Adnan Oktar A9 TV; 26 fevral 2017

Mənim bütün dostlarım 5 vaxt namazlarını qılar və namaz məsələsində çox diqqətcildirlər.

Allah dəstəmazı bir ayədə izah edir və çox asandır. Mövhumatçılar isə dəstəmaz üçün 600 səhifə kitab yazırlar, üstəlik hər məzhəbə görə də fərqlidir. İnsanlar da buna baxıb mən dəstəmaz alıb namaz qıla bilmərəm deyirlər. Qurandan kənar din anlayışı insanları İslamdan soyudur.

Ənənəpərəst və mövhumatçı İslamın təməlində mütəşabih ayələri ağlagəlməz şəkildə şərh etmək vardır. Hökm, möhkəm ayələrdə yer alır.

Allah Quranda hər şeyin izah edildiyini bildirmişdir. Quran kafi deyildir, deyənlər Allahın bu hökmünə qarşı çıxırlar. (Nəhl surəsi, 89: Hər ümmət içində öz nəfslərindən onların üzərinə bir şahid gətirəcəyimiz gün, səni də onlar üzərində bir şahid olaraq gətirəcəyik. Biz Kitabı sənə hər şeyi izah edən, müsəlmanlara da hidayət, rəhmət və müjdə olaraq nazil etdik.)

Buddizm haqq dinin pozulmuş halıdır. Budizmin içində də namaz, oruc, zəkat kimi ibadətlər dəyişmiş halda var.

Namaz çox köhnə, qədim bir ibadətdir. Tarix boyu bütün qövmlərdə namaz ibadəti olmuşdur. Qayaüstü təsvirlərdə də bu həqiqət görünür.

Səmimi müsəlmanın namazı unutmasından söhbət gedə bilməz. Namaz Allaha sevgimizi göstərdiyimiz incə ibadətdir, nemətdir.

Qurana iman gətirən Quran ayələri ilə yaşayar. Quranın hökmlərindən başqa hökmlərə görə hərəkət edənlərin ortaya qoyduğu şirk dinidir.

Quranda hökmü ləğv edilən ayə yoxdur. Quranın bütün ayələri qiyamətə qədər keçərlidir. Quranın bəzi hökmlərinin ləğv edildiyini iddia edənlər axirətdə bu çirkin cəsarətlərinin qarşılığını tam alacaqlar. (Bəqərə surəsi, 85: Sonra (yenə) siz, bir-birinizi öldürür, bir qisminizi öz yurdundan çıxardır, günah və düşmənçiliklə əleyhlərində ittifaq edir və sizə əsir kimi gəldikləri vaxt, onlarla fidyələşirdiniz. Halbuki onları çıxartmağınız sizə haram edilmişdi. Yoxsa siz, kitabın bir hissəsinə inanıb da, bir hissəsini inkar mı edirsiniz? Artıq sizdən belə edənlərin dünya həyatındakı cəzası rüsvay olmaqdır, qiyamət günündə isə ən şiddətli əzaba düçar ediləcəklər. Allah nə etdiklərinizdən xəbərsiz deyil.)

Quranın hökmü axirətə qədər keçərlidir. Quranın sevgi, şəfqət hökmlərinin ləğv olunduğunu iddia edənlər böyük zülm etmiş olurlar. Bəzi mövhumatçılar Quranda sevgi, şəfqət hökmlərinin ləğv edildiyini söyləyərək musəvilərə və xristianlara şəfqətlə yaxınlaşmağı qadağan edirlər. Quranın heç bir ayəsi ləğv edilməmişdir. Allah Kitab əhlinə şəfqətlə, mərhəmətlə yaxınlaşmağı əmr etmişdir.

Qadınları namazdan, dəstəmazdan, İslamdan uzaq saxlamağı sanki mərifət zənn edirlər. Bu anlayış Peyğəmbərimiz (s.ə.v) dövründə yox idi, müşriklər yaratdı. Əvvəlcə qadınları namazdan, dəstəmazdan uzaq saxlamış, sonra da qadınların dini yarımçıqdır deyə cəhənnəmə gedəcəklər demişlər. Bu, şirk zehniyyətidir.

Quranda qadının döyülməsi deyə bir hökm yoxdur.

Möminlərin möminləri sevməsi, camaat halında olması Allahın Quranda bildirdiyi hökmdür.

Mənim dostlarım namazlarına qarşı çox diqqətcildirlər. Bir dəfə belə namazlarının vaxtını keçirməz, həmişə vaxtlı-vaxtında qılarlar.

Namaz bayramdır. Namaza yetişmək bayrama yetişməkdir. Namaz bayramına sevinclə hazırlıq görülər.

İslamın şərti 5-dir, demək doğru deyil. İslamın şərti Quranın bütün ayələrinə tam tabe olmaqdır.

İnsanlara namazı çox çətin göstərdikləri üçün bir çox insan namaz qılmaqdan uzaq qalır. Namaz çox zövqlü və asan ibadətdir. Namazı və dəstəmazı çətinləşdirmək şeytanın insanlara oyunudur. Allah Quranda dəstəmazı bir ayədə izah edir, insanlar onun barəsində 300 səhifə kitab yazırlar.

Şortla, maykada, dəstəmazsız olaraq da Quranı açıb oxuya bilərsən. O zaman Quran həmişə yanında olar. Sarılıb öpərsən. Eləcə də, Quran sənin həyatın, parçan olar.

Qatı dinçilər, həyatı cəhənnəmə çevirən, İslamı cəhənnəm kimi göstərən hərəkətin, ən təqvalı hərəkət olduğuna inanırlar. Məsələn, namazı qıla bilməyəcək hala gətirərsə, onun təqvalı bir hərəkət olduğuna inanırlar. Dəstəmazı alına bilməyəcək hala gətirərsə, bunun da təqvalı bir hərəkət olduğunu düşünürlər. Halbuki, Allah Quranda dəstəmazın tərifini bir sətirlə vermişdir.

Namazda vəsvəsəyə qapılmamaq lazımdır. Çünki sən namazdan çəkinmirsən. Dəstəmazdan da çəkinmirsən. Dəstəmaz almağa getdiyinə görə, deməli çəkinməmisən. Əlini üzünü yuyursan. Nə lazımdırsa edirsən. Onda niyə narahat olmalısan ki?

Namaz qılarkən, dəstəmaz alarkən, təvəkkül edərkən, Allahı xatırlayarkən, Quran oxuyarkən xoşbəxt olarsan, fikrin açılar, çünki zəif varlıqsan. Allah səni buna ehtiyacın olacaq şəkildə yaratmışdır. Bu gözəllikləri yaşamasan boğularsan. Bunlar suda boğulmağın qarşısını alan, can qurtaran nemətlərdir.

PEYĞƏMBƏRİMİZ (S.Ə.V)in ETDİYİ KİMİ NAMAZI FƏRAHLIQ, SEVİNC VƏ ASANLIQLA QILMAQ LAZIMDIR. Qarışıq xurafatlarla namazı qılınmaz hala gətirən şeytandır, bu, şeytanın oyunudur.İnsan dəstəmaz ilə fərahlanar . Çox asandır. Adam bu ibadəti 300 səhifə izah etmiş . Son dərəcə asan bir ibadəti nə hala gətirib, Allahdan qorx! Sonra da adam heç namaz da qılmır. Halbuki, bu ibadətləri çox yanlış izah edirlər .

Minlərlə dəfə söylədim bir daha söyləyirəm, mənim Mehdilik iddiam olmadı və olmayacaq. Hocalıq iddiam da yoxdur.

Döymə haram deyil. Dəri altına edilən bir əməliyyat olduğu üçün qüsl dəstəmazına mane olmaz.

Türkiyəni Suriya və ya İraqa döndərmələrinə icazə vermərik. Gənclər, qadınlar istədiyi kimi müasir və azad olacaq, incəsənət və keyfiyyət hakim olacaq.