığmaz zənginlik meydana gəlir. Mal-dövlət artıqlaması ilə paylanır, bütün ümmət bayram edir, bütün dünya, kasıblar, məzlumlar, hər kəs.

Hakimlərin toxunulmazlıq hüququ ləğv edilməlidir. Hakimlərin toxunulmazlıq hüququ Türkiyədə əvvəldən bəri mövcud olan çox böyük bir problemdir. Necə ki, bütün məmurların toxunulmazlıq hüququ yoxdursa, hakimin də toxunulmazlıq hüququ olmasın. O da normal bir insandır, səhv edə bilər. Səmimiyyətsizlik və vicdansızlıq da cinayət kimi qəbul edilməlidir.

Prezident idarəetmə sistemiylə idarə olunan hər ölkə mafiyanın əlindədir. Prezident idarəetmə sistemiylə idarə olunan hər ölkədə çevriliş olur. Prezident idarəetmə sistemində dərin dünya dövlətinin asanlıqla idarə edəcəyi bir sistem meydana gəlir.

Biz müsəlman öldürmərik. Müsəlmana əl uzatmaq olmaz, cahildirsə öyrədərsən. Sevgiylə, şəfqətlə yaxınlaşarsan. Mənə Qurandan bir hökm göstərsinlər, harada müsəlman öldürmək yazılmışdır?. Heç bir alim buna fətva verə bilməz, bir müsəlman belə bir şeyə fətva verə bilməz. Heç vaxt izin vermərik.

PKK-nın silahı yerə qoyması, hamıya məlum olan silahı yerə qoyma fəaliyyəti kimi deyil. Silahı “yerə” qoyur, lakin guya özünü müdafiə etmə gücü olaraq, əsgər, jandarma, polis olaraq yenidən götürür. Məsələ budur. Yoxsa bunlar Cənub-Şərq bölgəsində silahsız bir dövlət qurmağı düşünmürlər. Dövlət qurmaq istəyirlər, lakin tamamilə avtomat silahların hakim olduğu, hərbi hava limanlarının, istehkam obyektlərinin və uzun müdafiə etmə sistemlərinin olduğu geniş miqyaslı bir fəaliyyət aparmağı düşünürlər.

Türk əsgəri heç bir şəkildə cani ola bilməz, cinayətə şərik ola bilməz. Kim türk əsgərini cinayətə təşviq etsə, qarşısında ağlı başında olan insanların olduğunu görəcəkdir. Türk əsgəri onsuz da belə bir tələyə düşməz. Belə bir çirkin cinayət törətməz. Bizə qatil olmağı təklif edənlər əxlaqsızlıq edirlər.

Kobani qalıq bir şəhərdir. Yerlə-yeksan olmuş, məhv olmuş bir yerdir. Təkcə açıq muzey ola bilər, başqa bir şey ola bilməz. Ayənin işarə etdiyi kimi, Allahın dinsizlərə necə bir fəlakət verdiyini, müsəlmanları necə xilas etdiyini göstərməsi baxımından mənalıdır. Kürd qardaşlarımızı; dindar olanları, Allahdan qorxanları xilas edib Türkiyəyə gətirdik, PKK/YPG isə oradaca həlak oldu.

Bunu dərk etməlisən ki, biz Türkiyənin bölünməsinə izin vermərik. Nə federasiya, nə o, nə bu ad altında bölünməsinə izin vermərik. Əsgərimizin, polisimizin qatillərini də heç vaxt buraxmarıq. Heç vaxt izin vermərik, canımız bahasına da olsa izin vermərik. Şəhid olarıq, amma bu vətəni bu namərdlərə, PKK-ya təslim etmərik. Bunu unutmalıdırlar.

Türk millətini, türk gəncliyini siyasi şüurla yetişdirmək lazımdır. Onlar darvinizmə, materializmə qarşı yetişdirilməlidir. İşğalçı kommunist rejimə qarşı nələr ediləcəyi izah edilməlidir. Gənclərə Allah, Kitab, din, iman, vətən, millət, bayraq sevgisi öyrədilməli və bunlar qəlblərinə nəqş edilməlidir.

Şəhid ailələrini heç boş buraxmamaq lazımdır. Onların evləri bir məscid kimi olmalıdır. Hər gün Allahın yada salındığı, gözəl söhbətlərin edildiyi, təmiz və pak bir yer olmalıdır. Gedənlər evi də gözəl şəkildə təmizləməlidirlər. "Ana biz evi təmizləyək" deməlidirlər. Çirkli qab-qacaq varsa, onları yumalıdırlar. Yemək yoxdursa, yemək bişirməlidirlər.